2 PETER NIHNA 3:1 - Tedim Bible

¹ Ka itte aw, hih ka hong laigelh a nihveina hi a, lungsim siangtak tawh thu na ngaihsut phatkik theih nadingun a nihvei mahin ka hong phawksakkik hi.

Tedim Bible Revision 2017

¹ Ka itte aw, hih ka hong laigelh a nih veina hi a, lungsim siangtak tawh thu na ngaihsut phatkik theih nadingun a nih vei mahin ka hong phawksakkik hi.

2 PETER NIHNA 3:1 Referans Kwoze

2 TIMOTI NIHNA 1:6

Tua ahih manin nang tungah ka khut nga-in thu ka hong ngetsak lai-in nangma tungah Pasian in hong piak siamna na sosuah nadingin ka hong phawksak hi.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu uppih mite uh lungsim tak tawh itthei khinta na hih manun na lungsim khempeuh uh tawh limtakin na ki-it un.

1 TIMOTI MASA 5:22

Topa’ na a sem dingin kipsakna-in khut nga-in thungetna pen kuama tungah zang mengmeng kei in. Midang a khialte tawh khialkhawm kha kei inla, siangtho takin na omtheih nadingin limtakin kikem in.

Mattiu 5:8

Lungsim takpi tawh Pasian a zong mite in Pasian mu ding ahih manin thupha ngah mi ahi uh hi.

Late 73:1

Israel mite bangin a lungsim a siangtho a thutang mite tungah Pasian hoih takpi hi.

Late 24:4

Gamtat siangtho le lungsim siangtho a nei, a man lo thu-ah a nuntakna pia loin, khemna tawh a kiciam lo mite ahi hi.

2 KORIN NIHNA 13:2

A beisa hunah mawhna a gamtate le adangte khempeuh kiangah, a nihveina ka hong hawh lai-in keima kam tawh ka hong gen bangin tu-in zong lai tawh ka hong gelhnop thu in: Ka hong paikik ciangin kuamah hong zah nawn lo ding ka hih manin gim na thuak pelmawh ding uh hi.

Hebru 6:9

Lawm itte aw, hih bangin thu i gen hangin note ka hong muang mahmah uh a, hotkhiatna tawh kizomin thupha a hoihzaw ngah taktak uh hi, ci-in ka hong ngaihsun uh hi.

1 PETER MASA 2:11

Ka itte aw, hih leitungah gamdang mi, a peempak bangin kingaihsun unla, na kha nuntakna uh tawh a kilehngat pumpi’ deihnate na kikham un.

2 PETER NIHNA 3:8

Ahi zongin ka itte aw, na mangngilh loh ding uh ka deih thu in: Topa a dingin ni khat le kum khat, kum tulkhat le ni khat a kilamdan’ luatna om lo hi.

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasian’ muhna-ah paubaanna om hetloin amah tawh nuamtakin na omkhawm theih nadingun hanciam un.

2 PETER NIHNA 3:17

Tua ahih ciangin ka itte aw, hih thute theikhol unla, ngeina man zui lo mite’ khemna zuikha-in na bulkip panun na pukkhak loh nadingun na kidawm un.

Juda 1:5

Note in na theihsa uh ahi ta zongin ka hong phawksak nop thu in: Topa in Egypt gam panin Israel mite honkhia khin napi-in amah a um lo mite a nung ciangin susiagawp hi.