2 PETER NIHNA 2:9 - Tedim Bible

⁹ Tua ahih manin Topa in tua bang mihoihte a gimna uh panin suakta sakin, tua bang migilote Thukhen Ni hun dongin gimna pia-in a koihcip theih nading siamna a nei hi.

Tedim Bible Revision 2017

⁹ Tua ahih manin Topa in tua bang mihoihte a gimna uh panin suaktasakin, tua bang migilote Thukhen Ni hun dongin gimna pia-in a koihcip theih nading siamna a nei hi.

2 PETER NIHNA 2:9 Referans Kwoze

1 KORIN MASA 10:13

Na tuah uh ze-etnate khempeuh pen mite’ tuah ngeingeite mah ahi hi. Pasian in citakin a thuciamna lenkip ahih manin note’ thuak zawh loh ding ze-etna hong tuaksak lo ding hi. Ze-etna na tuah hun uh ciangin zong na thuakzawh nading uh thahatna hong guan ding ahih manin na suahtak zawh nading uh lampi hong honsak ding hi.

Mangmuhna 3:10

Note in lungduai takin na thuak nading uh ka hong thupiakna zui na hih manun leitung a a om mi khempeuh ze-et nadingin leitung bupah a hong tung ding lungkhamna panin kei zong note ka hong suaktasak ding hi.

2 TIMOTI NIHNA 3:12

Khrih Jesuh tawh kipawlin Pasian’ deihna bangin a nungta nuam khempeuh in bawlsiatna a thuak ding mah hi a,

2 PETER NIHNA 3:7

Tu-in tua Pasian’ kampauna mah tawh, mei tawh haltum dingin tu-in a om vantung le leitung a kikoihcing hi a, Pasian a um lo mite thu kikhenin a kisuksiat hun ding bek ngakin a om ahi uh hi.

Paunak 16:4

Topa in na khempeuh ngimna nei-in bawl a, migilote nangawn siatna a thuak dingin a bawl ahi hi.

JOB (Job) 5:19

Lungkhamna gukvei dong na tuahna-ah amah in nang hong hon ding a, a sagihveina dingah siatna in nang hong su nawn lo ding hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

2 PETER NIHNA 2:4

Bang hang hiam cih leh vantung mite nangawn in khialhna a neih ciangin Pasian in khahkhong loin hell khuk sungah khia a, Thukhen Ni hun dong ngakin khuamial sungah kol bulhsa-in a omsak hi.

ROM (Romans) 2:5

Lungsim khauhin na kisik nop lohna hangun Pasian’ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

Late 4:3

Ahih hangin Topa in ama a dingin miphate a tuamkoihlam thei ta un. Ke’n ka sap ciangin Topa in hong za hi.

Late 32:6

Tua ahih ciangin nang hong kimuh theih lai-in mihoih khempeuh, nang tungah thu kingensak in. Tua hileh tuikhang in amaute ban lo ding hi.

JOB (Job) 21:30

Pasian hehin, mite gim a piak ciangin migilote peng tawntung zawsop hi.

Late 12:1

Topa aw, hong huh in; bang hang hiam cih leh mihingte lak panin mi thumante maimang ta a, mipha khat zong om nawn lo hi.

Late 37:33

Topa in migilo pa’ khut sungah amah nusia lo ding a, thusit dingin a kipaipih ciangin mawhna thuaksak lo ding hi.

Paunak 12:13

Migilote in a zuaugenna uh awkpih a, thuman mite buaina tawh kipelh hi.

Mattiu 6:13

Ze-etna lian hong thuaksak ke’n. Gilo’ kiang pan hong honkhia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Mattiu 10:15

Thukhen ni ciangin tua khuamite’ thuakna sangin Sodom khua le Gomorrah khuamite’ thuakna olzaw lai ding ahihna thu hoihtakin phawk un.

Juda 1:6

Amau’ aana neih huamsung bekah om loin a omna panun a paikhia vantung mite zong leinuai khuamial sungah sikkol kibulhin amau’ thu a kikhen ding Ni lianpi ngakin Pasian in a koihcip hi.

1 SAMUEL MASA 29:10

Tua ahih ciangin tu-in nang tawh a hong pai na topa’ nasemte tawh zingsangin tho baih un. Zingsangin kipan baih unla, khua a vak phetin kihemkhia un,” a ci hi.