2 PETER NIHNA 3:9 - Tedim Bible

⁹ Mi pawlkhatte’ ngaihsut bangin Topa in a kamciamna a hong tungsak hak hi zenzen lo hi. Note khat beek in siatna na thuakkhak ding uh deih loin na vekpi-un na kisik ding uh deih ahih manin hong pai nai lohna pen note hong khualna hizaw hi.

Tedim Bible Revision 2017

⁹ Mi pawl khatteʼ ngaihsut bangin Topa in a kamciamna a hong tungsak hak hi zenzen lo hi. Note khat beek in siatna na thuakkhak ding uh deih loin na vekpi-un na kisik ding uh deih ahih manin hong pai nai lohna pen note hong khualna hizaw hi.

2 PETER NIHNA 3:9 Referans Kwoze

1 TIMOTI MASA 2:4

Mi khempeuh in hotkhiatna ngahin, thuman a theihkim ding Pasian in deih hi.

ROM (Romans) 2:4

Pasian migi-in thu a diah hithiatna pen na kisikkik theih nading uh a deihna ahih lamtak phawkkha loin, a migitna, a lungduaina, a hong thuaknate neu ngaihsutkha na hi uh hiam?

Habakkuk 2:3

Hih thu a tunna ding hun hi pah nai lo ahih manin lai-in ciamteh in. Ahi zongin hong tung baihta ding a, kong lah khempeuh a manin hong tung ding hi. A tung hak tawh a kibangkha ahi zongin ngak keikai in. Ka seh hun a cin ciangin hong tung takpi ding a, zekai lua nawn lo ding hi.

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmahin, itna kip le thumanna tawh a kidim na hi hi.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.

Mangmuhna 2:21

Tua numei a kisikkik nading hun ka piak hangin a paktatna panin kihei nuam lo hi.

2 PETER NIHNA 3:15

I sanggam Paul in Pasian’ piak pilna zangin note kiangah lai a hong gelhnate sungah a gen mah bangin note khempeuh in hotkhiatna na ngahtheih nading uh hun hong piakna-in Topa hong zekai ahihna thu na phawk un.

1 TIMOTI MASA 1:16

A mawhnei pha bel ka hihna thu hang mahin, nidang ciangin amah umin nuntak tawntungna a ngah ding mite’ etteh theih dingin Khrih Jesuh in a lungduaina cingtakin kei tungah hong lahtheih nadingin Pasian in kei a hong hehpih ahi hi.

Hebru 10:37

Bang hang hiam cih leh Lai Siangtho sungah, “A sawt loin, a hong pai ding pa hong tung ding a, hong zekai nawn lo ding hi.

Paikhiatna 34:6

Ama mai-ah Topa pai-in, “Topa, Topa, hehpihna nei-in a dik Pasian; lungduai-in itna kip le thutakna tawh a dim;

ROM (Romans) 9:22

Tua mah bangin Pasian in zong a beisa hunah siatna a thuak dingin a kilawm mite susia loin a ki-ipipna mite tungah a hehna le a vangliatna a lahtheih nading thu a neih mah bangin,

Isaiah 46:13

Suahtakna ding hun ka hong tungsak ta a, gamla nawn lo hi. Ka hong hotkhiat ding hun zekai nawn lo ding hi. Keima minthanna ahi Israel a dingin Jerusalem ka honkhia ding hi,” a ci hi.

Paikhiatna 18:23

Hih bangin hih lecin Pasian in thahatna hong pia ding a, nangmah in na sem paisuakzo ding hi. Tua tham loin hih mite khempeuh zong amau’ omna-ah lungnuam takin ciah thei ding uh hi,” a ci hi.

1 PETER MASA 3:20

Noah in teembaw a bawl hun laitakin Pasian in lungduai takin ngak hinapi-in hih kha a nei mite pawlkhat in Pasian’ thu mang lo uh hi. Teembaw sungah a om mi giat bek, tui in a suaktasak hi.

Paikhiatna 32:32

Ahih hangin nangmah in tu-in amau’ khialhna maisak in. Na maisak kei ding leh, hong thum ing, nangma gelhsa laibu panin keimah hong phiatmai in,” a ci hi.

Paikhiatna 33:11

Tua bangin, mi khat in a lawmpa a hopih bangin maitang kituahin Topa in Moses hopih zel hi. Giahphual ah Moses a ciahkik ciangin, Nun’ tapa, ama nasem tangval Joshua, puanbukah omlai hi.

Late 77:8

Ama itna kip bei paisuakin, ama thuciamte maimang suak ding hiam?

Thuhilh-sia 8:11

A mawhte gim kipia pahpah lo ahih manin mihingte in khialh ding haksa sa lo uh hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Daniel 4:29

Tua zawh kha sawm le nih khit ciangin kumpipa zong Babylon khua kumpi innkhumzang huan sungah vak a,

ROM (Romans) 13:11

Tuhun pen bang hun hita ahi hiam, ci-in theita na hih manun tu-a bangin na gamtat ding uh ahi hi. Tu-in note in khua phawkin na khanlawh ding uh hun hita hi. Bang hang hiam cih leh Jesuh Khrih i up cil lai hun sangin tu-in Pasian in leitung haksatna panin eite hong hotkhiat ding hun hong naizaw hi.

ROM (Romans) 13:12

Zan khuamial bei dektak a, sun khuavak hong tung dektak ta hi. Khuamial sunga gamtatnate khawlin khuavak sunga nazatte zam ta ni.

2 PETER NIHNA 1:4

Amah in piak dingin a hong ciam a manpha mahmah nate hih bangzia-in hong pia a, hih ama hong piak nate hangin leitungah a om siatna a piangsak thei duhluatna le deihluatnate panin na suakta uh a, Pasian’ pianziate na nei uh hi.