Amos 7:13 - Tedim Bible

¹³ Hih lai pen kumpipa’ biakinn mun, minam bup biakinn mun ahih manin Bethel-ah thu hong gen nawn kei in,” a ci hi.

Tedim Bible Revision 2017

¹³ Hih lai pen kumpipaʼ biakinn mun, minam bup biakinn mun ahih manin Bethel ah thu hong gen nawn kei in,” a ci hi.

Amos 7:13 Referans Kwoze

Amos 2:12

Ahi zongin note in Nazir mite leenggahzu na dawnsak uh a, kamsangte in ka thu a gen lohna dingun thu na pia uh hi.

1 KUMPI MASATE 12:32

Tua ciangin Jeroboam in Judah a om pawi tawh a kibangin a kha giatna a ni sawm le nga ni-in pawi khat bawl a, biakna tau tungah biaknate a pia hi. Tua mah bangin amah in Bethel-ah bawlin ama bawlsa bawngno milimte tungah biakna a pia hi. Tua ciangin amah in ama bawlsa mualtung a biakna siampite Bethel-ah a koih hi.

1 KUMPI MASATE 12:29

Amah in Bethel-ah khat koihin, Dan-ah adang khat a koih hi.

1 KUMPI MASATE 13:1

Tua laitakin Topa’ sawlna tawh Judah panin Pasian’ mi khat Bethel-ah hong pai hi. Paknamtui hal dingin biakna tau gei-ah Jeroboam na ding hi.

Sawltak 5:40

Tua ahih manin uliante in Gamaliel’ thugen a mang uh hi. Sawltakte samkik sak uh a, a sat khit uh ciangin Jesuh’ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Sawltak 5:28

“Hih mipa’ min tawh thu na hilh nawn loh nadingun khauhtakin thu kong pia uh hi. Tu-in na gamtatnasate uh thei un. Jerusalem khuasung khempeuhah thu na genthang uh a, ama sihna pen kote nong ngawh nuam uh hi,” a ci hi.

Isaiah 30:10

Amaute in thu mutheite tungah, “Mu kei un,” ci uh a, kamsangte tungah, “Kote’ tungah thuman hong gen kei un. Kote tungah thuzol bek hong gen unla, thutak ahi lote hong gen un.

Amos 3:14

Amau’ khialhna hangin Israel gim ka piak ni ciangin, Bethel-a biakna taute zong ka susia ding a, biakna tau kite kitanin leilakah kia ding hi.

Amos 5:5

A bia dingin Beersheba-ah pai kei un. Bethel-ah kei hong zong kei un; a mawkna suak ding hi. Gilgal-ah zong lut kei un; Gilgal mite, sal a suak ding hi lel hi.

Amos 7:9

Isaac’ suanlekhakte’ biakna munte kinusiacipin, Israel mite’ siangtho munte kisusia ding a, Kumpi Jeroboam’ innkuante a simgawp dingin gal ka kuansak ding hi,” a hong ci hi.

Amos 7:16

Tu-in Topa’ thugen ngai in. Israel mite’ langkhatah thu ka gen ding na hong kho a, Isaac’ suanlekhakte’ langkhatah thu ka gen ding na hong kham hi.

2 KUMPI NIHNATE 14:24

Topa’ muhna-ah amah a sia gamta hi. Israel a khialhsakna, Nebat’ tapa Jeroboam’ khialhnate khempeuh panin amah kihemkhia lo hi.

Jeremiah 26:9

Bang hangin, ‘Hih biakinnpi pen Shiloh tawh kibang ding a, hih khuapi-ah a teng om loin gam simtham suak ding hi,’ ci-in Topa’ minin thu hilh ngam na hi hiam?” ci-in a gen uh hi. Topa’ biakinnpi sungah a om mi khempeuh in Jeremiah a umcih uh hi.