Amos 1:3 - Tedim Bible

³ Topa in hih bangin ci hi: Damaskas khuamite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in an gawina suang tawh gawizan bangin, Gilead gammite gawigawp uh hi.

Tedim Bible Revision 2017

³ Topa in hih bangin ci hi: Damaskas khua mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in an gawina suang tawh gawizan bangin, Gilead gam mite gawi gawp uh hi.

Amos 1:3 Referans Kwoze

Amos 2:6

Topa in hih bangin ci hi: Israel mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in leiba a loh zawh loh man bekun midik kimlai zuak uh a, khedap bu khat man a loh zawh loh man bekun mi cimawhte sila-in a zuak uh hi.

Amos 1:9

Topa in hih bangin ci hi: Taia khuamite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in minambup khat Edom mite tungah ap uh a, lawmta dinga a thuciamna uh zui lo uh hi.

Isaiah 8:4

Bang hang hiam cih leh naungek in, ‘Nu aw, pa aw,’ a cih theih ma-in Damaskas khua’ hauhna le Samaria khuasunga a om a kisut vante, Assiria kumpipa in la-in masuan ding hi,” hong ci hi.

2 KUMPI NIHNATE 8:12

Tua ciangin Hazael in, “Bang hangin ka topa kap na hi hiam?” a ci hi. Amah in dawngin, “Bang hang hiam cih leh Israel mite tungah nangmah in na bawl ding siatna ka thei hi. Nangmah in amau’ munmuanhuaite mei tawh na hal ding a, namsau tawh amau’ tangvalte thatin, amau’ naupang neute lei na denkhapna ding a, naupaii amau’ numeite na phelkham ding hi,” a ci hi.

Amos 2:4

Topa in hih bangin ci hi: Judah mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in ka thukhamte nialin ka thuhilhnate zui lo uh hi. A pu a pate un a na biaksa pasian man lote mah in amaute lam pialsak uh hi.

Amos 2:1

Topa in hih bangin ci hi: Moab mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh leiseek cianna-ah a kizang leikang a zat dingin Edom kumpipa’ guhte a hal uh hi.

Amos 1:13

Topa in hih bangin ci hi: Ammon mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in huaihamin gam a deihthuah manun Gilead gam simgawp uh hi.

Amos 1:6

Topa in hih bangin ci hi: Gaza khuamite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in minambup khat sal dingin manin, Edom mite tungah ap uh hi.

Zekhariah 9:1

Topa’ thugenna: Hadrak gammite’ gimtuahna ding Topa in thu khenzo a, Damaskas khuapi in zong tuak ding hi. Israel minam khempeuh, Topa-a’ ahih mah bangin leitung minam khempeuh zong Topa-a’ mah ahi hi.

Amos 1:11

Topa in hih bangin ci hi: Edom mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in a sanggam uh Israel-te namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Isaiah 41:15

Note pen, a thak, a hiam, ha a nei buhcilna bangin ka hong bawl ding hi. Note in mual liante cilin na suvui ding uh a, mual neute pen ansi bangin na gawizan ding uh hi.

Isaiah 7:8

Bang hang hiam cih leh Syria’ lutang, Damaskas khuapi hi a, Damaskas’ lutang, Rezin ahi hi. (Kum sawmguk le kum nga sungin minam ahizo nawn lo zah dongin Efraim kitamzan gawp ding hi.)

Thuhilh-sia 11:2

Na sumbuk vante mun sagih-ah ahi a, mun giat-ah ahi zongin khen kawikawi in. Hih leitungah bang thusia hong piang ding cih na theikhol kei hi.

Paunak 6:16

Topa in a muhdah, a khahkhong ngei loh ding, thu guk, tua zah bek hi lo, thu sagih tak om a, tuate pen

JOB (Job) 19:3

Kei nong simmawh niloh a, tua banga na gamtatna-ah maizumna mel na nei thei kei hi.

JOB (Job) 5:19

Lungkhamna gukvei dong na tuahna-ah amah in nang hong hon ding a, a sagihveina dingah siatna in nang hong su nawn lo ding hi.

2 KUMPI NIHNATE 13:7

Bang hang hiam cih leh Jehoahaz a dingin galkap sakol tung tuang sawmnga le leeng sawm le khe galkap tul sawm bang bek omlai hi. Bang hang hiam cih leh Syria kumpipa in amaute susia-in leivui bangin amaute a bawl hi.

2 KUMPI NIHNATE 13:3

Tua ciangin Israel-te tungah Topa heh a, amah in Syria kumpipa Hazael’ khutsung le Hazael’ tapa Benhadad’ khut sungah amaute pia tawntung hi.

1 KUMPI MASATE 19:17

Jehu in Hazael’ namsau panin a suakta peuhpeuh that ding hi. Elisha in Jehu’ namsau panin a suakta peuhpeuh that ding hi.

2 KUMPI NIHNATE 16:9

Tua ciangin Assiria kumpipa in ama thu ngai hi. Assiria kumpipa zong Damaskas a sim dingin hong kuanto-in tua khua la a, a mite galmatin Kir-ah pua a, amah in Rezin a that hi.

Isaiah 7:16

Bang hang hiam cih leh naupang in a hoih lote nialin a hoihte a teel theih hun ma-in na kihtak uh kumpi nihte’ gam kinusiacip ding hi.

Isaiah 28:27

Masalate buhcilna tawh kicil lo a, kummin tangte tungah buhcilna pei kihual lo hi. Ahih hangin masalate ciangkang tawh kisatkhia a, kumminte molhtum tawh kisat hi.

Zekhariah 9:2

Hadrak tawh a kigizawng Hamath zong, Topa-a’ mah hi a, siamna a nei Taia khuapi le Sidon khuapite zong, ama a’ mah ahi hi.