Amos 6:2 - Tedim Bible

² Kalneh khua-ah pai unla limtakin va en un. Tua ciangin Hamath khuapi lian ah va paisuak unla, Filistia-te’ khuapi Gath khua dong va paisuk un. Judah le Israel kumpi gamte sangin hoihzaw tuan a, amaute’ gam pen note’ gam sangin lianzaw tuan ahi hiam?

Tedim Bible Revision 2017

² Kalneh khua ah pai unla limtakin va en un. Tua ciangin Hamath khuapi lian ah va paisuak unla, Filistia-teʼ khuapi Gath khua dong va pai suk un. Judah le Israel kumpi gamte sangin hoih zaw tuan a, amauteʼ gam pen noteʼ gam sangin lian zaw tuan ahi hiam?

Amos 6:2 Referans Kwoze

Nahum 3:8

Nineveh aw, Thebes khuapi sangin a ginazaw kisa zenzen na hi hiam? Amah zong, a kimkotah tui in umcih a, amah a dal ding nei a, a kulh dingin a kimkotah tui om hi.

2 KUMPI NIHNATE 18:34

Hamath le Arpad’ pasian-te koi-ah om ahi uh hiam? Sefarvaim, Hena, le Ivvah pasian-te koi-ah om ahi uh hiam? Keima khutsung panin amaute in Samaria a honkhiazo uh hiam?

Piancilna 10:10

Ama kumpi gam kipatna Babel, Erek, le Akkad hi a, tuate khempeuh Shinar gam sungah om hi.

2 KHANG TANGTHU NIHNATE 26:6

Amah kuankhia-in Filistia mite va sim a, Gath khuapi kulh, Jabneh khuapi kulh, le Ashdod khuapi kulh sucim hi. Tua ciangin amah in Ashdod gam sung le Filistia-te’ gam sung mun dangte-ah khuapite a lam hi.

1 SAMUEL MASA 17:4

Filistia-te’ giahphual panin Gath khuami Goliath a kici a makai, a tun pi kua val a sang mi khat hong paikhia hi.

2 KUMPI NIHNATE 19:13

Hamath kumpipa, Arpad kumpipa, Sefarvaim khuapi kumpipa, Hena kumpipa, ahih kei leh Ivvah kumpipa koi-ah om ahi uh hiam, ci hi,’ ci un,” a ci hi.

2 KUMPI NIHNATE 17:30

Babylon mite in Sukkothbenoth pasian lim, Kuth mite in Nergal pasian lim, Hamath mite in Ashima milim,

2 KUMPI NIHNATE 17:24

Tua ciangin Assiria kumpipa in Babylon, Kuthah, Avva, Hamath, le Sefarvaim panin mite paipih a, Israel mite’ tangin Samaria khuapite-ah amaute a koih hi. Amaute in Samaria gam luahin a khuapite-ah teng uh hi.

1 KUMPI MASATE 8:65

Tua hi a, tua hun lai-in Solomon le amah tawh a om Israel mi khempeuh in Topa i Pasian’ mai-ah ni sagih sung, Hamath khua lutna panin Egypt lui dong kikhopna lianpi khat bawlin pawi khat kham uh hi.

1 SAMUEL MASA 17:23

Amaute tawh a kiho laitakin, Gath khuami Filistia-te a makaipi Goliath min nei pa, Filistia uliante lak panin hong paikhia-in a masa-a mah bangin kam hong pau hi. David in ama kampau a za hi.

1 SAMUEL MASA 5:8

Tua ahih ciangin amaute in mi sawlin Filistia uliante khempeuh khawm uh a, “Israel-te’ Pasian’ Thuciamna Singkuang bang cih ding ihi hiam?” a ci uh hi. Amaute in dawngin, “Israel-te’ Pasian’ Thuciamna Singkuang Gath-ah koihsak ni,” a ci uh hi. Tua ahih ciangin amaute in Israel-te’ Pasian’ Thuciamna Singkuang tua lai-ah paipih uh hi.

Jeremiah 49:23

Damaskas khua tawh kisai-in Vanglian Topa in a genin-ah: “Hamath khua le Arpad khuate in thusia za uh ahih manin lungmangin a om uh hi. Tuipi dai thei lo bangin a launa uh dai thei lo hi.

1 SAMUEL MASA 5:10

Tua ahih ciangin amaute in Pasian’ Thuciamna Singkuang Ekron-ah puak uh hi. Ahih hangin Pasian’ Thuciamna Singkuang Ekron a tun ciangin Ekron mite kiko uh a, “Kote le ka mite uh a that dingin amaute in Israel-te’ Pasian’ Thuciamna Singkuang ko kiangah hong paipih uh hi,” a ci uh hi.

2 SAMUEL NIHNA 8:9

Hamath kumpipa Toi in David in Hadadezer’ galkap buppi a zawhna thu a zak ciangin,