Amos 3:15 - Tedim Bible

¹⁵ Keimah in phalbi le khuakhal innte ka susia ding a, saiha tawh a kibawl inn hoihte zong kisia-in, inn lian khempeuh beimang ding hi, Topa in ci hi.

Tedim Bible Revision 2017

¹⁵ Keimah in phalbi le khuakhal innte ka susia dinga, saiha tawh a kibawl inn hoihte zong kisia-in, inn lian khempeuh bei mang ding hi, Topa in ci hi.

Amos 3:15 Referans Kwoze

Jeremiah 36:22

Kha kua kha pen phalbi laitak ahih manin kumpipa zong a phalbi inn sungah tu-in, meikhuka meikuang a awi hi.

1 KUMPI MASATE 22:39

Tu-in Ahab’ gamtatna a omlaite, a hih khempeuh, ama lamsa saiha inn, le ama lam khuapi khempeuh, Israel Kumpite’ Khang Tangthu Laibu sungah kigelh hi.

Thukhente 3:20

Innkhum zang inndei a votna sungah amah guak tu-in a om laitakin ama kiangah Ehud hong pai hi. Ehud in, “Pasian’ kiang panin nang tungah gen ding thu khat ka nei hi,” a ci hi. Tua ciangin a tutna panin amah dingto hi.

Amos 6:11

Topa in thu a piak ciangin inn liante kisatzanin inn neute kisatnen ding hi.

Isaiah 5:9

Vanglian Topa in ka zakna-ah hih bangin kiciam a, “A mantakin inn tampi tak hawmsuak ding a, a lian a hoih innte-ah a teng om lo ding hi.

Amos 3:11

Tua ahih ciangin galte in a gam uh umcihin, a panmun muanhuai teng uh susiagawp ding a, a inn lianpipite uh luhgawp ding uh hi, Topa in ci hi.

Late 45:8

na puantualpite myrrh paknamtui, aloes paknamtui, le thalsing namtuite a nam hi. Saiha tawh kibawl innpite panin khausai lasaknate in nang hong lungdamsak a,

Amos 2:5

Tua ahih ciangin Judah gam sung teng ka kangtumsak ding a, Jerusalem munmuanhuai teng a kangtum ding hi.

Amos 5:11

Note in mizawngte tuancilin, a an neihteng khempeuh uh laksak na hih manun, suangseek inn na lam hangun tua suang inn sungah na tengkha kei ding uh a, leenggui lo hoih na neih hangun a leenggahzu na dawnkha kei ding uh hi.

Malakhi 1:4

Esau’ suanlekhak Edom mite in, “I khuapite a kisiat khit hangin i lamkik ding hi,” ci le-uh, Topa in, “A ut uhleh lam uh hen; ahi zongin ka susia kik veve ding hi. Midangte in, ‘Gam gilo, Topa’ heh tawntungna minamte,’ ci-in ko ding uh hi,” ci-in a dawng ding hi.