Amos 4:7 - Tedim Bible

⁷ Tua ahih manin anlak hun ding kha thum bek in a sap laitak, lolai-a om ante in guahtui a sap mahmah laitakin guah ka zusak kei a, khuapi khat bekah zusakin a dangte-ah ka zusak kei hi. Lo khat bekah guah zu a, a zuk lohna lote a keutum hi.

Tedim Bible Revision 2017

⁷ Tua ahih manin anlak hun ding kha thum bek in a sap laitak, lo lai-a om ante in guahtui a sap mahmah laitakin guah ka zusak kei a, khuapi khat bekah zusakin a dangte ah ka zusak kei hi. Lo khat bekah guah zu a, a zuk lohna lote a keutum hi.

Amos 4:7 Referans Kwoze

Jeremiah 3:3

Tua hang mahin guahtui kikangsak a, guah nunung hong zu lo hi. Ahi zongin numei paktatte tawh a kibang hinapi-in na maizum thei kei lailai hi.

Paikhiatna 9:26

Israel mite a omna Goshen gam bekah gialpi kia lo hi.

Isaiah 5:6

Lokhulin ka bawl ding hi. Kipuah loin, kikho lo ding a, tua lo sungah lingkung le lingte a khang ding hi. Ama tungah meiite in zong guah a zuksak loh nadingin thu ka pia ding hi.

Jeim 5:17

Elijah zong eite mah bangin mi mawkmawk hinapi-in, guah a zuk loh nadingin lungsim takpi tawh thu a nget ciangin kum thum le kum lang sung tua gam sungah guah zu lo hi.

Joel 2:23

“Zion mite aw, kipak unla, Topa na Pasian uh tungah lungdam ta un. Note in an na hauh theih nadingun nidanga bangin khuapi guah, tuk guah le phalbi guah, a hoihbekzah hong zusak hi.

Paikhiatna 10:23

Ni thum sung amau khatlekhat kimu thei lo uh a, ama omna panin kuamah paikhia thei lo hi. Ahih hangin Israel mite in amau’ tenna-ah khuavak nei uh hi.

Paikhiatna 9:4

Israel mite a’ khempeuh khat beek a sih loh nadingin Israel-te’ ganhingte le Egypt-te’ ganhingte’ kikalah Topa in a kilamdanna khat ka bawl ding hi,” ci hi,’ ci-in gen in,” a ci hi.

Mangmuhna 11:6

Amaute’ ut hunhunin a thugen laitakun guah zu losak thei uh a, tuite sisan a suahsak theih nadingun vangliatna nei uh a, leitungah gimna a tuamtuam tungsak thei uh hi.

Johan 4:35

Note in na paunak uhah, ‘Khai tuh khit kha li ciangin anlak hun hi,’ na ci uh hi. Tu-in note khuadakin lote en un. An khempeuh min khinta a, lak ding bek in sam hi.

Zekhariah 14:17

Minam khat peuhpeuh, Vanglian Topa ahi kumpipa a bia dingin Jerusalem-ah a painop kei leh amau’ gam sungah guah zu lo ding hi.

Jeremiah 14:22

Gamdang pasian zuaute’ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa kote’ Pasian aw, nangmah in tuate khempeuh hih na hih manin nangma sungah lametna kong nei uh hi.

Jeremiah 14:4

Lokhote lungmang uh a, a lu uh puan a khuh uh hi. Bang hang hiam cih leh guah zu lo ahih manin lei a keugawp hi.

Thu-hilhkikna 11:17

Tua hikeileh no tungah Topa hong hehin guah zu lo ding a, leitang in bangmah piangsak loin, Topa in no hong piak leitang hoihah manlangin na siat pak theihna dingun amah in vantungte khakcip kha ding hi.

Paikhiatna 8:22

Ahih hangin tua ni ciangin kei pen hih leitang tungah Topa ka hihna na theih nadingin tho honpite a om loh nadingin ka mite a tenna Goshen leitang keimah in ka tuam koih ding hi.

1 KORIN MASA 4:7

Note in bang kisaktheihpih na hi uh hiam? Tu-a na neih khempeuh uh Pasian’ hong piak hi lo ahi hiam? Tua ahihleh hong kipiasa bek ahih manin a bang kisaktheihpih na hi uh hiam?

Paikhiatna 10:22

Tua ahih ciangin Moses in vantung lamah a khut zan a, Egypt leitang tung khempeuh ni thum sung khua mial bikbek hi.

Jeremiah 14:3

Uliante in a nasemte uh tuitawi dingin sawl uh a, tuikhuk a zuat uhleh tui na om lo hi. A beel hawm uh tawh hong kilehkik uh a, lungkhamin cih nading thei loin a lu uh puan a khuh uh hi.