Amos 3:11 - Tedim Bible

¹¹ Tua ahih ciangin galte in a gam uh umcihin, a panmun muanhuai teng uh susiagawp ding a, a inn lianpipite uh luhgawp ding uh hi, Topa in ci hi.

Tedim Bible Revision 2017

¹¹ Tua ahih ciangin galte in a gam uh umcihin, a panmun muanhuai teng uh susia gawp dinga, a inn lianpipite uh luh gawp ding uh hi, Topa in ci hi.

Amos 3:11 Referans Kwoze

Amos 6:14

Topa, Vanglian Pasian in hih bangin ci hi: No Israel mite a do dingin minam khat ka khangsak ding a, leilu lamah, Hamath khua lutna ciangka panin, leitaw lamah Arabah lui kikal dong, note hong nuaigawp ding uh hi, a ci hi.

Amos 2:5

Tua ahih ciangin Judah gam sung teng ka kangtumsak ding a, Jerusalem munmuanhuai teng a kangtum ding hi.

Amos 6:8

Topa Pasian thupi takin kiciam khin a, Topa, Vanglian Pasian in hih bangin ci hi: Israel-te’ kiphatsakna ka hua a, a munmuanhuaite uh ka mu nuam kei hi. Tua ahih manin a khuapi le a sunga a omteng, galte’ khut sungah ka pia ding hi.

Amos 3:15

Keimah in phalbi le khuakhal innte ka susia ding a, saiha tawh a kibawl inn hoihte zong kisia-in, inn lian khempeuh beimang ding hi, Topa in ci hi.

Amos 3:10

Topa in hih bangin ci hi: Hih mite in a manin gamtat ding thei lo uh a, gilo mahmah uh a, mi’ na a suh uh vante tawh a inn lianpipite uh kidimsak uh hi.

2 KHANG TANGTHU NIHNATE 36:19

Tua ciangin amaute in Pasian’ biakinn halin Jerusalem khua susia uh a, a kumpi inn khempeuh mei tawh halin umlebeel a manpha khempeuh a susia uh hi.

2 KUMPI NIHNATE 15:29

Israel kumpi Pekah’ hun laitakin Assiria kumpi Tiglathpileser hong pai-in Ijon, Abelbethmaakah, Janoah, Kedesh, Hazor, Gilead, le Galilee, le Naftali gam khempeuh la a, amah in galmatin mite Assiria-ah a ciahpih hi.

2 KUMPI NIHNATE 15:19

Assiria kumpi Tiglathpileser tua gam a sim dingin kuanto hi. Tua ciangin ama kumpi aana a kipna ding a huh ding a deihna-in Menahem in Tiglathpileser tungah ngun talen tulkhat a pia hi.

Piancilna 34:27

Jakob tapa dangte in a kithat mite’ tungtawnin khuapi susia uh hi. Bang hang hiam cih leh a sanggamnu uh kisiasak hi.

JOB (Job) 20:21

Amah in a nek ciangin a khamval cih om ngei lo a, tu-in a hauhna khempeuh a beimang khinta ahi hi.