2 PETER NIHNA 1:9 - Tedim Bible

⁹ Ahi zongin hih bang hoihna a nei lo mite pen mittaw-in a gamla a mu thei lo mite hi a, a mawhna lui uh panin a siangkhin ahihlam uh zong a mangngilh ta ahi uh hi.

Tedim Bible Revision 2017

⁹ Ahi zongin hih bang hoihna a nei lo mite pen mittaw-in a gamla a mu thei lo mite hi a, a mawhna lui uh panin a siang khin ahih lam uh zong a mangngilh ta ahi uh hi.

2 PETER NIHNA 1:9 Referans Kwoze

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawlkhat ihi a, ama Tapa Jesuh’ sisan in i mawhna khempeuh panin eite hong siangsak hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khrih in a piak ama sisan in na tam semkhia zozaw ding a, a nungta Pasian’ na i septheih nadingin bangmahin a kimang lo nasepna panin ama sisan in i lungsim hong siangsak ding hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

Efesa 5:26

Pawlpi pen paubaanna a om het lo, a siangtho mahmahin Khrih kiangah a kipiak theih nadingin Pasian thu tawh tui-ah a silsiang khit ciangin Pasian kiangah a aptheih nadingin pawlpi a dingin Khrih a kipia ahi hi.

ROM (Romans) 6:11

Tua mah bangin note zong Khrih Jesuh tawh kipawlin mawhna thu-ah si-in, Pasian’ thu-ah a nungta-in na kingaihsut ding uh ahi hi.

1 PETER MASA 3:21

Tui pen note a hong honkhia tuiphumna lim hi a, pumpi panin nin sawpkhiatna lim hi loin, Jesuh Khrih thawhkikna hangin lungsim siantho nadingin Pasian’ tungah kamciamna lim ahi hi. Tua Jesuh thawhkikna in note hong honkhia ahi hi.

Galati 5:13

Sanggamte aw, note ahihleh a suakta mi ahi dingin Pasian in a hong sap ahi hi. Ahi zongin tua suahtakna pen na pumpi uh ut bangbangin gamtat theih nadingin paulam zonna-in nei kei unla, itna tawh khatlekhat kikhualna-in zangzaw un.

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

Luka 18:22

Jesuh in hih thu a zak ciangin ama kiangah, “Na khat na kisam lai hi. Na neihsa khempeuh zuak inla, mizawngte tungah na sum khotte pia in. Tua hileh vantungah na hau ding hi. Tua khit ciangin ka nung hong zui in,” a ci hi.

Marka 10:21

Tua ciangin Jesuh in itna tawh tua mipa enin, “Na khat bek na kisam lai hi. Pai inla, na neih khempeuh na zuak khit ciangin mizawngte tungah na sumkhotte va pia in. Tua hileh vantungah sum na hau ding hi. Tua khit ciangin ka nung hong zui in,” a ci hi.

Mangmuhna 3:17

Note a zawng, a mittaw, puansilh ding a nei lo, a hehpihhuai, a lungkhamhuai na hih lamtak uh thei loin, kote hau-in ka cithei uh a, bangmah kisapna ka nei kei uh hi, na ci uh hi.

Siampi Laibu 13:55

Siampipa in tua natna a banna pen a kisawp khit ciangin vel ding hi. Tua natna a banna mun a mel a kikheel kei leh, a natna a kizelh loh hangin tua pen a nin mah ahi hi. Tua natna pen a sunglamah ahi a, a pualamah ahi zongin a baan leh mei sungah tua puan na hal ding uh hi.