Amos 6:4 - Tedim Bible

⁴ Saiha kibawl lupna tungah a lum hithiat, tutphah nip tungah a kizia hiathiat, tuuno sa le bawngno sa, duhduhin a ne note in gimna na thuak ding uh hi.

Tedim Bible Revision 2017

⁴ Saiha kibawl lupna tungah a lum hithiat, tutphah nip tungah a kizia hiathiat, tuuno sa le bawng no sa, duhduhin a ne note in gimna na thuak ding uh hi.

Amos 6:4 Referans Kwoze

Jeim 5:5

Hih leitung na nuntak sungun uang nekin na noptat mahmah uh hi. Note hong kigawh hun ding kiginna-in a kithausak phitphet na hi uh hi.

Amos 3:12

Topa in hih bangin ci hi: Humpinelkai’ nek baang tuu khebom nih ahi a, a bil themkhat bek ahi zongin tuucingpa in a ngah tei mah bangin, tutphah nip kiu khat le lupna themkhat tawh a kibang, Samaria sungah a om Israel mi tawmno khat suakta tei ding hi.

Luka 16:19

“Khatvei, mihau mahmah khat om a, nisimin puan manpha nono silhin, anlim nono ne-in a om hi.

Isaiah 22:13

Ahih hangin note in lungdamna le kipahna, bawngtalte le tuute gawhna, sa nekna le leenggahzu nekna na nei zawsop uh a, “Zing ciangin si ding ihih ciangin nene-in dawndawn ni,” na ci zawsop uh hi.

Late 73:7

A lungsim panun gitlohna pusuaksak uh a, a ngaihsutna uh gitlohna tawh a dimlet hi.

Esther 1:6

Tua huang sungah suangkang khuamte kiphut a, khau malneu le khau dupsan tawh ngun kualte-ah kikhihin a kikhai dalna puanpakte kikhungin, suangmanpha a san, a dum, a kang, le a vom, a nam tuamtuamte kizangin a kizem suangphah kiphah tungah kham le ngun kibawl lupnate kikoih hi.

Jeremiah 16:8

Pawi kibawlna inn-ah na pai kei ding uh a, amaute tawh a ne a dawnkhawm dingin na tu kei ding uh hi.

Ezekiel 16:49

Na sanggamnu’ mawhna pen: Amah le a tanute in nek ding tampi nei-in nuamsa mahmahin, daitakin om uh ahih manin amaute kiphasak uh a, a zawng a cimawhte don lo uh hi.

Ezekiel 23:41

Lupna hoih mahmah tungah tu-in a mai uhah sabuai limtakin koih uh hi. Tua sabuai tungah keima piaksa paknamtui le oliv thaute koih uh hi.

Amos 8:3

Tua ni ciangin kumpi inn-ah lungdam lasakna awgingte, kahna awging suak ding hi. Mun khempeuhah misi dim ding a, mun citengah kipaithangin gamdai ding hi,” Topa in ci hi.

Micah 6:12

Na mihaute uh mizawngte tungah tatsia mahmahin, na khuasung mi khempeuh uh zuaugen vive ahi uh a, a kam un khemna thu bekbek gen hi.

Piancilna 37:25

Tua ciangin amaute an ne dingin tu uh hi. A khuadak uhleh Gilead panin Ishmael mite a kalaohte uh tawh singnai, lingsi, le myrrh paknamtui pua-in Egypt-ah puaksuk dingin a pai mu uh hi.

Isaiah 28:1

Israel Kumpi gam in siatna a thuak ding hita hi. Zu a kham, a gam makaite’ lu tungah a om pak tawh a kibawl Kumpi lukhu bangin a minthanna maimangta hi. A lutang uh paknamtui kinuh napi-in zukhamin tukmangkhin uh hi.