Amos 1:2 - Tedim Bible

² Amos in, “Zion Mual panin Topa hong hawksuk a, Jerusalem khua panin hong awngkek hi. Tua ahih manin lonona gamteng keugawp a, Karmel mualdawn dum dide teng kausan ta hi,” a ci hi.

Tedim Bible Revision 2017

² Amos in, “Zion Mual panin Topa hong hawk suk a, Jerusalem khua panin hong awngkek hi. Tua ahih manin lo nona gam teng keu gawp a, Karmel mual dawn dum dide teng kausan ta hi,” a ci hi.

Amos 1:2 Referans Kwoze

Joel 3:16

Zion Mual panin Topa hong hawksuk a, Jerusalem panin hong awngkek a, vanpi le leipi a ling damdam hi. Ahi zongin Topa pen ama mite’ belh pa hi a, Israel mite a hu ding hi.

Jeremiah 25:30

“Tua ahih ciangin nangmah in amaute thu na va hilh ding a, hih bangin na va gen ding hi: ‘A sang vantung panin Topa hong hawk ding a, a tenna a siangtho panin hong paukhia ding hi. Ama mite’ langkhatah nasia takin hong hawkgawp ding a, leenggah cil mite bangin leitung mi khempeuhte a langpangin hong kiko ding hi.

Amos 9:3

Karmel mual dawnah a buk uh hangin, amaute zongin ka mankhia ding a, keima kiang panin tuipi tawng sungah bu ta le-uh zong, tuipi gulpite in a tukna ding thu ka pia ding hi.

Jeremiah 12:4

Ka gam sung bang tanvei keucip ding ahi hiam? Mun khempeuhah lopate bang tanvei vulcip ding ahi hiam? A teng mite’ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.

Isaiah 42:13

Mi thahatpa bangin Topa kuankhia a, gal a do mipa bangin ama hehna sosak hi. Amah kiko-in nakpitakin awngkhia a, ama hatna a galte tungah a lak hi.

Nahum 1:4

Amah in tuipi a tai ciangin tuipi kangcip pah a, gunpite zong kangcipsak hi. Bashan gam keugawpin Karmel Mual kausan a, Lebanon Mual a om pakpalhte a vul hi.

Joel 2:11

Ama mihonpite tam mahmah uh ahih manin amaute thu pia-in a mai uhah Topa awng a, ama thupiakna bangin a semte hat mahmah uh hi. Topa’ ni ding kihtakhuai mahmah ahih manin a thuakzo ding kua om ding ahi hiam?

Hosea 13:8

A no a kilaksak vompi bangin note hong sugawpin kong balgawp ding hi. Humpinelkai bangin hong phualnek pahin, gamsate bangin kong balthanggawp ding hi.

Jeremiah 50:19

Israel mite a omnasa mun mahah ka omsakkik ding a, Karmel le Bashan mual, Efraim mual le Gilead mualah a piang ante lungkim takin a ne ding uh hi.

Jeremiah 14:2

“Judah gam kap a, a khuapite maimang dekdek hi. A mite in puan vom khu-in leilakah bok uh a, Jerusalem khua-a om mite’ kahna aw ging hi.

Isaiah 35:2

tampi takin palhkhia ding a, lungnopna le lasakna tawh lungdam ding hi. Lebanon mual a minthanna, Karmel mual le Sharon mual a minliatna tua leitang in ngah ding hi. Mi khempeuh in Topa’ minthanna, i Pasian’ liatna mu ding uh hi.

Isaiah 33:9

Leitang kinusiacipin om mawk hi. Lebanon muala tulak singte vulgawp a, Sharon gam lei hoihpen sehnel gam bang ta hi. Bashan le Karmel muala singtehte pulhmang khinta hi.

Paunak 20:2

Kumpipa’ hehna pen a lauhuai mahmah humpinelkai hawk bang hi a, kumpipa a hehsak khate in sihlawh uh hi.

1 SAMUEL MASA 25:2

Karmel mualah nasep a nei mi khat Maon khua-ah a om hi. Tua pa hau mahmah a, amah in tuu tulthum le keel tulkhat nei hi. Amah in Karmel-ah a tuumul a met hi.

Late 46:6

Minamte lungkham uh a, kumpi gamte kiling hi. Ama aw gingkhiasak a, leitung kicimgawp hi.

Jeremiah 28:8

Nang le kei’ ma-in a om, tanglai-a kamsangte in gam tampi le gam liante’ tungah gal ahi zongin, kial ahi zongin, pulnatna ahi zongin hong tung ding hi, ci-in a genkholzo uh hi.

Hosea 11:10

Humpinelkai bangin a galte uh ka hawksan gawp ding a, tua ciangin ka mite in kei hong zui ding uh hi. Nitumna lam gam panin kei kiangah hong nawhtai ding uh hi.

Joel 1:19

Topa aw, nangma tungah kong kiko hi. Bang hang hiam cih leh mei in a kattum tawh kibangin, lonona leitang khempeuh le singkung khempeuh keumang khinta hi.

Late 29:4

Topa’ awging vanglian a, Topa’ awging, liatna tawh kidim hi.