Amos 4:13 - Tedim Bible

¹³ Bang hiam cih leh mualte bawlin huihte a piangsak pa, ama ngaihsutna mihingte tungah kilang sakin, sun nitaang kimlai zanin a bawlpa, leitung khempeuh a ukpa’ min, Topa, Vanglian Pasian ahi hi.

Tedim Bible Revision 2017

¹³ Bang hang hiam cih leh mualte bawlin huihte a piangsak pa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpaʼ min, Topa, Vanglian Pasian ahi hi.

Amos 4:13 Referans Kwoze

Amos 5:8

Vana om aksi Seguk le Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite samkhia a, leitungah tua tui a buakhia pa a min pen Topa ahi hi.

Micah 1:3

Ama mun siangtho panin Topa hong pai a, amah in leitung mualsang dawnte hong siksuk ding hi.

Amos 9:6

Topa in vantungah a inndeite bawl a, van kuumpi tawh leitung a khuhsuk hi. Amah in tuipi panin tuite samkhia a, leitung khempeuhah tua tuite a sung hi. Hih bangin a bawlpa’ min pen Topa ahi hi.

Isaiah 47:4

Israel-te’ Siangtho Pa in eite hong suaktasak a, ama min pen Vanglian Topa ahi hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukhadnezzar kumpipa tungah a hong hilhzo hi.

Jeremiah 13:16

Topa in khua mialsak a, khuamialna mualtungah na tuk ma un, na lamet uh khuavak pen khuamial bikbek a suah ma-in, Topa na Pasian uh pahtawi un.

Late 65:6

a thahatna tawh mualte a bawl, vangliatna tawh a kidim,

Thu-hilhkikna 33:29

Na galte in hong mai-etin, na kiangah hong pai ding uh a, amaute na tuancil ding hi,” a ci hi.

Zekhariah 12:1

Vanpi zalin leitung piangsak a, mihingte tungah nuntakna a pia Topa in Israel mite tawh kisai-in thu gen a,

Amos 8:9

Tua ni ciangin sunkim laipi mahin ni ka tumsak ding a, sunkim laipi mahin leitung khempeuhah khua ka mialsak ding hi. Topa Pasian ahi keimah in hih thu kong gen khin hi.

Jeremiah 51:19

Jakob’ Pasian tua bang hi lo a, na khempeuh a piangsak pa ahi hi. Ama a dingin Israel mite teel a, ama min pen Vanglian Topa ahi hi.

Jeremiah 10:16

Jakob’ Pasian tua bang hi lo a, amah pen na khempeuh a piangsak pa ahi hi. Ama mi dingin Israel mite teel a, ama min, Vanglian Topa ahi hi.

Isaiah 40:12

Kua in ama khutkuak sungah tuite tehin, ama khap tawh vantung teh a, leitung leivui khempeuh lawh khat sungah guangin, pongkhaina tawh mual liante khai a, tawitehna tawh mual neute teh ahi hiam?

Thu-hilhkikna 32:13

“Amah in leitung a sangna-ah amaute tuangsak a, amaute in gamlak pana piangte a ne uh hi. Suangpi panin amaute khuaizu hupsakin, meisuang tawh a kibang suang panin sathau a nesak hi.

Paikhiatna 14:20

Egypt honpite le Israel honpite’ kikalah a pai hi. Tua lai-ah meii le khuamial om a, zan tawntung khatlekhat kinai kha loin zingsang khua hong vak hi.

Paikhiatna 10:22

Tua ahih ciangin Moses in vantung lamah a khut zan a, Egypt leitang tung khempeuh ni thum sung khua mial bikbek hi.

Johan 3:8

Huih zong a utna peuhpeuhah nung a, a huging na zaktheih hangin koi lam panin hong nung a, koi lamah nung ahi hiam, cih na mu thei kei hi. Kha tawh a suak mite zong tua mah bang ahi hi,” ci-in a dawng hi.

