Amos 4:11 - Tedim Bible

¹¹ Sodom le Gomorrah khuapite ka suksiat bangin note pawlkhat kong susia hi. Meikhuk panin a kiteenkhia singkhuah khat tawh na kibang uh hi. Tua bang hinapi-in kei lamah nong kihei kei uh hi, Topa in ci hi.

Tedim Bible Revision 2017

¹¹ Sodom le Gomorrah khuapite ka suksiat bangin note pawl khat kong susia hi. Meikhuk panin a kiteen khia singkhuah khat tawh na kibang uh hi. Tua bang hi napi-in kei lamah nong kihei kei uh hi, Topa in ci hi.

Amos 4:11 Referans Kwoze

Zekhariah 3:2

Topa’ vantungmi in Satan kiangah, “Satan aw, Topa in nang hong mawhsak hi. Jerusalem a it Topa in nang hong mawhsak hi. Hih Joshua pen meikhuk sung panin a kiteenkhia singkhuah tawh kibang hi,” a ci hi.

Isaiah 13:19

Khaldea mite’ hoihna, a kiphatsakpih, kumpi gam a minthang bel Babylon khuapi pen Pasian in Sodom le Gomorrah a siatsak lai hun bang ding hi.

Jeremiah 23:14

Ahih hangin Jerusalem khuasunga om kamsangte’ sungah a mulkimhuaizaw na khat ke’n ka mu hi. Angkawmin zuauthu gen uh a, mite a gitlohna uh pan a kikhel loh nadingin mi hoih lote a hanthawn zawlai uh hi. A vekpi-un kei’ muhna-ah Sodom khuamite tawh kibang khin ka sa a, Gomorrah khuamite tawh zong kilamdang lo uh hi.

Juda 1:23

meiphual sung panin dawhkhiat bangin midangte na honkhia un. Mi pawlkhatte’ mawhna-ah note zong na siatkhak loh nadingun kidop kawmna tawh na huh unla, amau’ gamtat hoih lo mawhnate na mudah un.

Juda 1:7

Sodom khua le Gomorrah khua le a kiima om khuapi mite zong tua vantung mite mah bangin gamta uh a, numei tawh mawhnopna bek tham loin pasal le pasal kilunggulhna ciang dong nei uh ahih manin midangte’ etteh dingin tawntung meikuang a thuak uh hi.

2 PETER NIHNA 2:6

Pasian in Sodom le Gomorrah khuapite tungah thu khenin mei tawh haltum a, Pasian a um lo mite’ thuak nading limin a bawl hi.

Amos 4:6

Na khuapi khempeuh uhah kial tungsakin, annek ding nei loin note a hong koihpa pen keimah hinapi-in, keima lamah nong kihei tuan kei uh hi, Topa in ci hi.

Mangmuhna 9:20

Hih gimna tawh a si lo midangte pen amau’ gamtatnasa panin kikhelkik nuam lo uh hi. Dawi a biaknate uh, khua a mu thei lo, khua a za thei lo, lam a pai thei lo ngun, kham, sumngo, suang, le sing a kibawl milim a biakte uh khawl tuan lo uh hi.

1 KORIN MASA 3:15

Ahi zongin mi khat in a lam nate a kattum leh amah a sum hi ding hi. Tua nate a lam pa ahihleh meikat nading panin a suakta bang keekin a suakta bek ding hi.

Hosea 11:8

Israel mite aw, bangci-a hong nusia thei ding a, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua banga hih ding ka lungsimah om lo hi.

Ezekiel 24:13

Jerusalem aw, na gamtat hoih lohnate in nang hong ninsak khin hi. A siansuah dingin kong hanciamciam hangin a nin mahin na omlai veve hi. Ka heh mahmahna na thuak khit matengin na siangkik ngei kei ding hi.

Jeremiah 49:18

Topa in kong cihin-ah, Sodom khua, Gomorrah khua, le a kiima khuate a kisiatgawp bangin, tua lai munah kuamah teng lo ding a, kuamah a peem kei ding hi.

ROM (Romans) 9:29

Hih thu pen Isaiah mah in, “Vanglian Topa in eite’ suanlekhak ding hong siitsak lo hileh Sodom khua le Gomorrah khuamite i bang ding hi,” ci-in a genkholhsa thu ahi hi.

Thu-hilhkikna 29:23

‘A gambup pen kaat le ci, le nin a kangtum, khai kituh lo, bangmah po lo, lopa zong a po zawh lohna mun Sodom le Gomorrah, Admah le Zeboiim bangin a kilawnthal gawp, a hehna le a sinsona tawh Topa’ lotgawpte tawh kibang hi,’ ci ding uh hi.

Isaiah 7:4

ama tungah, ‘Kidawm inla, om khinkhian in. Lau kei in. Syria kumpipa Rezin le Remaliah’ tapa’ hehna pen, sing tumbang nih a khute tawh kibang lel ahih manin na lung gimsak kei in.

Thu-hilhkikna 28:24

Topa in na gam sung uha guahte tang dingin leivui le sehnel hong zusak ding a, note na sih matengun vantung panin note tungah tuate hong kiasuk ding hi.

Isaiah 9:12

Ama mai-a om Syria mite le a nunga om Filistia mite in kam ka-in Israel netum uh hi. Hih thute khempeuh hangin ama hehna damzo nai lo a, ama khut kizanlai hi.

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na sukgawp hangin na thuhilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Jeremiah 50:40

Topa in kong cihin-ah, Sodom khua, Gomorrah khua, le a kiima khuate, Pasian in a suksiat bangin tua lai-ah kuamah a teng kei ding a, kuamah zong a va baang pak beek kei ding hi.

Hosea 11:5

Tua bang hinapi, kei lamah amaute hong kihei nuam lo uh ahih manin Egypt gamah paikik ding uh a, Assiria mite, amau’ kumpi hi ding hi.

Haggai 2:17

Na an ciin khempeuh uh cingteek sakin ka kausansak a, tuate nangawn a susia dingin gialpi ka kiatsak hangin note na kisik nuam kei lailai uh hi.