2 PETER NIHNA 2:2 - Tedim Bible

² Tua bang hinapi-in mi tampi tak in amau’ gamtat hoih lohna zui ding uh a, tua bangin amau gamtatna hangin mite in thuman lampi gensia ding uh hi.

Tedim Bible Revision 2017

² Tua bang hi napi-in mi tampi tak in amauʼ gamtat hoih lohna zui ding uh a, tua bangin amau gamtatna hangin mite in thuman lampi gensia ding uh hi.

2 PETER NIHNA 2:2 Referans Kwoze

ROM (Romans) 2:24

Tua ahih manin Lai Siangtho sungah, “No Jew mite’ hangin Gentail mite lakah Pasian kigensia hi,” ci-in kigelh hi.

Juda 1:10

Ahi zongin hih mite in a theihtel loh uh thute simmawhbawl uh a, ganhing bangin a pianpih lungsim uh tawh gamta uh ahih manin siatna thuaklawh uh hi.

Mangmuhna 13:14

Ganhing masa omna-ah nalamdang bawltheih nading thu ngah ahih manin a nalamdang bawlna tawh leitungah a om mi khempeuh khem a, namsau tawh a si ding zahin a kisat liamsa hinapi a nungta lai ganhing pahtawi nading milim khat a bawl nadingun a gen hi.

Juda 1:15

Pasian’ deihna bangin a gamtat lohna hang uh le kam hoih lopipi zangin Pasian a gensiatnate uh hangin Pasian’ deihna bangin a gamta lo mite tungah thu khenin mawhsakna pia ding hi,” na ci hi.

2 PETER NIHNA 2:15

Thuman lampi nusia-in gammang uh a, a man loin gamtatna tawh sum a ngah nuam Beor’ tapa Balaam’ gamtat bangin gamta uh hi.

1 PETER MASA 2:12

Gentail mite in note mi hoih lo hi, ci-in hong gensia nuamin mawhna hong zon ciangin, note’ hoihna bekbek mu-in, Pasian a hong pai Ni ciangin a phattheih nadingun amaute lakah na gamtatna uh hoihsak tawntung un.

Titu 2:8

mite’ mawhmat theih loh ding kamhoihte na zang in. Tua hileh i langte in hong gensiat theih nading mu loin a mai uh zum lel ding hi.

Sawltak 24:14

Ahi zongin nangma kiangah kong pulaknop thu in: Amaute in man lo hi, a cih uh tua Thu zui-in kote’ pu le pate’ Pasian ka bia hi. Moses’ Thukham laibu sunga a kigelh thu khempeuh le kamsangte’ laibu sunga a kigelhte khempeuh zong ka um hi.

Sawltak 16:17

Tua numei in Paul le kote hong zui-in, “Hih mite, A Lianpen Pasian’ nasemte ahi uh hi. Note a hong kihotkhiat theih nading thu a hong gen uh ahi hi,” ci-in a kiko hi.

Mattiu 24:24

Bang hang hiam cih leh Khrih a kineihkhemte le kamsang a kineihkhemte hong piang ding a, ahih zawh leh a teelsa mite nangawn a khem nadingun lim le nalamdang lianpipi hong bawl ding uh hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

2 PETER NIHNA 2:21

Tua bang mite in amaute tungah a kipia thu siangthote thei-in a nusiat kik sangun thuman lampi a thei ngei het lo uh hileh amau a dingin hoihzaw thampek ding hi.

Titu 2:5

thu ngaihsun thei, a gamtat siangtho, inn nasep a kizen, a migi, le a pasalte uh thu a mang thei mi ahih nadingun na gen in.

1 TIMOTI MASA 5:14

Tua ahih manin, i langte’ hong gensiat nading a om loh nadingin, a khangno lai meigong numeite in pasal nei-in, ta nei-in, amau innkuansung ukin a om ding uh ka deihzaw hi.

Sawltak 19:9

Ahi zongin mi pawlkhat in kin hetloin um nuam lo uh a, mipi’ zakin Topa’ thu paiziate gensia gawp uh ahih manin Paul in amaute nusia-in thu um mite paikhiatpih a, Tirannas in thugenna-in a neih innpi sungah nisimin thugenna hun a zang hi.

Sawltak 18:26

Amah in kikhopna inn sungah hangtakin thu hilh ding kipan a, Prisilla le Aquila in ama thuhilhna a zak uh ciangin a omna uh inn-ah Apollos ciahpihin, Pasian’ thu paiziate a mantakin a hilhtel uh hi.

