Amos 5:10 - Tedim Bible

¹⁰ Note in thukhen zumah thutang a deih pa na mudah uh a, thuman a gen pa na hua uh hi.

Tedim Bible Revision 2017

¹⁰ Note in thukhen zumah thutang a deih pa na mudah uh a, thuman a gen pa na hua uh hi.

Amos 5:10 Referans Kwoze

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih nading, Imlah’ tapa Mikaiah a kici mi khat omlai hi. Ahih hangin amah in kei’ thu a hoih gen ngei loin a sia gen den ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

Mangmuhna 11:10

Teci a pang tua kamsang nihte in leitung mite tungah gimna nakpitakin tungsak uh ahih manin hih mi nihte a sihna hangin lungdamin pawi bawl ding uh a, a nuamna uh hangin khatlekhat letsong kipia ding uh hi.

Johan 15:19

Hih leitung mite tawh a kipawl hi le-uhcin leitung mite in amau pawlte hong it ding hi. Ahi zongin hih leitung mite lak panin note ka hong teelkhia a, amaute tawh kipawl nawn lo na hih manun a hong mudah ahi uh hi.

Johan 7:7

Leitung mite’ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.

Johan 3:20

A gamtat hoih lo mite in a siatna uh a kilatkhak ding ut lo uh ahih manin khuavak deih lo uh a, khuavakah pai nuam lo uh hi.

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

2 KHANG TANGTHU NIHNATE 25:16

Ahih hangin amah in thu a gen laitakin kumpipa in ama kiangah, “Kumpipa tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsangpa khawl a, ahih hangin ama kiangah, “Hih bang gamta-in ka thugenna ngai lo na hih manin Pasian in nang hong suksiat ding a lungsim a khentatna ka thei hi,” a ci hi.

1 KUMPI MASATE 21:20

Ahab in Elijah a muh ciangin, “Ka gal pa aw, kei hong mu na hi hiam?” a ci hi. Amah in dawngin, “Topa’ muhna-ah a sia a gamta dingin nangmah kipiatawm na hih manin nang kong mu hi.

1 KUMPI MASATE 18:17

Ahab in Elijah a muh ciangin, “Israel mite a lungkhamsak pa, nang na hi hiam?” a ci hi.

Galati 4:16

Note kiangah thuman ka hong genna hangin kei a hong galbawl na hi uh hiam?

Paunak 15:12

A kihisak mite in kithuhilhna ngai nuam lo uh a, mipilte kiangah thu dong ngei lo uh hi.

Isaiah 59:15

Thuman om lo lua ahih manin siatna a pelh mipa pen mihai-in kingaihsun zawsop hi. Topa in hih thu mu a, thutang om lo ahih manin amah lungkim lo hi.

Jeremiah 38:7

Kumpipa’ inn sungah na a sem kumpi ulian khat ahi Ethiopia mi Ebedmelek in tuikhuk sungah kei hong kikhiatlam a za hi. Tua laitakin Benjamin Kongpi-ah kumpipa tu-in a om hi.

Hosea 4:4

Kuamah in mihonte mawhsak kei hen la, mihonte taii kei hen. Kei’ lungkim lohna no siampite’ tung ahi hi.

Amos 5:15

Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam khathei ding hi.

Siampi Laibu 13:10

Siampipa in vel ding a, a vun sungah a bawk kang omin, tua in a multe kangsakin a bawk sungah ma thak a om leh,