2 PETER NIHNA 2:8 - Tedim Bible

⁸ Tua mihoih pa, amaute lakah teng a, nisimin amaute’ gamtat hoih lohnate za-in mu tawntung ahih manin lunggim mahmah hi.

Tedim Bible Revision 2017

⁸ Tua mihoih pa, amaute lakah teeng a, nisimin amauteʼ gamtat hoih lohnate za-in mu tawntung ahih manin lunggim mahmah hi.

2 PETER NIHNA 2:8 Referans Kwoze

Late 119:158

Thuman lo mite ka muh ciangin ka kih mahmah hi. Bang hang hiam cih leh amaute in nangma thupiakte zui lo uh hi.

Ezekiel 9:4

“Jerusalem khuasung khempeuhah pai kawikawi inla, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltangah ciaptehna va bawl in,” ci-in a sawl hi.

Late 119:136

Mite in nangma thu zui lo uh ahih manin ka khitui hawk luanin a luang hi.

Paunak 25:26

Mihoih khat in mihoih lote’ gamtatna a zuihkhak ciangin hawktui nin, ahih kei leh tui uih tawh kibang hi.

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihte’ thungetna in vang nei a, na lianpi semzo hi.

1 TIMOTI MASA 1:9

Ahi zongin i phawk dingah, mi hoihte a dingin thukham a kibawl hi lo a, thukham zui lote, thumang lote, Pasian’ deih bangin a gamta lote le mawhneite, biakna lungsim a nei lote le kam kilawm lo a paute, nute pate a thatte, midang a thatte,

Paunak 28:12

Mihoihte in vangliatna a ngah ciangin mi khempeuh lungdam uh a, migilote a liat ciangin adangte in gimna thuak uh hi.

Late 119:139

Ka galte in nangma thu kin het lo uh ahih manin keima hehna mei bangin a kuang hi.

Ezekiel 9:6

Puteek, nungak, tangval, numei, naupang dong takin va thatlum un la, ahi zongin a taltangah ciaptehna a nei peuhmah su kei un. Hih ka biakinn mahmah panin kipan pah un,” a cihna ka za hi. Tua ahih manin tua biakinn sungah a ding Israel makaite, kipatna-in a nei pah uh hi.

Piancilna 13:13

Tua laitakin Sodom mite migi lo hi a, Topa’ tungah nakpitakin a khialte ahi hi.

Hebru 11:4

A upna hang mah tawh Abel in Kain’ piakna sangin a santheih huaizaw biakpiakna Pasian’ tungah a na pia hi. Pasian in ama biakna na sang ahih manin a upna hangin mihoih hi, ci-in Pasian’ pahtakna a na ngah hi. Abel a sihzawh a sawtpi hikhin napi-in tu dong mahin upna thu a hong gengen lai a suak hi.