2 PETER NIHNA 2:12 - Tedim Bible

¹² Ahi zongin mat ding le thah dingin a piang gamlak ganhing gilote bangin a pianpih lungsim uh zui-in gamta uh a, a theih loh uh thute a gensia uh hi. Tua ganhingte mah bangin amaute kisusia ding a,

Tedim Bible Revision 2017

¹² Ahi zongin mat ding le thah dingin a piang gamlak ganhing gilote bangin a pianpih lungsim uh zui-in gamta uh a, a theih loh uh thute a gen sia uh hi. Tua ganhingte mah bangin amaute kisusia dinga,

2 PETER NIHNA 2:12 Referans Kwoze

Juda 1:10

Ahi zongin hih mite in a theihtel loh uh thute simmawhbawl uh a, ganhing bangin a pianpih lungsim uh tawh gamta uh ahih manin siatna thuaklawh uh hi.

Jeremiah 12:3

Ahih hangin Topa aw, nangmah in kei nong thei hi. Ka gamtatnate nong mu a, nang ka hong itna thu na hong thei hi. Amaute pen gawh dingin a kikoih tuu bangin kaikhia inla, a kigawh ni hun ding a tun mateng tuamkoih in.

2 PETER NIHNA 2:19

Amaute pen siatna a piangsak thei zongsatna lelin sila hinapi-un mite tungah suahtak nading thu a gen uh hi. Bang hang hiam cih leh mite pen, a hong zo peuhpeuhte’ sila ihi hi.

Galati 6:8

Mi khatpeuh in ama leitung pumpi deihna khaici a vawh leh sihna ngah ding a, Kha Siangtho deihna khaici a vawh leh Kha Siangtho tung panin nuntak tawntungna ngah ding hi.

Late 92:6

Migilote, lopa bangin selkhia-in, siatna bawl khempeuh a pun’ mahmah hangun, a tawntungin siatna a thuak ding uh ahi hi. Ahih hangin Topa aw, nang pen a sangna-ah a omden na hihna thu, lungsimmawl mi in theithei lo a, lungsim tei lo mi in tel thei lo hi.

Jeremiah 10:21

Bang hang hiam cih leh makaite hai khin uh a, Topa’ deihna dong lo uh hi. Tua thu hangin amaute mapai lo uh a, a mite uh kithehthang mang hi.

Jeremiah 10:8

A mipilte uh mihai mimawl ahi uh hi. Sing milim in amaute bangci-in hilh thei mah ding ahi hiam?

Jeremiah 4:22

Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

Paunak 14:32

Migilo pa ama tatsiatna in puksak a, mihoih pa ama hoihtatna in hu hi.

2 PETER NIHNA 1:4

Amah in piak dingin a hong ciam a manpha mahmah nate hih bangzia-in hong pia a, hih ama hong piak nate hangin leitungah a om siatna a piangsak thei duhluatna le deihluatnate panin na suakta uh a, Pasian’ pianziate na nei uh hi.

Johan 8:21

Tua ciangin Jesuh in amaute kiangah, “Kei ka paikhia ding hi. Note in kei na hong zong ding uh a, ahi zongin na mawhna uh na sihpih ding uh hi. Ka paina-ah note na hong pai thei kei ding uh hi,” a ci hi.

Ezekiel 21:31

Note tungah ka hehna kong khah ding a, mei-am kuang hong bang ding hi. Mi thah a siam, migilote’ khut sungah note kong pia ding hi.

Jeremiah 5:4

Tua ciangin keimah in, “Hih mite mihai hi a, a hehpihhuai ahi hi. Topa’ lampi thei lo uh a, amau’ Pasian’ deihna a thei kei uh hi.

Late 94:8

Theitel un, mi lungsimmawl pente aw! Lung pillote aw, cik ciangin pil ding na hi uh hiam?

Late 49:10

Amah in a pilte nangawn a si mu ding a, a haite le a tei lote a kibangin sia-in, amau’ neihsa khempeuh midangte’ tungah nusiat uh hi.

Marka 7:22

huaihamna, gitlohna, khemna, gamtat hoih lohna, enna, mi gensiatna, kisialhna, le haitatna a piangsakthei ngaihsutna hoih lote khempeuh,

Kolose 2:22

Hih nate pen i nek, i zat khit ciangin a maimang hi lel a, mihingte’ bawltawm thuhilhna le ngeina hi lel hi.