Amos 2:8 - Tedim Bible

⁸ Biakna tau gei khempeuhah amaute lum uh a, sum leitawina hangin a puan kepsakte uh a phah uh hi. Amaute in a Pasian uh’ biakinn sungah leibate kiang pan a laksak uh leenggahzu a dawn uh hi.

Tedim Bible Revision 2017

⁸ Biakna tau gei khempeuh ah amaute lum uh a, sum leitawina hangin a puan kepsakte uh a phah uh hi. Amaute in a Pasian uhʼ biakinn sungah leibate kiang pan a laksak uh leenggahzu a dawn uh hi.

Amos 2:8 Referans Kwoze

Amos 6:6

Leenggahzu hai lianpipi-in na dawn uh a, sathau hoihpente tawh na kizut uh hi. Ahi zongin Josef minamte’ siatna hangin themkhat zong na dah het kei uh hi.

1 KORIN MASA 10:21

Note in Topa tawh nekkhawmna hai sung pan le dawi tawh nekkhawmna hai sung panin na dawnkhawm thei kei ding uh hi. Topa tawh nekkhawmna an leh dawi tawh nekkhawmna an zong na nekhawm thei kei ding uh hi.

1 KORIN MASA 10:7

amaute pawlkhat in a biak bangin milim i bia kei ding hi. Lai Siangtho in, “Anne zune dingin mite tu uh a, tua khit ciangin a lam dingin a ding uh hi,” na ci hi.

1 KORIN MASA 8:10

No thuthei-a a kineite, milim biakna inn sungah milim biakna sa na neklam uh, hih thu tawh kisai-ah a lungsim hatzo nai lote in hong mukha zenzen leh milim biakna sa nek ding a hanthawn na suakkha ding uh hi.

Amos 6:4

Saiha kibawl lupna tungah a lum hithiat, tutphah nip tungah a kizia hiathiat, tuuno sa le bawngno sa, duhduhin a ne note in gimna na thuak ding uh hi.

Amos 4:1

Bashan gam bawngpi bangin a thau mahmah, mizawngte nengniamin mi cimawhte a sugawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Hosea 4:8

Ka mite’ mawhna amaute in hauhlawh uh a, ka mite a mawh semsem ding uh a ut uh hi.

Ezekiel 23:41

Lupna hoih mahmah tungah tu-in a mai uhah sabuai limtakin koih uh hi. Tua sabuai tungah keima piaksa paknamtui le oliv thaute koih uh hi.

Ezekiel 18:12

Mizawng mi cimawhte khemin, mi’ na sut a, sum leitawi a lapa in khapna-in a piak nate piakik loin kemsuak hi. Milim bia-in a zumhuai-in gamta hi.

Ezekiel 18:7

Kuamah khem lo a, kuama na zong sut lo hi. Sum leitawi a lapa in khapna van a apte zong piakik hi. Gilkialte an vakin, puan nei lote puan guan hi.

Thukhente 9:27

Amaute lo-ah kuanin a leenggui uh panin leenggah khawmin cil uh a, pawi khamin amaute’ pasian’ inn-ah pai uh a, an ne tui dawnin omin Abimelek zahko uh hi.

Isaiah 57:7

A lian a sang mual tungah nulepa mawhna na bawl uh a, tua munah biakna pia dingin na paito uh hi.

Hosea 7:14

Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.

Amos 3:14

Amau’ khialhna hangin Israel gim ka piak ni ciangin, Bethel-a biakna taute zong ka susia ding a, biakna tau kite kitanin leilakah kia ding hi.

Paikhiatna 22:25

“Note tawh a om, a zawng keima mite khat peuhpeuh tungah sum leitawi na piak uhleh, ama tungah sum leitawi a piapa bangin na om kei ding uh a, ama tung panin a meet na dok kei ding uh hi.