Amos 7:12 - Tedim Bible

¹² Tua ciangin Amaziah in Amos kiangah, “Kamsang kineih pa aw, na Judah gamah ciah inla, tua lai-ah na nuntakna ding na semin, thu va gen in.

Tedim Bible Revision 2017

¹² Tua ciangin Amaziah in Amos kiangah, “Kamsang kineih pa aw, na Judah gamah ciah inla, tua lai ah na nuntakna ding na semin, thu va gen in.

Amos 7:12 Referans Kwoze

1 KORIN MASA 2:14

Ahi zongin Kha Siangtho a nei lo mite in Pasian’ Kha Siangtho in a hong piak nate sang thei lo uh hi. Kha Siangtho a nei mite bek in theithei uh ahih manin amaute in tel thei lo uh a, amau a dingin a haihuai thu khat ahi lel hi.

Mattiu 8:34

Tua ciangin khuasung mi khempeuh, Jesuh kiangah hong pai-in amah a muh uh ciangin, amau gam panin a paikhiat nadingin a thum uh hi.

1 SAMUEL MASA 9:9

(Tua ma lai-in Israel-te sungah mi khat in Pasian kiangah thudong dingin a pai ciangin amah in, “Hong pai in, thumu pa kiangah va pai ni,” ci hi. Bang hang hiam cih leh tuhuna kamsang i cihte tua ma-in thumu pa kici hi.)

1 PETER MASA 5:2

Pasian in note’ khut sungah a hong piak tuuhonte hoihtakin na cing unla, ut lo pipi hi loin, Pasian’ hong deih bangin utna lungsim takpi tawh na cing un. Sum ngahnopna bek tawh a sem hi loin utna lungsim tawh a semte na hi un.

ROM (Romans) 16:18

Tua bang mite in i Topa Khrih’ na a sem hi loin, gilpi vai bek a sem uh ahi hi. Amaute in mite phatin kamkhum nono zang uh ahih manin mihoih pawlkhat a khemzo uh hi.

Sawltak 16:39

amau mahmah va pai-in a va thum khit uh ciangin thong sung panin khahkhia uh a, tua khua panin a paikhiat nadingun a thum uh hi.

Luka 13:31

Tuahun laitakin Farisi mi pawlkhat hong pai-in Jesuh kiangah, “Herod in nang thah hong sawm ahih manin hih lai panin mun dang khatah paikhia in,” a ci uh hi.

Malakhi 1:10

Vanglian Topa in, “Ka biakna tau tungah, bangmah-a kimang lo mei na tawh mawkmawk theih loh nadingun, note khatpeuh in biakinn kongkhakte khak le-uh cin ka ut hi. Note tungah ka lungkim kei a, nong piak uh biakpiaknate kong sang kei ding hi.

Amos 2:12

Ahi zongin note in Nazir mite leenggahzu na dawnsak uh a, kamsangte in ka thu a gen lohna dingun thu na pia uh hi.

Ezekiel 13:19

Mangbuhham khut khat dim le anlum them tawmkhat na ngah theih nadingun ka mite’ mai-ah kei nong minsiasak uh hi. A si dingin a kilawm lopite na that nuam uh a, a hing dingin a kilawm lopite na hingsak nuam uh hi. Tua bangin ka mite tungah zuauthu genin, amaute in note’ thugen hong um uh hi.

Isaiah 56:11

Uite in nakpitakin duh uh a, kham hun cih nei ngei lo uh hi. Tuucingte in zong thutheihna nei lo uh hi. Amaute khempeuh amau tum ciatin gamta uh a, a vekpi-un amau’ phattuamna ding bek a zong ciat uh hi.

Isaiah 30:10

Amaute in thu mutheite tungah, “Mu kei un,” ci uh a, kamsangte tungah, “Kote’ tungah thuman hong gen kei un. Kote tungah thuzol bek hong gen unla, thutak ahi lote hong gen un.

2 KHANG TANGTHU NIHNATE 16:10

Tua ciangin thumu pa tungah Asa heh a, amah kol bulhin thong sungah a koih hi; bang hang hiam cih leh hih thu hangin ama tungah nakpitakin heh hi. Tua hun mahin Asa in mi pawlkhat zong gitlohna tawh a gimsak hi.

1 SAMUEL MASA 2:36

Na suanlekhak a suakta mite khempeuh ngun peek khat ahi a, anlum lum khat ngen ding ahi zongin ama kiangah pai-in, “An tawm ka neih theih nadingin siampipa’ omna mun khat peuhpeuhah kei hong koih in, ci-in kong thum hi,” ci ding uh hi,’ ci hi,” ci-in a gen hi.

Amos 7:11

Amah in hih bangin thu gen a, ‘Gal sungah Jeroboam si ding a, Israel mite amau’ gam panin salin kipaikhiatpih ding hi,’ ci hi,” ci-in a khia hi.