3 JOHAN THUMNA 1:11 - Tedim Bible

¹¹ Ka hong it lawm Gaias aw, mi hoih lote’ gamtatna zui kei inla, mihoihte’ gamtatna zui in. A gamtat hoih mite pen Pasian tawh a kipawl mi hi a, a gamtat hoih lo mite pen Pasian a thei nai lo ahi uh hi.

Tedim Bible Revision 2017

¹¹ Ka hong it lawm Gaias aw, mihoih loteʼ gamtatna zui kei inla, mihoihteʼ gamtatna zui in. A gamtat hoih mite pen Pasian tawh a kipawl mi hi a, a gamtat hoih lo mite pen Pasian a thei nai lo ahi uh hi.

3 JOHAN THUMNA 1:11 Referans Kwoze

Late 37:27

Siatna panin kikem inla, gamtat hoih in; tua hileh na khantawnin, na kip paisuak ding hi.

Efesa 5:1

Note pen Pasian in a hong it a tate na hih manun amah tawh na kibat nadingun hanciam un.

1 PETER MASA 3:11

Gitlohna pelhin hoih gamtat uh hen la, mi tawh kilem ding hanciamin kilem theih nadingin hahkat ta uh hen.

Johan 3:20

A gamtat hoih lo mite in a siatna uh a kilatkhak ding ut lo uh ahih manin khuavak deih lo uh a, khuavakah pai nuam lo uh hi.

Late 34:14

Siatna panin kihemkhia inla, a hoih bawl in. Kilemna ding hanciam inla, na phak mateng delh in.

1 PETER MASA 3:13

Note in a hoih gamtat ding utin hanciam le-uhcin kua in hong bawlsia ding ahi hiam?

2 TIMOTI NIHNA 3:10

Ahi zongin nangmah in ahihleh ka thuhilhna, ka gamtatna, le ka nuntakna-ah ka ngim ka tup thute na hong zui hi. Ka upna, ka lungduaina, itna ka neihna, ka lungkipna,

1 JOHAN MASA 2:29

Khrih, thuman hi, ci-in na theih uh mah bangin a manin a gamta mi khempeuh zong Pasian’ tate hi, ci-in na theih ding uh ahi hi.

1 THESALONIKA MASA 2:14

Tua ahih manin sanggamte aw, Judea gam sunga om, Khrih Jesuh thu a um, Pasian’ mi ahi mite in a thuak bangin note in zong a thuak na hi uh hi. Amaute in Jew mite’ bawlsiatna a thuak uh mah bangin note in zong note’ gam mite mah’ bawlsiatna na thuak uh hi.

1 THESALONIKA MASA 1:6

Kote le Topa’ gamtat bangin note na gamta uh a, note in gimna nakpitakin thuaklawh napi-in Kha Siangtho’ huhna tawh lungdam takin thu umin na om uh hi.

Johan 12:26

Ka nasemte keima omna-ah a omtheih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Johan 10:27

Keima tuute in ka aw za-in thei uh ahih manin kei hong zui uh hi.

Paikhiatna 23:2

Siatna a bawl dingin mihon na zui kei ding uh hi. Thutang a hei khia dingin mihonpi nung zui-in thu neihna-ah teci na pang kei ding uh hi.

Hebru 6:12

Note thadah loin upna le lungduaina a nei mite bangin, Pasian’ hong ciamsa thu na ngah nadingun ka hong deihsak uh hi.

1 KORIN MASA 11:1

Keimah in Khrih gamtatzia ka zuih mah bangin note in zong keima gamtatzia hong zui ta un.

1 KORIN MASA 4:16

Tua ahih manin keima gamtatzia na hong zuih nadingun ka hong thum hi.

Paunak 12:11

Nakpi takin lo khote in an hau a, man nei lopi-in hun beisakna in haina ahi hi.

Filippi 3:17

Sanggamte aw, keima gamtat bangin hong gamta niloh un. Note’ etteh dingin a hoihin kote hong gamta ka hih manun, kote’ gamtat bangin a gamtate na etteh un.

1 JOHAN MASA 3:10

Hih pen Pasian tate le Dawimangpa’ tate a kilamdanna ahi hi. A manin gamta loin, a Khristian mipihte a it lo mi peuhmah, Pasian’ tate hi lo uh hi.

1 JOHAN MASA 4:1

Ka it lawmte aw, kha ka nei a ci mi khempeuh’ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.