3 JOHAN THUMNA 1:14 - Tedim Bible

¹⁴ Nang tawh kimu baih thei dingin kilamen ka hih manin, tuahun ciangin maitang kimu-in i kiho ding hi.

Tedim Bible Revision 2017

¹⁴ Nang tawh kimu baih thei dingin kilamen ka hih manin, tua hun ciangin maitang kimu-in i kiho ding hi.

3 JOHAN THUMNA 1:14 Referans Kwoze

1 PETER MASA 5:14

Khristian ki-itna tawh khatlekhat kinamin na kihopih un. Khrih thu um note khempeuh tungah nopsakna thupha hong tung tahen.

Efesa 6:23

Pa Pasian le Topa Jesuh Khrih in ulenaute khempeuh tungah nopsakna le itna, thu upna tawh hong piakhawm tahen.

Galati 5:16

Note kiangah ka hong gen thu in: Kha Siangtho’ hong sawlna bangin gamta unla, na pumpi uh utna bangin gamta kei un.

Daniel 4:1

Nebukhadnezzar kumpipa in leitung a om minam kimte, minam tuamtuamte, paunam tuamtuamte khempeuh tungah a nuai-a thute hih bangin a khak hi: “Note tungah nopna om ta hen!

Piancilna 43:23

Amah in dawng a, “Nuam takin om unla lau kei un. Na Pasian uh, note’ pa’ Pasian in note a dingin na van sung uhah sum koih hi ding hi. Keimah in note’ sum a cingin ka ngah khin hi,” a ci hi. Tua ciangin amah in amaute’ kiangah Simeon paikhiatpih hi.

Johan 10:3

Tua ahih manin tuukong cing pa in a kong hon a, a tuute a min ciatin a sap ciangin a tuute in a thu mang a, amah in tuukulh panin a tuute a pusuah khiatpih hi.

Johan 20:19

Tua ni pen Nipi ni nitak lam hi a, nungzuite zong a nitakin innsung khatah a kikhop laitakun Jerusalem khua-a Jew mi uliante a kihtakna uh hangin inn a kikalhnelh uh hi. Tua bang hinapi-in amaute lakah Jesuh hong ding a, “Nopna ngah ta un,” ci-in a hopih hi.

Johan 20:21

Tua ciangin Jesuh in amaute kiangah, “Note in nopna ngah ta un. Pa in kei a hong sawl bangin note zong ka hong sawl hi,” ci-in a vaikhak leuleu hi.

2 JOHAN NIHNA 1:12

Gen ding tampi ka neihlai hangin lai-in hong gelh lo zaw-in, eite’ lungdamna a kicinzawk theih nadingin kei hong pai-in khatlekhat maitang kimu-in thu genkhawm dingin ka kingaihsun hi.