Amos 3:2 - Tedim Bible

² Leitung minam khempeuh lakah note bek hong thei-in, note bek ka hong don hi. Tua ahih manin na khialhna khempeuh uh hangin note gim ka hong pia ding hi.

Tedim Bible Revision 2017

² Leitung minam khempeuh lakah note bek hong thei-in, note bek ka hong don hi. Tua ahih manin na khialhna khempeuh uh hangin note gim kong pia ding hi.

Amos 3:2 Referans Kwoze

Thu-hilhkikna 7:6

“Bang hang hiam cih leh note pen Topa note’ Pasian’ tungah a siangtho mi na hi uh hi. Leitung a om mite khempeuh sung panin ama mi ahi dingin Topa na Pasian un note hong teelzo hi.

1 PETER MASA 4:17

Tu-in thukhen kipat hun ding hong tungta-in Pasian’ mi eite tungah hong kipan ahihleh Pasian kiang panin hong pai Lungdamna Thu a um lo mite a dingin bangzahin lungkhamhuai ding ahi hiam?

Thu-hilhkikna 10:15

Tua hi napi-in Topa in na pu na pate uh a itna lian mahmah ahih manin tuni-a mah bangin midangte khempeuh sangin amau’ suanlekhakte hong teelzaw hi.

ROM (Romans) 2:9

Jew mi a kipan Gentail mi dongin a gamtat sia mi khempeuh in gimna le lungkhamna thuak ding uh hi.

Daniel 9:12

Na gensa bangin kote tung le ko hong ukte tungah na hong bawlzo hi. Leitung a om khuapi dang khatpeuh sangin Jerusalem khuapi a nasia zaw-in gim na pia hi.

Ezekiel 9:6

Puteek, nungak, tangval, numei, naupang dong takin va thatlum un la, ahi zongin a taltangah ciaptehna a nei peuhmah su kei un. Hih ka biakinn mahmah panin kipan pah un,” a cihna ka za hi. Tua ahih manin tua biakinn sungah a ding Israel makaite, kipatna-in a nei pah uh hi.

Jeremiah 14:10

Hih mite tawh kisai-in Topa in thu gen a, “Kei kiang panin amaute vakkhia kawikawi nuam uh a, a kideek kei uh hi. Tua ahih manin Topa keimah in amaute ka sang kei a, a khialhnate uh phawkin, a mawhnate uh hangin gim ka pia ding hi,” a ci hi.

Jeremiah 13:21

Nangma lawm dingin na bawl mite teekteek in nang hong uk ni ciangin bang na ci ding hiam? Numei nausuakte in na a sak velval uh bangin nang zong na na sa ding hi.

Jeremiah 11:22

Vanglian Topa in, “En un, amaute gim ka pia ding hi. A tangvalte uh namsau-in si ding uh a, a tapate le a tanute uh kialin a puksi ding uh hi.

Jeremiah 10:25

Nangmah a hong thei lo gamte tung le nangma min a hong lo ngei lo mite tungah na hehna sungsuk in. Bang hang hiam cih leh amaute in Jakob’ suanlekhakte thatmang khinin amau’ tenna a susia khin uh hi.

Jeremiah 9:25

Topa in, “Vun ki-at hinapi-in vun ki-at mite’ gamtat bangin a gamta lote gimpiak hun hong tung ding hi.

Jeremiah 1:15

Bang hang hiam cih leh leilu lamah a om gam khempeuh keimah in ka sam a, amaute hong pai-in Jerusalem khua kongpite-ah ahi zongin, khua kimkota kulh kiimte-ah ahi zongin, Judah gam khuapi khempeuh kiimte-ah ahi zongin a kumpi tokhomte uh hong phut ciat ding uh hi.

Isaiah 63:19

Kote pen nangmah in cikmahin na uk ngei loh mite, nangma mi ahi ngei lo mite tawh a kibang ka suakkhin uh hi.

Late 147:19

Amah in Jakob tungah ama thu gen a, Israel tungah ama ngeina kipte le ama biakna ngeina kipte a gen hi.