Sawltak 14:2

Ahi zongin thu um lo Jew mite in Gentail mite holhthawh uh a, thu um mite a mudahsak uh hi.

Sawltak 13:10

“Dawimangpa tawh a kibang mipa aw, thuhoih khempeuh nialin, gitlohna ngian tuamtuam na nei a, Topa’ thuman pen zuau suahsak ding na hanciam tawntung hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Marka 13:22

Bang hang hiam cih leh Khrih kineihkhemte le kamsang kineihkhemte hong piang ding a, ahih zawhleh, a teelsa mite nangawn a khem nadingun lim le na lamdangte hong bawl ding uh hi.

Marka 12:14

Amaute in, “Sia aw, nangmah in thutang genin, midangte’ pau ding phamawh na sak lohna, uliante’ maitang zahtak tuan loin, Pasian in mite a gamtat dingin a deihna thute tangtakin na hilhna ka thei uh hi. Tua ahih manin Rom Kumpipa Sisar tungah siah i piak ding kilawm ahi hiam, kilawm lo ahi hiam?

Mattiu 22:16

Amau’ nungzuite le Herod mi pawlkhat, Jesuh kiangah a paisak uh hi. Amaute in, “Sia aw, thu ahi bang a gen tawntung na hihna thu ka thei uh hi. Mite kuamah zahtaktuam nei lo na hih manin midangte’ pau ding bangmah phamawhsa loin Pasian in mite’ gamtat ding a deihna bangin tangtakin thu na hilh tawntung hi.

Mattiu 7:14

Ahi zongin nuntak tawntungna tun nading kong kawcikin a lampi haksa a, mi tawmno bek in a zuizo uh hi.

Late 18:21

Bang hang hiam cih leh Topa’ lampite ka tawn khin a, ka Pasian’ kiang panin gitlohna tawh ka paikhia kei hi.

Mangmuhna 13:8

Tua ahih manin a kigo Tuuno laibu sungah a nungta ding mite’ min, leitung pianma pekin a kikhumna-ah a kihel lo leitung mi khempeuh in tua ganhing bia ding uh hi.

2 PETER NIHNA 2:12

Ahi zongin mat ding le thah dingin a piang gamlak ganhing gilote bangin a pianpih lungsim uh zui-in gamta uh a, a theih loh uh thute a gensia uh hi. Tua ganhingte mah bangin amaute kisusia ding a,

Jeremiah 6:16

Topa in mite tungah, “Lam kabomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi. A siang lo mite in tua tung tawn ngei lo ding a, mihaite in tua lam a zui mite khialsak nawn lo ding hi.

Piancilna 19:5

Amaute in Lot sam uh a, “Tu nitak a nang kiangah hong tung mite koi-ah om ahi hiam? Amau’ taw ka luk theih nadingun ko kiangah amaute hong paikhiatpih in,” a ci uh hi.

Sawltak 22:4

Hih Thu a zui numei pasal a kuamah peuh manin thong sung ka denna a, sihna ciang dongin amaute ka bawlsia hi.

2 PETER NIHNA 2:7

Ngeina bangin a gamta lo mite in Lot a lungkhamsakna panun Pasian in mihoih Lot a honkhia hi.

2 PETER NIHNA 2:18

Amaute kiphasakin haipau uh a, a khial gamtat mite sung panin a suakta khin liailiai zo mite, leitung pumpi deih bangin a gamtat nadingun a zol uh hi.

Juda 1:4

Bang hang hiam cih leh Pasian’ thu a ngaihsun lo mi pawlkhat, eite lakah kuama phawk lohin hong lutsim uh a, amaute’ mawh gamtat ngamnate a seelna-un Pasian’ hehpihna thupha a lehlamin hei-in, eite in khat bek i neih i Mangpa le i Topa ahi Jesuh Khrih a nial uh hi. Hih bang mite’ gimthuak ding thu tanglai pekin Lai Siangtho in a gensa thu ahi hi.

Juda 1:7

Sodom khua le Gomorrah khua le a kiima om khuapi mite zong tua vantung mite mah bangin gamta uh a, numei tawh mawhnopna bek tham loin pasal le pasal kilunggulhna ciang dong nei uh ahih manin midangte’ etteh dingin tawntung meikuang a thuak uh hi.