Amos 3:8 - Tedim Bible

⁸ Humpinelkai a hawk ciangin lau loin ki-om thei ahi hiam? Topa Pasian in thu a gen ciangin kua in ama thu gen loin om thei ding ahi hiam?

Tedim Bible Revision 2017

⁸ Humpinelkai a hawk ciangin lau loin ki-om thei ahi hiam? Topa Pasian in thu a gen ciangin kua in ama thu gen loin om thei ding ahi hiam?

Amos 3:8 Referans Kwoze

Sawltak 4:20

Tua ahih manin kote in ka muhsa uh le ka zaksa uh thute gen loin ka om thei kei ding uh hi,” ci-in a dawng uh hi.

Amos 3:4

A samat ding mu lopi-in, gamlakah humpinelkai mawk hawk ahi hiam? Samat nei lopi-in, a kua sungah humpinelkai khanglai mawk hawk ahi hiam?

Jeremiah 20:9

Keimah in, “Ama thu ka gen kei ding a, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gimlua a, gen loin ka om thei kei hi.

Amos 1:2

Amos in, “Zion Mual panin Topa hong hawksuk a, Jerusalem khua panin hong awngkek hi. Tua ahih manin lonona gamteng keugawp a, Karmel mualdawn dum dide teng kausan ta hi,” a ci hi.

Mangmuhna 5:5

Tua laitakin upate khat in kei kiangah, “Kap kei in. Judah minam sung panin Humpinelkai, David suan sung panin a lianpa gualzo khinta a, tua laizial ciaptehna sagihte lakhia-in a laizial phelthei ding hi,” a hong ci hi.

1 KORIN MASA 9:16

Lungdamna thu ka hilh hangin kisialh nading thu bangmah om lo hi. Bang hang hiam cih leh tua thu a hilh ding mahin a hong kisawl ahi hi. Tua ahih manin lungdamna thu hilh kei leng kei a dingin a dahhuai mahmah ahi hi.

Amos 2:12

Ahi zongin note in Nazir mite leenggahzu na dawnsak uh a, kamsangte in ka thu a gen lohna dingun thu na pia uh hi.

Sawltak 5:29

Ahi zongin Peter le sawltak dangte in, “Mite’ thu sangin Pasian’ thu ka mangzaw ding uh hi.

Sawltak 5:20

“Biakinn-ah pai unla, hih nuntak thakna thu mite kiangah va gen un,” ci-in a vaikhak hi.

Isaiah 31:4

Bang hang hiam cih leh Topa in keima tungah hih bangin hong ci hi: Humpinelkai ahi a, humpinelkai khanglai a hat mahmah in ahi zongin a sa nek ding a ngik ciangin tua humpi a do dingin tuucing honpi khat kikaikhawmin, amaute’ otna hangin lau tuan hetloin, amaute’ gamlumna hangin a sin a dawi tuan loh mah bangin Vanglian Topa zong Zion Mual tungah galdo dingin kuansuk ding hi.

Ezekiel 29:21

“Hih thu hong tun ciangin Israel mite a thahat minamin ka bawlkik ding a, mi khempeuh’ zakna ding munah nang thu kong gensak ding hi. Tua ciangin Topa ka hihna thu amaute in hong thei ding uh hi,” hong ci hi.

Isaiah 21:10

A kicilsa, a kiseepsa keima mite aw, Israel-te’ Pasian, Vanglian Topa’ tung panin ka zaksa thu teng note tungah ka hong gen hi.

Jeremiah 26:12

Tua ciangin Jeremiah in kumpi ulian khempeuhte le mi khempeuhte’ kiangah, “Topa in na zaksa uh ahi hih biakinnpi le hih khuapi langkhatah ka gen thu khempeuh a gen dingin kei hong sawl hi.