Thu-hilhkikna 26:18

Tuni-in Topa in note pen amah in note tungah hong ciamsa bangin ama neih ding mi na hihna uh, le note in ama thupiaknate khempeuh na zuih nading uh,

Piancilna 10:32

Hihte pen Noah’ tapate innkuan, a khangsimna tawh kizui-in amau’ minam ahi hi. Tuiciin tun khit ciangin hihte tung panin leitungah minamte kizelthang hi.

Sawltak 17:26

Mihing khat tung panin leitung minam khempeuh hong piangsakin, leitung khempeuhah a omsak hi. Amah in mihingte a piansakma pekin, mihingte’ nuntak tanvei ding le a ten nading uh mun a sehsa ahi hi.

Nahum 3:4

Nineveh khuapi in a paktatna hangin gim thuak hi. Ngaihbaang mel pua-in bum siamna nei a, minamte zolin a khem hi.

Hosea 9:9

A gamtatna uh gentheih lohin siahuai uh a, Gibeah khua-a a gamtat ngeite uh tawh kibang hi. Pasian in amau’ mawhnate thei-in gim a pia ding hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhnate phawkin tua mawhnate hangin amaute gim ka pia ding hi. Egypt-ah amaute ka sawlkik ding hi.

Hosea 2:13

Kei hong mangngilh tanvei sung, Baal pasian tungah paknamtui a hal tanvei sung, le a pasal it dangte tawh a kikhawl dingin a manpha kizepna a tuamtuamte tawh a kizep hun tanvei sungzah mah gim ka pia ding hi.

Thu-hilhkikna 32:9

Ahi zongin Topa’ tanh pen ama mite hi a, Jakob’ suante pen a kipia ama luah ahi hi.

1 KORIN MASA 8:3

Mi khat in Pasian a it leh Pasian in tua mipa a na thei hi.

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tunsak theih nadingin ama khita a tate le a innkuanpihte in thuman le thutangin nasepna tawh Topa’ thupiakte a zuih theih nadingun a hilh dingin amah ka teel khin hi,” a ci hi.

Thu-hilhkikna 4:32

“Pasian in leitungah mi a piansak ni a kipan, note’ pian’ ma-a hun beisa thu tu-in kan unla, van mong khat pan mong khat kikal thu zong kan un. Hih bang na lian piang ngei-in, a kiza ngei peuhmah hiam?

Ezekiel 5:9

Ka deih loh hih nate khempeuh na gamtatna hangin cikmahin ka hih ngei nai loh, cikmah ciangin zong ka hih nawn loh ding thu tawh nang Jerusalem gim kong pia ding hi.

Hosea 5:3

Israel-te’ gamtatna khempeuh ka thei khin a, kei tungah bangmah hong im thei lo ding uh hi. Kei tungah hong citak lo uh a, amaute, misia a suak khinta uh hi, a ci hi.

Amos 2:4

Topa in hih bangin ci hi: Judah mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in ka thukhamte nialin ka thuhilhnate zui lo uh hi. A pu a pate un a na biaksa pasian man lote mah in amaute lam pialsak uh hi.

Amos 3:3

Mi nih, thukimna om masa lopi-in lampi-ah tonkhawm thei uh ahi hiam?

Amos 6:1

Israel minamte in muanin a hong neih, i minam lakah ulian ahi, Zion-ah nuamtakin a om hithiat, Samaria-ah lungmuang takin a om note a dingin zumhuai mahmah hi.

Micah 2:3

Tua ahih ciangin Topa in hih bangin ci hi: Note’ tungah gimna tunsak ding ka ngaihsun a, tua gimna tawh na kipelh thei kei ding uh hi. Note a dingin hun hoih lo hi ding ahih manin kiphatsakna tawh na gamta nawn kei ding uh hi.

Paikhiatna 32:34

Ahih hangin tu-in pai in; nang’ tunga kong gensa munah mite paipih in. En in, na mai-ah ka vantungmi pai ding hi. Ahi zongin ka thukkik ni ciangin amau’ khialhna amau’ tungah ka thuk ding hi,” a ci hi.