Amos 5:13 - Tedim Bible

¹³ Tua ahih manin hih bang hunsiat hun laitakin thu ngaihsun thei mite, pau loin a om khikhe, lamdang sak ding hi lo hi.

Tedim Bible Revision 2017

¹³ Tua ahih manin hih bang hun siat hun laitakin thu ngaihsun thei mite, pau loin a om khikhe, lamdangsak ding hi lo hi.

Amos 5:13 Referans Kwoze

2 TIMOTI NIHNA 3:1

Nitawp ni hun pen a lauhuai hun ahih ding lamtak phawk in.

Micah 2:3

Tua ahih ciangin Topa in hih bangin ci hi: Note’ tungah gimna tunsak ding ka ngaihsun a, tua gimna tawh na kipelh thei kei ding uh hi. Note a dingin hun hoih lo hi ding ahih manin kiphatsakna tawh na gamta nawn kei ding uh hi.

Hosea 4:4

Kuamah in mihonte mawhsak kei hen la, mihonte taii kei hen. Kei’ lungkim lohna no siampite’ tung ahi hi.

Thuhilh-sia 3:7

Balkek hun om a, phop hun om hi. Daih hun om a, pau hun om hi.

Efesa 6:13

Tua ahih manin hun haksat hun hong tun ciangin galte’ hong suknateng khempeuh nangzo-in, a tawpna-ah a gualzo na hih theih nadingun Pasian’ galvan namkim na zang un.

Habakkuk 3:16

Hih thute khempeuh ka zak ciangin ka pumlin’ a, lau lua-in ka muk ling sapsap hi. Ka guh ka taang hong zen a, guh nei lo bangin ka pukcipsuk hi. Ko hong simgawp mite Pasian in gim a piak ding hun daitakin ka ngak khikhe ding hi.

Amos 6:10

Mi khatpeuh a sihna inn panin a vui dingin a si puakhia-in, a behte khatpeuh hong pai ciangin, innsung tawngah a bu mi khatpeuh kiangah, “Hih lai-ah a si dang a om hiam?” ci-in a dot ciangin, “Om lo hi; pau kei in. Topa’ min na lawhkhak ding kidawm in,” ci-in kidawngkik ding hi.

Isaiah 37:3

Amaute in Isaiah kiangah, “Hezekiah in, ‘Tuni pen lungkham ni, tai ngah ni, mindai ni ahi hi. Naungek a suah hun tung napi-in a hingkhia zo lo nupi tawh i kibang hi.

Isaiah 36:21

Ahih hangin kumpipa in, “Dawng kei un,” ci-in thu piakhol ahih manin amaute daitakin om uh a, kam khat beek dawng lo uh hi.

Thuhilh-sia 9:12

Mihing in ama hun ding thei ngei lo hi. Thangah a awk vasate le ngen-ah a awk ngasate tawh i kibang hi. Lamet loh hun laitak keekin hunsia sungah mihingte i tung hi.

2 KUMPI NIHNATE 18:36

Ahih hangin mite dai-in kam khat beek dawngkik lo uh hi; bang hang hiam cih leh kumpipa’ thupiakna pen, “Amah dawng kei un,” cihna ahi hi.

JOB (Job) 32:16

Amaute pau loin a om ciangun kei zong pau loin ngak lailai ding ka hi hiam? Amaute in a gen ding uh thei nawn loin ommawk uh hi.

Late 38:14

Bil khua za lo, tawnna kam a za thei lo mi khat tawh kei ka kibang takpi hi.