3 JOHAN THUMNA 1:4 - Tedim Bible

⁴ Tate bangin ka hong neih mite a mantakin a gamtatna uh ka zakna hangin ka lungdamna sangin adang lungdamna lianzaw bangmah om lo hi.

Tedim Bible Revision 2017

⁴ Tate bangin ka hong neih mite a mantakin a gamtatna uh ka zakna hangin ka lungdamna sangin a dang lungdamna lian zaw bangmah om lo hi.

3 JOHAN THUMNA 1:4 Referans Kwoze

Galati 4:19

Taneute aw, note in Khrih’ pianzia bang na neih dong uh, naupaii nupi in ta a suah ding a gimpih bangin note ka hong lunggimpih ding hi.

2 TIMOTI NIHNA 1:2

Ka it ka ta Timoti tungah lai ka hong khak hi. Pa Pasian le i Topa Khrih Jesuh in dikna, hehpihna, le nopsakna thupha nang tungah hong tungsak tahen.

1 TIMOTI MASA 1:2

Thu upna sungah ka tapa taktak ahi Timoti tungah lai ka hong khak hi. Pa Pasian le eite’ Topa Khrih Jesuh in dikna, hehpihna le nopsakna thupha, nangma tungah hong tungsak tahen.

Paunak 23:24

Ta hoih a nei pa a lung dam ding a, ta pil a nei pa a ta’ tungah lungkim ding hi.

2 KUMPI NIHNATE 20:3

“Nangma mai-ah thuman tak le ka lungsim khempeuh tawh ka gamtatna, le nangma muhna-ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpitakin a kap hi.

1 KUMPI MASATE 3:6

Solomon in, “Na nasem ka pa David’ tungah a lian itna kip na lak hi. Bang hang hiam cih leh cihtakna, thumanna tawh nangma mai-ah gamta-in, nangma tungah lungsim thutang hi. Nangmah in ama a dingin hih a lian itna kip koihsakin, tuni-in ama tokhom tungah a tu ding tapa khat na pia hi.

Galati 2:14

Lungdamna thu tawh kizui-in a mantakin gamta lo uh hi, ci-in ka muh ciangin amaute khempeuh’ zakin Peter kiangah, “Nang pen Jew mi hinapi-in Jew mi bangin gamta loin Gentail mite bangin a gamta khinsa na hi hi. Tua bangin a gamta khinsa hinapi-in bang hangin tu-in Gentail mite, Jew mite bangin a gamtat nadingun na gamtatna tawh lakkik na hi hiam?” ka ci hi.

Filemon 1:10

Tua ahih manin Khrih hangin ka ta ahi Onesimas a dingin ka hong thumsak hi. Thong sungah ka om sungun kha thu tawh kisai-ah ama pa ka suak hi.

Isaiah 8:18

En un, Topa in kei hong piak ka tate le keima pumpi pen Zion Mual tungah a teng Vanglian Topa’ tung panin Israel mite’ sungah lim le kihilna ka hi uh hi.

Isaiah 38:3

“Topa aw, ka lungsim khempeuh le thuman tak tawh nangma mai-ah gamta-in, nangma muhna-ah a hoih nate ka sepna thu, tu-in nong phawk nadingin kong thum hi,” a ci hi. Hezekiah nakpitakin a kap hi.

2 KORIN NIHNA 6:13

Tua ahih manin tate tungah thugen bangin thu ka hong gen hi. Kote’ ngaihsut bangin note in zong hong ngaihsun unla, na lungsim uh hong taanzausak ta un.

1 THESALONIKA MASA 2:11

Pa in a tate a bawl bangin note ka hong bawlna uh na thei uh hi.

1 JOHAN MASA 2:1

Ka itte aw, note na khialhkhak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite a dingin Pa Pasian kiangah a hong thumsak dingin a thuman Jesuh Khrih i nei hi.

2 JOHAN NIHNA 1:4

Pa Pasian in eite hong thupiakna bangmahin na pawlpi mite pawlkhat in thu a mantakin a zuihna uh mu ka hih manin ka nuam mahmah hi.