Amos 1:7 - Tedim Bible

⁷ Tua ahih ciangin Gaza khuapikulh ka kangsak ding a, a munmuanhuai teng a kangtummang ding hi.

Tedim Bible Revision 2017

⁷ Tua ahih ciangin Gaza khuapi kulh ka kaangsak dinga, a mun muanhuai teng a kaang tum mang ding hi.

Amos 1:7 Referans Kwoze

Zefaniah 2:4

Gaza khuapi-ah kuamah om nawn lo ding a, Ashkelon khuapi kisusia ding hi. Ashdod khuamite suntangpi-in kihawlkhia ding a, Ekron khuamite kipaikhiatpih mang ding hi.

Jeremiah 47:1

Faro kumpipa in Gaza khua a sim ma-in Filistia mite tawh kisai-in Topa in kei tungah thu hong gen hi.

2 KUMPI NIHNATE 18:8

Amah in galvilna bukno a kipan kulh a nei khuapi dongin, Gaza le a gam sung ciang dong Filistia-te a vatgawp hi.

ROM (Romans) 12:19

Lawmte aw, na hehna uh kuama tungah thukkik kei unla, Pasian’ thukkik dingin koih lel un. Bang hang hiam cih leh Lai Siangtho sungah, “Keimah in amaute tungah ka thuk ding a, midangte a gimsak bangun ka gimsak ding hi, Topa in ci hi,” ci-in kigelh hi.

Amos 1:4

Tua ahih manin Hazael innkuante mei tawh ka hal ding a, a meikuang in Kumpi Benhadad’ munmuanhuaite kangtum ding hi.

2 KHANG TANGTHU NIHNATE 26:6

Amah kuankhia-in Filistia mite va sim a, Gath khuapi kulh, Jabneh khuapi kulh, le Ashdod khuapi kulh sucim hi. Tua ciangin amah in Ashdod gam sung le Filistia-te’ gam sung mun dangte-ah khuapite a lam hi.

Thu-hilhkikna 32:35

Phulakna le thukkikna kei a’ hi a, a hun ciangin amaute puk ding uh hi. Bang hang hiam cih leh amau’ gim ngah hun ding hong naita a, amau’ siat nading hong tung pah hi.

Jeremiah 47:5

Gaza khuate maizum ta uh a, Ashkelon khua kisia ta hi. Aw, no Anak mi a omlaite aw, bang tanvei noleno kisuliam ding na hi uh hiam?

Ezekiel 30:8

Keimah in Egypt gam haltumin, a gam sung a hute khempeuh ka beisak khit ciangin, Topa ka hihna thu hong thei ding uh hi.

Ezekiel 39:6

Kuamah in nawngkaisak loin nuamtakin mite a om hithiatna Magog gam sung le tuipi gei-a gamte ka hal ding a, tua ciangin Topa ka hihna thu mi khempeuh in hong thei ding uh hi.

Amos 1:6

Topa in hih bangin ci hi: Gaza khuamite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in minambup khat sal dingin manin, Edom mite tungah ap uh hi.

Amos 1:8

Ashdod khuapi-ah a teng mite ka lakhia ding a, Ashkelon khuapi ukte ka beisak ding hi. Ekron khuapi ka sugawp ding a, Filistia mi a omlaite si ding uh hi.