Amos 5:5 - Tedim Bible

⁵ A bia dingin Beersheba-ah pai kei un. Bethel-ah kei hong zong kei un; a mawkna suak ding hi. Gilgal-ah zong lut kei un; Gilgal mite, sal a suak ding hi lel hi.

Tedim Bible Revision 2017

⁵ A bia dingin Beer-sheba ah pai kei un. Bethel ah kei hong zong kei un; a mawkna suak ding hi. Gilgal ah zong lut kei un; Gilgal mite, sal a suak ding hi lel hi.

Amos 5:5 Referans Kwoze

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal-ah ahi a, Bethaven-ah ahi zongin pai kei unla, tua lai munah Topa’ min tawh na kiciam kei un.

Amos 8:14

Samaria milim pasian Ashimah min tawh kiciam a, ‘Dan khuapi pasian a nungta ahih mah bangin,’ le ‘Beersheba khuapi pasian a nungta ahih mah bangin,’ a ci mite pukin thokik nawn lo ding uh hi,” a ci hi.

Amos 4:4

Israel mite aw, Bethel-a mun siangtho-ah va pai unla, tua lai-ah khialhna va bawl un. Gilgal-ah va pai unla, va khial semsem un. Zingsang simin biakna va pia unla, ni thum simin sawm-ah-khat pia un.

Piancilna 21:33

Abraham in Beersheba-ah makeng kung khat suan a, tua lai munah Tawntung Pasian, Topa a bia hi.

Mangmuhna 18:17

Nai khat sungin a hauhna khempeuh maimang ta!” a ci uh hi. Teembaw ukte le a tungah a tuangte, teembaw hawlte le tuipi tungah nuntakna a zongte a gamlapi-ah ding uh a,

1 KORIN MASA 2:6

Ahi zongin kha thu lamah a khangham mite tungah pilna thu ka gen hi. Tua ka gen pilna pen tu-in a maimang kuankuanta ding hih leitung mite’ pilna le vangliatna thu hi lo hi.

1 KORIN MASA 1:28

Leitung mite in thupi a sakte uh a suksiat theih nadingin Pasian in leitung mite’ simmawh a niamte, bangmahin a ngaihsut loh uh mite a teel hi.

Amos 7:17

Amaziah aw, tua bangin kampau na hih manin Topa in nang kiangah, ‘Na zi pen khua sungah numei paktat suak ding a, gal sungah na tate si ding uh hi. Na gam kiphelkhamin midang tungah kipia ding a, lawkite’ gam sungah nang na si ding hi. Israel mite, galmatin kipaipih ding hi,’ ci hi,” a ci hi.

Hosea 12:11

Gilead gamah milim biakna om a, tuate a kimanna om lo hi. Gilgal gamah bawngtal tawh bia uh a, lokhote in a suang deih lohteng uh a phualphualin a cian kawikawi tawh kibangin, a biakna taute uh bangmahin kimang lo ding hi.

Hosea 10:8

Israel-te in milim bia-in mawhna a bawlna munte kisusia ding a, a biakna taute uh tungah ling le kiak a po ding hi. Tua ciangin mite in mual liante kiangah, “Hong vukcip un,” ci ding uh a, mual neute kiangah, “Hong dengcip un,” a ci ding uh hi.

Hosea 9:15

Topa in hih bangin gen hi: Amau’ gamtatsia khempeuh Gilgal phual pan a kipan hi a, tua mun a kipanin amaute ka muhdah a kipan ahi hi. Amaute’ gamtatsiatna hangin gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.

Isaiah 29:20

Bang hang hiam cih leh kampauna tawh a khialh nadingun mite bawlin, kongpi sungah mi a thuhilhpa thang siahin, a thuman mipa pen zuauthu tawh a heikhia, thukhual lo mite a mawkna suakin, mi a thusim lo mite bei-in, siatna hih ding a sawm mite khempeuh kisusia ding hi.

Isaiah 8:10

Note kikhawmin thu na vaihawm uh hangin a mawkna suak ding a, thu khat peuhpeuh na gen uh hangin kip lo ding hi. Bang hang hiam cih leh kote tawh Pasian hong omkhawm hi.

