Biblia Todo Logo
Bib sou entènèt

- Piblisite -




2 PETER NIHNA 2:3 - Tedim Bible

3 Hih sia man lote in a huaiham manun note kiang panin sum a ngahtheih nadingun phuahtawm thu hong gen ding uh hi. Ahi zongin sawtpek a kipanin amaute’ thu a Khen ding pa a kigingsa-in om niloh a, amaute a Susia ding pa in en gige hi.

Gade chapit la Kopi

Tedim Bible Revision 2017

3 Hih sia man lote in a huaiham manun note kiang panin sum a ngah theih nadingun phuahtawm thu hong gen ding uh hi. Ahi zongin sawt pek a kipanin amauteʼ thu a Khen ding pa a kiging sa-in om niloh a, amaute a Susia ding pa in en gige hi.

Gade chapit la Kopi




2 PETER NIHNA 2:3
43 Referans Kwoze  

Ahi zongin kote pen, van gina tum lo a zuak mite tawh a kibang ahi, Pasian’ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khrih nasem hihna tawh ama mai-ah lungsim takpi tawh thugente ka hi uh hi.


Phulakna le thukkikna kei a’ hi a, a hun ciangin amaute puk ding uh hi. Bang hang hiam cih leh amau’ gim ngah hun ding hong naita a, amau’ siat nading hong tung pah hi.


Tua ahih manin note in na theih uh mah bangin mite’ lungdam theih nading phatna kamte ka zang kei uh a, kote’ phattuam nading ngaihsutna tawh zong bangmah ka sem het kei uh hi. Hih bang ka hihna uh Pasian in hong thei hi.


Tua bang mite in i Topa Khrih’ na a sem hi loin, gilpi vai bek a sem uh ahi hi. Amaute in mite phatin kamkhum nono zang uh ahih manin mihoih pawlkhat a khemzo uh hi.


Pasian’ deihna bangin a gamtat lohna hang uh le kam hoih lopipi zangin Pasian a gensiatnate uh hangin Pasian’ deihna bangin a gamta lo mite tungah thu khenin mawhsakna pia ding hi,” na ci hi.


Sum ngahtheih nading bekin a kilawm lopi-in thu hilhin biakna innkuan buppi nawngkaisak uh ahih manin thu a gen nawn loh nadingun khaktan ding ahi hi.


thuman thutak zui loin, a lungsim paizia uh a man nawn lo, biakna pen hauhtheih nading lampi bekin a ngaihsun mite in a tawntungin kitot kiselna a piangsak uh ahi hi.


Tua ahih manin Topa in tua bang mihoihte a gimna uh panin suakta sakin, tua bang migilote Thukhen Ni hun dongin gimna pia-in a koihcip theih nading siamna a nei hi.


Mite lakah kamsang man lo a omngei mah bangin note lakah sia man lo hong om ding hi. Siatna a piangsak thei thuhilhna a man lo hong lutpih simin, amaute mahmah a tankhia Topa nangawn nial ding uh hi. Tua ahih manin thakhat thu-in siatna thuaklawh ding uh hi.


I Topa Jesuh Khrih a vangliatna le a hong paikik nading thute note kiangah ka hong gen uh ciangin mihingte’ phuahtawm tuanthute siksanin a hong gen hi loin, ka mit mahmah uh tawh ka muh uh a vangliatnate a hong gen ka hi uh hi.


Pasian in note’ khut sungah a hong piak tuuhonte hoihtakin na cing unla, ut lo pipi hi loin, Pasian’ hong deih bangin utna lungsim takpi tawh na cing un. Sum ngahnopna bek tawh a sem hi loin utna lungsim tawh a semte na hi un.


Pawlpi siate pen Pasian’ nasem ahih manin paubaanna a om lo, a kiphasak lo, zukham thei mi ahi lo, a ngongtat lo, a huaiham lo,


Hih mite a dingin dahhuai mahmah hi. Bang hang hiam cih leh Kain’ gamtat bangin gamta-in, sum ngaihsutna-in Balaam’ khialh bangin khial uh a, Korah’ lehdo bangin lehdo-in siatna thuak uh hi.


Sodom khua le Gomorrah khua le a kiima om khuapi mite zong tua vantung mite mah bangin gamta uh a, numei tawh mawhnopna bek tham loin pasal le pasal kilunggulhna ciang dong nei uh ahih manin midangte’ etteh dingin tawntung meikuang a thuak uh hi.


Bang hang hiam cih leh Pasian’ thu a ngaihsun lo mi pawlkhat, eite lakah kuama phawk lohin hong lutsim uh a, amaute’ mawh gamtat ngamnate a seelna-un Pasian’ hehpihna thupha a lehlamin hei-in, eite in khat bek i neih i Mangpa le i Topa ahi Jesuh Khrih a nial uh hi. Hih bang mite’ gimthuak ding thu tanglai pekin Lai Siangtho in a gensa thu ahi hi.


a cihna leh, “Hih suang pen mite’ hoina suak ding a, hih suangpi pen a pukna uh suak ding hi,” a cihna bang hi ding hi. Amaute in lungdamna thu um lo uh ahih manin a puk uh ahi hi. Pasian in a tuaci ding mahin a deih ahi hi.


