2 PETER NIHNA 1:8 - Tedim Bible

⁸ Hih bang hoihnate a kicingin na neih uhleh i Topa Jesuh Khrih na theihna uhah thahatin kimanna na nei ding uh hi.

Tedim Bible Revision 2017

⁸ Hih bang hoihnate a kicingin na neih uh leh i Topa Jesu Khris na theihna uh ah thahatin kimanna na nei ding uh hi.

2 PETER NIHNA 1:8 Referans Kwoze

Titu 3:14

I mite ommawk loin, thu kisam a phamawhte huh thei-in, na hoih na phate a septheih nadingun na hilh in.

Kolose 3:16

Khrih thu a cingtakin note lungsimah hong om hen la, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte, le biakna late na sa un.

Johan 15:2

Amah in gah a nei lo ka hiang khempeuh satkhia a, gah a nei hiangte ahihleh a gah semsem theih nadingin a puah hi.

Hebru 6:12

Note thadah loin upna le lungduaina a nei mite bangin, Pasian’ hong ciamsa thu na ngah nadingun ka hong deihsak uh hi.

Filippi 1:9

Note a’ ding deihsakna tawh thu ka hong ngetsak thu in: Note’ lungsimah itna khang semsemin, a sia le a pha a mantakin khenthei-in a hoihpen na teeltheih nading uh ahi hi.

1 THESALONIKA MASA 4:1

Tu-in sanggamte aw, Pasian’ deihna le ama lungkim nadingin bangci nuntak ding cih thu kote kiang panin na theihsa uh thute tawh kizui-in na nuntaksa uh ahih mah bangin a kicingzaw semsemin na nuntak nadingun i Topa Jesuh min tawh hong thumin ka hong hanthawn uh hi.

1 KORIN MASA 15:58

Tua ahih ciangin ka hong it sanggamte aw, Topa’ hangin na nasepnate uh a mawkna hi ngei het lo hi, ci-in na theih uh mah bangin Topa a dingin a tawntungin na sem unla, ling hetloin lungsim kiptakin na om ta un.

2 PETER NIHNA 1:2

Pasian le i Topa Jesuh na theihna uh hangin hehpihna le nopsakna thupha note tungah tampi tak hong tung tahen.

Filemon 1:6

Thu umte ihihna hangin Khristian sungah eite i kikholh manin, Khrih hangin i nuntakna sungah i ngah thupha a hoih khempeuh na theihna a kicin semsem nadingin thu ka ngen hi.

2 THESALONIKA NIHNA 1:3

Sanggamte aw, note’ upna nakpitakin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

Filippi 2:5

Note in Jesuh Khrih lungsim puakzia na nei un. Tua lungsim puak zia in:

2 KORIN NIHNA 13:5

Thu um taktak mah ihi hiam, ci-in nomau mahmah na ki-entel ciat un. Na ki-ettelna uhah a cingtaak lo na hih kei nak-uhleh note sungah Khrih om ahih manin thu phawk un.

Kolose 2:7

Note tungah a hong kihilhsa bangin ama sungah zungthuk kha unla, ama deihna bangin nungta-in, na upna uhah khauh semsemin, lungdam takin om un.

2 KORIN NIHNA 9:14

Note tungah Pasian in hehpihna thupha a val a kanin hong piakna hangin amaute in note hong munuam mahmahin thu zong hong ngetsak ding uh hi.

2 KORIN NIHNA 8:2

Amaute in haksatna a tuamtuam phukha-in nakpitakin ze-etna thuakin, amaute zawng mahmah hita se le-uh lungdam mahmah uh ahih manin piakna lamsangah cingh thei mahmah uh hi.

1 TIMOTI MASA 5:13

Tua bek zong hi loin, bangmah sem loin inn khat pan inn khatah vak kawikawi-in a hun uh mawk beisak uh a, a vakmawk uh tawh maisak loin mi gensia kawikawi-in midangte va nawngkaisak uh a, a gen lohpi ding teng uh genin va nei uh hi.

1 THESALONIKA MASA 3:12

Kote in note ka hong it zahun, note khatlekhat na ki-itna uh le mi khempeuh na itna uh, hong liansak semsem tahen.

2 KORIN NIHNA 8:7

Note pen thu upna, thugenna, thutheihna, midang huh ding lawpna, le kote nong itna uh a kipanin na khempeuhah midang sangin ginazaw na hih mah bangun midang huh nading hih nasepna-ah zong na cingh mahmah ta un.

ROM (Romans) 12:11

Thadah kei unla, nakpitakin na sem un. Lawp mahmahna lungsim tawh Topa’ na sem un.

Johan 5:42

note’ lungsim sungah Pasian itna na neih hetlohna uh ka theihna hang hizaw hi.

Mattiu 25:26

a topa in, ‘A hoih lo, a thadah nasempa aw, ka sep loh ka bawl lohnapi-ah ka deihlam hong thei na hih leh,

Mattiu 20:6

Nitak nai nga ciangin mihon omna sumbukah a pai leh mi pawlkhat a mawk om mu ahih manin, ‘Bang hangin bangmah sem loin sunthapai mawk om na hi uh hiam?’ ci-in a dot ciangin

Mattiu 20:3

Zingsang nai kua hun ciangin mihon omna sumbukah pai leuleu a, mi pawlkhat bangmah sem loin a mawk om a muh ciangin,

Mattiu 13:22

Lingbulsum omna leilakah a tu khaicite pen Pasian’ thu za napi-in amau nuntakna sung uhah leitung lunghihmawhna le hauh nopnate in Pasian’ thu vuknelh ahih manin bangmah a suakkhia zo lote a cihnopna ahi hi.

Paunak 19:15

A thadahte lumlum a, a mawk omte a gil kial hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Filippi 3:8

Hih bang nate bek hi loin, ka Topa Jesuh Khrih ka theihna manphazaw lua sa ka hih manin na dang khempeuh ka sum ngamzaw lai hi. Khrih hangin na dang khempeuh ka nusia khin a, Khrih tawh ka kipawl theih nadingin na dang khempeuh ninneng bang lelin ka ngaihsun hi.

Kolose 1:10

Tua bang hileh Topa’ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasian’ thu na theihna uh hong khang semsem ding hi.

2 PETER NIHNA 1:3

Ama minthanna le a hoihnate a neikhawm dingin a hong sampa i theihna hangin Pasian’ deih bangin biakna mantak i nuntak theih nadingin ama vangliatna in eite’ kisap na khempeuh a hong pia hi.

2 PETER NIHNA 2:20

I Topa le Honpa Jesuh Khrih theihna hangin leitung siatna sung panin suakta khin napi-un, leitung siatna-ah awk kikin a lelte pen, a masa a pianzia uh sangin a nunung a pianzia uh siahuaizaw hi.

2 PETER NIHNA 3:18

Hehpihna thu le i Topa le Honpa Jesuh Khrih theihna thu-ah na khangto semsem zaw un. Tuhun a kipanin a tawntungin amah in minthanna ngah paisuak tahen. Amen.