Late 33:10

Topa in minamte’ thungaihsutna a mawkna suahin, mite’ geelna a khaktan hi.

JOB (Job) 8:22

Nang hong mudahte in maizumna ngah ding uh a, migilote’ puanbuk maimang ding hi,” a ci hi.

1 SAMUEL MASA 11:14

Tua ciangin Samuel in mite kiangah, “Hong pai un; Gilgal-ah pai-in kumpi dingin Saul kipsak phakik ni,” a ci hi.

1 SAMUEL MASA 7:16

A kumkumin Bethel, Gilgal, le Mizpah-ah kot pai a, amah in hih munte khempeuhah Israel-te thu khen hi.

Thu-hilhkikna 28:41

Tanute le tapate na nei ding uh a, ahih hangin amaute pen nomau a’ hi lo ding uh hi; bang hang hiam cih leh amaute galmat suak ding uh hi.

Piancilna 21:31

Tua ahih ciangin tua mun Beersheba kici hi. Bang hang hiam cih leh amau tegel tua munah thu kiciam uh hi.

1 SAMUEL MASA 8:2

A ta upa’ min Joel hi a, a nihna’ min Abijah ahi hi. Amaute pen Beersheba-ah thukhente ahi uh hi.

1 KUMPI MASATE 12:28

Tua ahih ciangin kumpipa in thu kikupna khat bawl a, tua ciangin kham bawngno nih bawl hi. Tua ciangin amah in mite kiangah, “Jerusalem-ah sauvei khop na pai khinta uh hi. Israel mite aw, Egypt leitang panin note hong paikhiatpih na pasian-te uh en un,” a ci hi.

1 KUMPI MASATE 12:29

Amah in Bethel-ah khat koihin, Dan-ah adang khat a koih hi.

Amos 3:14

Amau’ khialhna hangin Israel gim ka piak ni ciangin, Bethel-a biakna taute zong ka susia ding a, biakna tau kite kitanin leilakah kia ding hi.

Amos 7:10

Bethel-ah a om siampi nasem Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gam sung siasak ding hi.

Amos 7:13

Hih lai pen kumpipa’ biakinn mun, minam bup biakinn mun ahih manin Bethel-ah thu hong gen nawn kei in,” a ci hi.

Piancilna 26:23

Tua lai mun panin amah Beersheba-ah paito hi.

Piancilna 26:33

Amah in tua pen Shibah ci-in min phuak hi. Tua ahih ciangin tua khuapi min pen tuni dongin Beersheba kici hi.

Joshua 5:9

Tua ciangin Topa in Joshua kiangah, “Tuni-in note’ tung panin Egypt gamah sal suakin na minsiatna uh ka zialkhia hi,” a ci hi. Tua ahih ciangin tua mun pen tuni dongin Gilgal kici hi.

2 KUMPI NIHNATE 23:8

Tua ciangin amah in Judah khuapite panin siampite khempeuh paikhiatpih a, Geba panin Beersheba ciang dong, siampite in paknamtui a halna mualtung a biaknate a susia hi. Tua ciangin amah in khuapi kulhkongpi veilam, khuapi ukpa Joshua’ kongpi lutna-ah a om dawibiakna munte a phelkhia hi.

Jeremiah 48:13

Tua ciangin Israel mite, a muan uh Bethel pasian in a maizumsak mah bangin Moab mite, a biak uh Khemosh pasian in a maizumsak ding hi.

Amos 1:5

Damaskas khuakulhpi zawlte ka sutan ding a, Aven Kuama teng mi khempeuh le Betheden Kuam sungah a om gam ukte khempeuh keimah in ka susia ding a, Syria mite ahihleh Kir gamah salin kipaipih ding hi.

Amos 7:9

Isaac’ suanlekhakte’ biakna munte kinusiacipin, Israel mite’ siangtho munte kisusia ding a, Kumpi Jeroboam’ innkuante a simgawp dingin gal ka kuansak ding hi,” a hong ci hi.