2 PETER NIHNA 2:5 - Tedim Bible

⁵ Pasian in tanglai mite khahkhong loin amah a um lo mite, tuiciin tumsak a, thuman thutak a hilh Noah le adang mi sagih bek suaktasak hi.

Tedim Bible Revision 2017

⁵ Pasian in tanglai mite khah khong loin amah a um lo mite, tuiciin tumsak a, thuman thutak a hilh Noah le a dang mi sagih bek suaktasak hi.

2 PETER NIHNA 2:5 Referans Kwoze

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasian’ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

2 PETER NIHNA 3:6

tui tawh a piansak leitung pen tui mah tawh na susia leuleu hi.

Piancilna 6:9

Noah’ tangthu hih bang ahi hi. Noah a thuman mi khat hi a, ama khangah paubaang lo hi. Noah pen Pasian tawh kikhawl hi.

Piancilna 6:17

Bang hang hiam cih leh, en in, leitungah a om nuntak husanna a nei khempeuh a susia dingin leitungah tuiciin ka tungsak ding hi. Leitung a om khempeuh si ding hi.

Ezekiel 26:20

Tanglai-a a sisa mite tawh a tengkhawm dingin misite’ khua Leinuai-ah kong puak ding hi. Siatna a thuak tawntung leinuai-a omte lakah kong koih ding a, a sisate tawh na om ding hi. A hingte lakah a omkik dingin tua lai panin nong kilehkik nawn kei ding hi.