Pawlpi upa dingte zong a gamtat hoih, a lungsim citak, leenggahzu tam a ne lo, sum thu-ah a huaiham mi hi lo ding uh hi.


zu a kham lo mi, a ngongtat lo mi, lungsimnem mi, kitot a uk lo mi, sum a deihlua lo mite hi ding uh hi.


Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhatthu-in amaute tungah siatna hong tungvat ding hi. Nausuah natna bangin gimna thuak ding uh a, kuamah suakta lo ding uh hi.


Tua ciangin kawl vakhu zuakte kiangah, “Na kawl vakhute uh hih lai panin paikhiatpih un. Ka Pa’ inn pen sumzuakna inn phualpi-in nei kei un,” a ci hi.


Tua bangin thu a gen laitakin mihonpi khat hong pai a, sawm le nihte sung panin Judas a kici mipa hong makai-in Jesuh a nam dingin hong naih hi.


Tua ahih manin a hunhoih ngakin vil gige uh a, ukna aana a neite’ khut sungah Jesuh a aptheih nadingun ama kampau tawh a mat nopna-un, lungsim takpi tawh thudong a va kineihkhem dingin mi pawlkhat thukan dingin a cial uh hi.


Ke’n kong cihin-ah, amaute’ thu a manin manlang takin khensak ding hi. Ahi zongin Mihing Tapa hong pai ciangin leitungah amah a um mi a mu ding hiam?” ci-in a genthuah hi.


Vanglian Topa in, “Ka biakna tau tungah, bangmah-a kimang lo mei na tawh mawkmawk theih loh nadingun, note khatpeuh in biakinn kongkhakte khak le-uh cin ka ut hi. Note tungah ka lungkim kei a, nong piak uh biakpiaknate kong sang kei ding hi.


Teman khua panin Pasian hong pai a, Paran Mual panin Siangtho Pa hong pai hi. Ama minthanna vang in vanpi tuam a, leitung khempeuh, amah phatna tawh kidim hi.


Khuapi ukte in sumgolh ngahtheihna ding ngaihsutna bek tawh thu khen a, siampite in sum ngahtheihna ding ngaihsutna bek tawh thu gen a, kamsangte in zong sum ngahtheihna ding ngaihsutna bek mah tawh mailam thu genkhol uh hi. Tua bang hinapi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.


Mangbuhham khut khat dim le anlum them tawmkhat na ngah theih nadingun ka mite’ mai-ah kei nong minsiasak uh hi. A si dingin a kilawm lopite na that nuam uh a, a hing dingin a kilawm lopite na hingsak nuam uh hi. Tua bangin ka mite tungah zuauthu genin, amaute in note’ thugen hong um uh hi.


Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.


Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.


A ngekpen mipa minam khat suak ding a, a neupente milianpi suak ding hi. Kei pen Topa ka hi hi. A hun a tun ciangin keimah in thakhatin hih thu ka tungsak ding hi.


Uite in nakpitakin duh uh a, kham hun cih nei ngei lo uh hi. Tuucingte in zong thutheihna nei lo uh hi. Amaute khempeuh amau tum ciatin gamta uh a, a vekpi-un amau’ phattuamna ding bek a zong ciat uh hi.


Kei a hong mudahte ka mai-ah hong kun ding uh a, amaute’ gimthuakna kip paisuak ding hi.


Pasian’ tungah thu gen unla, “Nangma bawlnate bangzahta-in dipkuathuai! Na vang lian mahmah ahih manin na mai-ah na galte in nang hong mai-et uh hi.


Ka thu a zak phetun amaute in hong mang pah uh a, gamdang mite in kei hong mai-et uh hi.


“Peemta’ thu ahi a, pa nei lo mi’ thu ahi zongin tuate a’ ding thutang na heisak kei ding uh a, meigong numei’ puan zong khapna-in na laksak kei ding uh hi.


Mi cimawh khat suksiatgawp sawm a, na lawm khat uh hihgawp sawm na hi uh hiam?


Hih mite a tawntungin phunin khatlekhat mawhna kizong uh a, amau pumpi deihna bangun gamta-in kiphasak uh a, phattuamna a ngah theih nadingun midangte a phat uh hi.


“Mihoih a kineihkhem, no Thukham hilh siate le Farisi mite in gimna na thuak ding uh hi. Meigong numeite tungah nuamtak sa-in a neihsa teng uh laksakin na zangmang uh a, mite in mihoih hong saktheih nading na deihna-un thu saupipi na ngen uh hi. Hih bangin na gamtatna uh hangin na gim thuak ding uh nasiazaw kan lai ding hi.


Swiv nou:

Piblisite


Piblisite