Amos 3:7 - Tedim Bible

⁷ Topa Pasian in ama nasem kamsangte tungah ama geelna theisak masa lopi-in bangmah hih het lo hi.

Tedim Bible Revision 2017

⁷ Topa Pasian in ama nasem kamsangte tungah ama geelna theisak masa lopi-in bangmah hih het lo hi.

Amos 3:7 Referans Kwoze

Johan 15:15

Nasemte in a tote’ nasepna bangmah thei lo ahih manin note pen nasemte ka hong ci nawn kei ding hi. Ka Pa’ tung panin ka zak thu khempeuh note kiangah hong genkhin ka hih manin note, lawm, ka hong ci zaw ding hi.

Piancilna 18:17

Topa in a lungsimah, “Abraham a lian a thahat minam suakin, leitung minam khempeuh in ama thupha ngah bangin thupha a ngah nadingun hong ngen ding hi, ci-in thei ahih manin, tu-a ka hih ding thu Abraham’ tungah im ding ka hi hiam?

Late 25:14

Topa tawh kilawmtatna pen amah a zahtakte a’ ding hi a, a thuciamna amau tungah kitheithangsak hi.

Mangmuhna 1:1

Hih laibu pen a piang baih ding thute, Pasian’ nasemte tungah a lah dingin Pasian in Jesuh tungah a thu pia a, Jesuh in maang sungah a lah thute ahi hi. Khrih in ama vantungmi sawl a, a nasempa Johan kiangah hih thute a kilangsak hi.

Piancilna 6:13

Pasian in Noah’ kiangah, “Mi khempeuh beisak ding ka khentat zo hi; bang hang hiam cih leh amau’ hangin leitungah ngongtatna kidim hi. En in, leitung tawh amaute ka susia khawm ding hi.

Mangmuhna 4:1

Hih thuteng khit ciangin ka khuadak leh vantungah kong a kihongsa-in a om ka mu hi. Peengkul awging tawh a kibang, kei kiangah thu a hong gensa awging mah in, “Hih lai-ah hong paito in. Tunung ciangin thupiang dingte ka hong lak ding hi,” hong ci hi.

Jeremiah 23:22

Ahih hangin amaute in keima lungsim tawng hong thei uh hileh keima thugente ka mite tungah taangko ding uh a, a nuntakna uh a hoih lote panin kikhelsakin, a gamtat hoih lote uh panin zong kikhelsak khinzo ding uh hi.

Mangmuhna 1:19

Tua ahih ciangin tu-a na muh, tu laitakin a om thute le tu nung ciangin a hong piang ding thute, lai sungah gelh in.

Daniel 11:2

Tua ciangin amah in, “Tu-a na tunga kong gen ding thu, a thuman ahi hi. Kumpi thum in Persia gam uk lai ding a, tua banah a lina hong khang ding hi. Tua pa, a dangteng sangin a hauzaw ding hi. Amah in a hauh penpen laitak le a thahat pen laitakin Grik kumpi a to ding hi.

2 KUMPI NIHNATE 22:13

“Pai unla, a kimu hih laibu sunga thute tawh kisai-in keima a’ ding, mite a’ ding, le Judah mi khempeuh a dingin Topa’ tungah thu va dong un; bang hang hiam cih leh hih laibu sunga thu, eite tawh kisai-in a kigelh khempeuh bangin gamtat ding i pu i pate in na mang lo uh ahih manin eite tungah Topa’ hehna lian hi,” a ci hi.

2 KUMPI NIHNATE 6:12

Tua ciangin a nasemte khat in, “Kuamah om lo hi, ka topa, kumpipa aw; ahih hangin Israel sungah kamsang Elisha in na lupna inndei sunga na thugente Israel kumpipa tungah gen hi,” a ci hi.

2 KUMPI NIHNATE 22:20

Tua ahih ciangin, nangmah in nuamtakin na han na zuan ding a, hih mun tungah ka tunsak ding siatna khempeuh na mit in mu lo ding hi,’ ci hi,” a ci hi. Tua ciangin amaute in kumpipa kiangah tua thu a puakkik uh hi.

Mangmuhna 10:7

A sagihna vantungmi in a peengkul a tum ciangin ama nasem kamsangte tungah a gensa bangin Pasian in ama ip thusim a geelte hong semkhia ding hi,” a ci hi.

Ezekiel 29:21

“Hih thu hong tun ciangin Israel mite a thahat minamin ka bawlkik ding a, mi khempeuh’ zakna ding munah nang thu kong gensak ding hi. Tua ciangin Topa ka hihna thu amaute in hong thei ding uh hi,” hong ci hi.

Daniel 2:47

Kumpipa in, “Hih thuthukpi hong genthei na hih manin na Pasian pen thuthuk a lak, pasian khempeuh sung pan a lianpen, kumpite’ tunga Topa ahi hi,” a ci hi.

1 SAMUEL MASA 9:15

Tu-in Saul hong pai ni a zan ni-in Samuel tungah Topa in thu na gen khin hi:

Isaiah 18:4

Bang hang hiam cih leh Topa in kei tungah, “Nitaang sunga nisa silsel, anlak nisat hun sunga meiizun bangin, ka omna panin daitakin ka en ding hi,” hong ci hi.