Habakkuk 3:19

Topa Pasian, keima thahatna ahi hi; sakhi khe bangin ka khe hong zaptelsak a, mun sangna-ah lungmuang takin kei hong paisak hi.

Amos 6:8

Topa Pasian thupi takin kiciam khin a, Topa, Vanglian Pasian in hih bangin ci hi: Israel-te’ kiphatsakna ka hua a, a munmuanhuaite uh ka mu nuam kei hi. Tua ahih manin a khuapi le a sunga a omteng, galte’ khut sungah ka pia ding hi.

Amos 5:27

Damaskas khengin gamdang khatah sal dingin note kong paisak ding hi, Vanglian Pasian min a nei Topa in ci hi.

Amos 3:13

Tu-in ngai un: Jakob’ suanlekhakte hilhkhol un, Vanglian Pasian ahi, Topa Pasian in ci hi.

Jeremiah 51:16

Amah a pau ciangin vantungah tuite ging huhu a, leimong panin tuikhu a suaksak hi. Guah zuk nadingin khua phiasak a, a saal sung panin huih a nungsak hi.

Jeremiah 10:13

Amah a pau ciangin vantungah tuite ging hunhun a, leimong panin tuikhu a suaksak hi. Guahzuk nadingin khua phiasak a, huihkua panin huih a nungsak hi.

Isaiah 48:2

Note tua bang hinapi-in, khuapi siangtho sungah a teng mite ihi a, Israel Pasian i muang hi. Ama min pen Vanglian Topa ahi hi, ci-in kisaktheihna-in na neizaw lai uh hi.

Isaiah 5:30

Tua ni ciangin amaute in tuipi ging bangin Israel ngik ding uh hi. Mi khatpeuh in hih gam sung en leh khuamial le lungzinna bek om a, meiite in khua a mialsak hi.

Late 147:18

Amah in thu pia-in tuate tuisuak hi. Amah in a huih nungsak a, tuite a luang hi.

Late 139:2

Nangmah in ka heksukna, ka hektohnate na thei hi. Nangmah in ka ngaihsutnate gamlapi pek panin na thei hi.

Late 135:7

Amah in leimong panin meiipi kaisakin, guahzuk nadingin khuaphialepte bawl a, a huihkua panin huih a pusuaksak hi.

Johan 2:25

Amah in mite’ lungsimtawng dong thei ahih manin mite a bangci mi ahi hiam cih thu midangte in ama kiangah a gen ding kisam lo hi.

Mattiu 9:4

Ahi zongin Jesuh in amaute’ ngaihsutna thei ahih manin, “Bang hangin a sialamin ngaihsun na hi uh hiam?

Daniel 2:30

Tu-in midangte sangin ka pilzawk manin kei tungah tua thu a hong kilak hi loin, Kumpipa in na mangmat a khiatna le na ngaihsut thu na theih nadingin a hong kilak ahi zaw hi.

Joel 2:2

Tua ni pen a mial, a lungzinhuai, meii kai-in khuazin’ ni ahi ding hi. Mualtung a meiipi kai bangin simzawh lohin kauphe honpi hong leeng muaimuai hi. Cikmahin hih bang thu omngei nai lo a, cikmah ciangin zong omkik nawn lo ding hi.

JOB (Job) 9:7

Amah in ni a suak lo dingin thu pia a, aksite sincip hi.

Isaiah 45:7

Keimah in khuavak le khuamial piangsakin, a pha nate le a sia nate ka piangsak a, hih nate khempeuh a bawlpa, keimah Topa ka hi hi,” a ci hi.

Jeremiah 46:18

Vanglian Topa keimah Kumpipa ka hi hi. Taber mual, mual khempeuh sangin sangzaw-in, Karmel mual, tuipi tungah sangpi-in a dawktoh bangin, no hong sim pa’ thahatna a lian mahmah ding hi.

Hosea 12:6

Pasian’ huhna tawh note khempeuh kiheikik unla, thuman thutangin gamta un. Pasian muang tawntung un.