Amos 6:12 - Tedim Bible

¹² Sakolte, suangkeen tungah tai thei ngei a, bawngtalte tawh tuipi tung kikho thei ahi hiam? Tua hinapi-in note in thutang, gu na suaksak uh a, thuman, a khial na suaksak uh hi.

Tedim Bible Revision 2017

¹² Sakolte, suangkeen tungah tai thei ngei a, bawngtalte tawh tuipi tung kikho thei ahi hiam? Tua hi napi-in note in thutang pen gu na suaksak uh a, thuman pen a khial na suaksak uh hi.

Amos 6:12 Referans Kwoze

Amos 5:7

Thutang lumletin thuman mite lei a denna, note a dingin bangzahin nasia ding ahi hiam?

Hosea 10:4

Amaute a kampi bek uh hi a, a kampi bekun thu genin thuciamna a bawl uh hi. Lolai-a tu-ma-kuakte sungah gunei kiak a po mah bangin thusia neihna hong khang hi.

Isaiah 48:4

Note pen paupeengin na ngawng uh sik thagui bang hi a, na thatang uh sumngo bangin a sakna thei khin ka hih manin,

Micah 7:3

A sia lama gamtat ding siam mahmah uh a, uliante le thukhente in sumgolh ngenin, miliante in amau’ deihteng pulak uh a, kipawlin vaihawm khawm uh hi.

Hosea 10:13

Ahi zongin note in thusia na tuh zawsop uh a, thusia gah na at uh hi. Na zuauna uh hangin a piang gahte na ne uh hi. Note in na sakol leengte uh le na galkap tamna uh muangkha na hih manun,

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na sukgawp hangin na thuhilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Jeim 3:18

Kilemna a piangsak mite in lungnuam takin a tuh khaici in hoihna le dikna a piangsak hi.

Amos 2:3

Tuate lakah Moab gam ukte ka sisak ding a, a uliante ka that ding hi.

Amos 3:10

Topa in hih bangin ci hi: Hih mite in a manin gamtat ding thei lo uh a, gilo mahmah uh a, mi’ na a suh uh vante tawh a inn lianpipite uh kidimsak uh hi.