3 JOHAN THUMNA 1:8 - Tedim Bible

⁸ Tua ahih manin Pasian thuman nasepna-ah nasem khawm mite ihih theih nadingin ei Khristiante in hih bang mite i huh ding ahi hi.

Tedim Bible Revision 2017

⁸ Tua ahih manin Pasian thuman nasepna ah nasem khawm mite ihih theih nadingin ei Khristiante in hih bang mite i huh ding ahi hi.

3 JOHAN THUMNA 1:8 Referans Kwoze

3 JOHAN THUMNA 1:10

Tua ahih manin kong pai ciangin kote hong gensiatna, zuauthu a genna, le a gamtatna khempeuh ka pholak ding hi. Tua bang mi gensiatna ciang bek hi loin, i Khristian mipihte zin nangawn tungsak nuam lo a, zin a tungsak nuamte nangawn khamin, pawlpi panin hawlkhiat ding hanciam lai hi.

Filemon 1:24

ka naseppih Marka, Aristarkhas, Demas, le Luka-te in hong hopih uh hi.

Filemon 1:2

le na inn-ah a hong kikhawm pawlpite le i sanggamnu Apfia le thu upna-ah galkap khawmpih Arkhippas-te tungah lai ka hong khak uh hi.

1 THESALONIKA MASA 3:2

Khrih Lungdamna Thu hilhna-ah Pasian a dingin kote tawh na a semkhawm i sanggampa Timoti hong paisak le-ung hoihpen ding hi, ci-in ka ngaihsun uh hi. Amah in note hong hanthawnin na upna uhah hong kipsakin,

Kolose 4:11

Justas zong a kici zel Jesuh in zong note hong hopih hi. Vun-atna a zang Jew mi Khristian a hong suakte lak panin hih mi thumte bek, Pasian thu-ah ka naseppih lakah a hong kihel ahi hi. Ka nasepna-ah amaute in nakpitakin hong huh uh hi.

Filippi 4:3

Hih numei nihte in Klement le a nungta mite a kikhumna Pasian’ laibu sungah a kikhum, ka naseppih dangte khempeuh tawh, lungdamna thu a kizelh nadingin nakpitakin kei tawh na hong semkhawm uh ahih manin, citakin kei tawh na a semkhawm note in zong amau tegel na huh nadingun ka hong thum hi.

2 KORIN NIHNA 8:23

Titus ahihleh note a’ ding ka nasepna-ah ka kikholhpih ka naseppih mi hi a, amah tawh hong kithuah ka sanggam tegel uh ahihleh pawlpite’ tang hi uh a, Khrih’ min a thangsakte ahi uh hi.

2 KORIN NIHNA 6:1

Tua bangin Pasian tawh na semkhawmin om ka hih manun Pasian’ hong hehpihna thu a mawkna na suahsakkhak loh nadingun ka hong thum uh hi.

Luka 11:7

amah in a innsung panin, ‘Hong nawngkaisak dah in. Kong ka kalhkhin uh a, ka naupangte tawh ka lum khinzo uh hi. Kong thokhia thei kei a, bangmah kong pia thei kei ding hi,’ ci-in hong dawng ding hi.

Mattiu 10:40

“Na thugen uh a hong sangte in kei’ thu a hong sang hi a, kei a hong sangte in kei a hong sawl pa zong a sang ahi uh hi.

Mattiu 10:14

Inn khat peuhpeuh in ahi a, khua khat peuhpeuh in ahi zongin note hong tunsaknop kei a, na thugen uh hong ngaihnop kei leh tua lai panin paikhia unla, na khe uha leivui bangte sinkhiat un.

3 JOHAN THUMNA 1:7

Amaute pen Pasian’ nasem dingin a khualzin khia uh hi a, thu um lo mite tung panin bangmah huhna ngah lo uh hi.

3 JOHAN THUMNA 1:9

Na pawlpite kiangah lai ka gelh ngei hi. Ahi zongin na pawlpi sungah milian pen a ut Diotrefes in ka thugen hong mang nuam lo hi.

Late 94:16

Kei a dingin migilote a do dingin kua kipan ahi hiam? Kei a dingin siatna a bawlte’ langkhatah kua ding ahi hiam?