Amos 7:16 - Tedim Bible

¹⁶ Tu-in Topa’ thugen ngai in. Israel mite’ langkhatah thu ka gen ding na hong kho a, Isaac’ suanlekhakte’ langkhatah thu ka gen ding na hong kham hi.

Tedim Bible Revision 2017

¹⁶ Tu-in Topaʼ thugen ngai in. Israel miteʼ lang khat ah thu ka gen ding na hong kho a, Isaacʼ suanlekhakteʼ lang khat ah thu ka gen ding na hong kham hi.

Amos 7:16 Referans Kwoze

Ezekiel 20:46

“Mihing ahi Ezekiel aw, leitaw lam gam en inla, leitaw lam gam siatna ding thu genin, leitaw lam gam tulakte a siatna ding thu genkhol in.

Micah 2:6

Amaute in kei kiangah, “Tua bang thu hong gen kei in. Tua bang thu gen dingin kilawm lo hi. Tua bangin Pasian in hong minsiasak lo ding hi,” hong ci uh hi.

Ezekiel 21:2

“Mihing ahi Ezekiel aw, Jerusalem khuapi, le mite in biakna a piakna uh mun tuamtuamte mawhsakna thu gen in.

Amos 7:13

Hih lai pen kumpipa’ biakinn mun, minam bup biakinn mun ahih manin Bethel-ah thu hong gen nawn kei in,” a ci hi.

Thu-hilhkikna 32:2

Ka thuhilhte guahmal bangin zu-in, ka thugente daitui bangin kia hen la, lo ngeek tunga guah phin leh ankung tunga guahzu bang tahen.

Isaiah 30:10

Amaute in thu mutheite tungah, “Mu kei un,” ci uh a, kamsangte tungah, “Kote’ tungah thuman hong gen kei un. Kote tungah thuzol bek hong gen unla, thutak ahi lote hong gen un.

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.

1 SAMUEL MASA 15:16

Tua ciangin Samuel in Saul kiangah, “Khawl in! Topa in tuzanin kei kiangah hong gen thu nang kiangah kong gen ding hi,” a ci hi. Tua ciangin amah in Samuel kiangah, “Hong gen in,” a ci hi.

Ezekiel 13:2

“Mihing ahi Ezekiel aw, Israel kamsangte mawhsakna gen in. ‘Topa’ thugen ngai in,’ ci khemin amau’ lungsim bangin thu a gente’ tungah gen in.

Amos 2:12

Ahi zongin note in Nazir mite leenggahzu na dawnsak uh a, kamsangte in ka thu a gen lohna dingun thu na pia uh hi.

1 KUMPI MASATE 13:1

Tua laitakin Topa’ sawlna tawh Judah panin Pasian’ mi khat Bethel-ah hong pai hi. Paknamtui hal dingin biakna tau gei-ah Jeroboam na ding hi.

2 KUMPI NIHNATE 14:24

Topa’ muhna-ah amah a sia gamta hi. Israel a khialhsakna, Nebat’ tapa Jeroboam’ khialhnate khempeuh panin amah kihemkhia lo hi.

Ezekiel 16:35

“Tua ahih ciangin a paktat Jerusalem aw, Topa’ thu ngai in.