Amos 3:9 - Tedim Bible

⁹ Samaria gam munmuanhuai-ah a om mite le Egypt gam munmuanhuai-ah a om mite tungah thu zasak unla, “Samaria-ah hong kikhawm unla, tua lai-a buaina lianpite le kinenniamnate hong mu un,” ci un.

Tedim Bible Revision 2017

⁹ Samaria gam munmuanhuai ah a om mite le Egypt gam munmuanhuai ah a om mite tungah thu zasak unla, “Samaria ah hong kikhawm unla, tua lai-a buaina lianpite le kinenniamnate hong mu un,” ci un.

Amos 3:9 Referans Kwoze

Amos 4:1

Bashan gam bawngpi bangin a thau mahmah, mizawngte nengniamin mi cimawhte a sugawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Amos 6:1

Israel minamte in muanin a hong neih, i minam lakah ulian ahi, Zion-ah nuamtakin a om hithiat, Samaria-ah lungmuang takin a om note a dingin zumhuai mahmah hi.

Amos 1:8

Ashdod khuapi-ah a teng mite ka lakhia ding a, Ashkelon khuapi ukte ka beisak ding hi. Ekron khuapi ka sugawp ding a, Filistia mi a omlaite si ding uh hi.

Amos 8:6

Khedap bu khat man dingin mizawngte sila-in i zuak nuam a, i mangbuh hoih lote sum tampi i khawng nuam hi,” na ci uh hi.

Jeremiah 50:2

“Gam khempeuhah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawpta hi. A milimte uh maizum ta a, a pasian-te uh kisiagawp ta hi,’ ci-in taangko un.

Jeremiah 31:5

Samaria gam mualtung tengah leenggah na suankik ding a, huan bawlte in suanin a gah ne-in nuam a sa ding uh hi.

1 SAMUEL MASA 5:1

Filistia mite in Pasian’ Thuciamna Singkuang a mat uh ciangin Ebenezer panin Ashdod-ah pua uh hi.

Ezekiel 37:22

Israel mualtung gamah, amaute minam khatin ka gawmkik ding hi. Amaute a uk ding kumpi khat nei ding uh a, amaute minam nihin kikhen nawn lo ding uh a, kumpi gam nihin zong kikhen nawn lo ding uh hi.

Ezekiel 36:8

Ahi zongin Israel mualtung gamte-ah no ka mi Israel-te a dingin singkungte in teh le gah hong neikik ding uh a, a sawt loin note, inn-ah a hong ciahkik ding na hi uh hi.

Jeremiah 46:14

“Egypt gam le Migdol khua-ah va gen in. Memfis khua le Tahpanhes khua-ah va taangko in: ‘Kigingsa le kithawisa-in om un; bang hang hiam cih leh namsau tawh note hong kithat khin ding hi,’ va ci in.

2 SAMUEL NIHNA 1:20

Gath khua sungah gen kei in. Ashkelon kongzingah genthang kei in. Filistia numeite lungdam kha ding, dawibia numeite nuamin diang kha ding.

Amos 5:11

Note in mizawngte tuancilin, a an neihteng khempeuh uh laksak na hih manun, suangseek inn na lam hangun tua suang inn sungah na tengkha kei ding uh a, leenggui lo hoih na neih hangun a leenggahzu na dawnkha kei ding uh hi.

Paunak 1:13

Na a manpha a namkimin i sut ding a, tua bang nate i inn dimin i nei ding hi.

Paunak 11:16

A dik numei kizahtak a, a dik lo numei mindai hi. A thadah mi in sum nei ngei lo a, a hahkat mi in sum hau hi.

Thuhilh-sia 4:1

Tua ciangin leitungah thuman loin a kigamtatnate khempeuh ka ngaihsun kik leuleu hi. Nenniamna a thuak mite kap uh a, ahi zongin kuamah in amaute hehnem lo uh hi. A nengniam mite thahat lua uh ahih manin kuamah in thuk ngam lo hi.

Hosea 7:1

Israel-te a ci uh damsakkik ning, ci-in ka ngaihsut ciangin, amau’ mawhna le amau’ siatna bekbek kimu thei hi. Amaute in mi khemin, inn luhin na gu uh a, konglak nangawnah mi’ na sut uh hi.

Amos 6:3

Note’ tungah siatna hong tun ni ding, a kipelh theih nading na hanciam uh a, ahi zongin tua bang na hihnate un, siatna khangsak semsem zawsop hi.

Micah 6:10

Thuman lopi-in a ngah uh, migilote’ innsunga van omte, keima deih loh tawitehna man lo zatnate, mangngilh thei ding ka hi hiam?