Amos 5:21 - Tedim Bible

²¹ Na biakna pawite uh mudahin ka deih kei a, na biak kikhopnate uhah ka lung a kim kei hi.

Tedim Bible Revision 2017

²¹ Na biakna pawite uh mudahin ka deih kei a, na biak kikhopnate uh ah ka lung a kim kei hi.

Amos 5:21 Referans Kwoze

Paunak 28:9

Mi khat in thukham a zuihnop kei leh ama thungetna nangawn Pasian in zakthadahhuai sa hi.

Siampi Laibu 26:31

Keimah in na khuapite uh siasakin, na biakna munte uh gamkhing ka suaksak ding a, nomau’ hong biakna a gim namtuite ka diik kei ding hi.

Isaiah 66:3

Biakna-in bawngtal a gopa in mihing zong that hi. Biakpiakna-in tuuno a gopa in ui ngawng zong at hi. An tawh biakpiakna a bawlpa in vok si zong pia hi. Paknamtui tawh phawkna biakpiakna a bawlpa in milim zong bia-in thupha a pia hi. Hih mite amau ut bang ciatin gamta uh a, amau’ kihhuai gamtatna uhah nuam a sa uh hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin sing namtuite hong tung ahi hiam? Na meihal biaknate uh ka sang thei kei a, nong biaknate uh deihhuai ka sa kei hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhnate phawkin tua mawhnate hangin amaute gim ka pia ding hi. Egypt-ah amaute ka sawlkik ding hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Paunak 21:27

Topa in migilote’ biakpiaknate deih lo a, ngimna hoih lo tawh a piakte uh deih lo zaw kan lai hi.

Piancilna 8:21

Topa in a namtui gimnam a zak ciangin, a lungsim sungah, “Mihing’ gamtatna hangin leitang ka samsia kik ngei nawn kei ding hi. Bang hang hiam cih leh mihing’ lungsim ngaihsutna pen a tangval lai panin a gi lo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi.

Efesa 5:2

Khrih in eite a hong it manin Pasian in eite’ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Filippi 4:18

Note’ hong piak nate kicing piikpeek hi. Epafroditas in note’ hong na khakte hong tunpih ahih manin ka kitangsapna khempeuh kicingkim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Jeremiah 14:12

An a tan’ uh hangin amau’ thumna ka ngai kei ding a, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisakzaw ding hi,” hong ci hi.

Ezekiel 23:18

Amah numei paktat ahihna mi khempeuh theisakin, tua bangin amah le amah a kipholak ciangin a unu ka muhdah zah mah bangin amah zong ka mudah hi.

Hosea 2:11

Ama lungdam theihna, a kumsim pawite, a khasim pawite, a nipisim pawite, a biakna kikhop khempeuh ka beisak ding hi.

Hosea 5:6

Topa tungah biakna-in piak dingin a tuute uh le a bawngte uh paipih ding uh a, ahi zongin a mawkna suak ding hi. Topa in amaute nusia khin ahih manin amah mu zo lo ding uh hi.

Amos 4:4

Israel mite aw, Bethel-a mun siangtho-ah va pai unla, tua lai-ah khialhna va bawl un. Gilgal-ah va pai unla, va khial semsem un. Zingsang simin biakna va pia unla, ni thum simin sawm-ah-khat pia un.

Amos 4:5

Lungdam kohna-in silngo sawh anlum va pia unla, utthu-a biakpiaknate va pia-in va kisial un. Hihte pawl pen note’ hihnop pawl ahi hi, Topa in ci hi.

Amos 6:8

Topa Pasian thupi takin kiciam khin a, Topa, Vanglian Pasian in hih bangin ci hi: Israel-te’ kiphatsakna ka hua a, a munmuanhuaite uh ka mu nuam kei hi. Tua ahih manin a khuapi le a sunga a omteng, galte’ khut sungah ka pia ding hi.

Amos 8:10

Na lungdam pawite uh dahna ka suaksak ding a, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun pen a tawp dongin nasia semsem ding hi.