2 PETER NIHNA 1:5 - Tedim Bible

⁵ Hih thu hangin na upna ban uhah gamtat hoihna na behlap unla, na gamtat hoihna uh thutheihna tawh na behlap un;

Tedim Bible Revision 2017

⁵ Hih thu hangin na upna ban uh ah gamtat hoihna na behlap unla, na gamtat hoihna uh thutheihna tawh na behlap un;

2 PETER NIHNA 1:5 Referans Kwoze

Filippi 4:8

Sanggamte aw, a tawpna-ah ka hong gennop thu in, a hoih le a phattaak thute tawh na lungsim uh na kidimsak un. Tuate in: A man, a dik, a tang, a siangtho, a deihhuai, le a pahtakhuai thute ahi hi.

Paunak 4:23

Na lungsim ngaihsutnate nuntakna nak hi a, na neihsa a manpha pen bangin na kep ding ahi hi.

2 PETER NIHNA 3:18

Hehpihna thu le i Topa le Honpa Jesuh Khrih theihna thu-ah na khangto semsem zaw un. Tuhun a kipanin a tawntungin amah in minthanna ngah paisuak tahen. Amen.

2 PETER NIHNA 1:10

Tua ahih manin sanggamte aw, Pasian in note hong sapna le hong teelna-ah a kip taktak na hih nadingun hahkat mahmah un. Tua bangin hahkat le-uhcin na puk ngei kei ding uh hi.

Hebru 6:11

Note khat ciat’ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

Filippi 1:9

Note a’ ding deihsakna tawh thu ka hong ngetsak thu in: Note’ lungsimah itna khang semsemin, a sia le a pha a mantakin khenthei-in a hoihpen na teeltheih nading uh ahi hi.

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasian’ muhna-ah paubaanna om hetloin amah tawh nuamtakin na omkhawm theih nadingun hanciam un.

Hebru 11:6

Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.

Efesa 5:17

Tua ahih manin hai ommawk kei unla, Topa in bang a sem dingin hong deih ahi hiam, ci-in kan un.

Isaiah 55:2

An ahi lo nate lei nadingin bang hangin na sum uh zang a, hong gilvahsak thei lo nate ngah nadingin bang hangin na sem na hi uh hiam? Keima thu limtakin ngai-in a limci an ne unla, anlimte ah nuamsa-in om un.

Filippi 2:12

Tua ahih ciangin ka hong it sanggamte aw, note tawh ka hong omkhawm lai-in ka thu na hong man’ tawntung uh mah bangin, tu-in note tawh ka hong omkhawm loh hun ciangin zong ka thu na hong man’ ding uh thupizaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Late 119:4

Nangma thuhilhte limtakin zuih dingin thu nong pia hi.

Kolose 2:3

Khrih pen Pasian’ pilna le a thuthuk khempeuh a kitheihtheih nading ahi hi.

Johan 6:27

A ningthei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong sehsa ahih manin keimah in note tungah nuntak tawntungna an ka hong pia ding hi,” ci-in a dawng hi.

Luka 24:21

Amah pen Israel mite a honkhia ding pa hi, ci-in ka lamet uh ahi hi. Tua bang hinapi-in hih thuteng hong piang a, tu-in a thu pianzawh a ni thumna hita hi.

Kolose 1:9

Tua bangin note’ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasian’ deihna na theihtheih nadingun ka hong ngetsak uh hi.

1 PETER MASA 3:7

Tua mah bangin pasalte aw, note sangin na zite uh a thahat lo zawdeuh ahihna thu na phawk un. Note mah bangin Pasian’ piak nuntakna a ngahte ahih uh manin na zite uh zahtak bawl un. Tua hileh na thungetna uh bangmah in hong nawngkaisak lo ding hi.

Hebru 12:15

Pasian’ hehpihna a ngahlah na hihkhak loh nadingun na kidawm un. Zungkha a nei singkung hong khangin mi tampi gimsakin a siatsak bangin mite a siasak na hihkhak loh nadingun na kidawm un.

1 KORIN MASA 14:20

Sanggamte aw, na thu ngaihsutnate uhah naupang bang kei un. Gitlohna lamah naupang bang unla, ahi zongin thu ngaihsutna-ah a khangham hi ta un.

Luka 16:26

Tua tham loin, i kikalah kuam thukpi khat om a, hih lai panin nang kiangah hong pai nuamte kuamah pai zo lo a, nangma omna panin hih lai-ah zong kuamah hong pai zo lo hi,’ ci-in a dawng hi.

Zekhariah 6:15

Gamlapi-a a teng mite hong pai-in Topa’ innlam nasep hong huh ding uh hi. Tua biakinn a kilamkik ciangin Vanglian Topa in note kiangah kei a hong sawl ahihna thu na thei ding uh hi. Topa na Pasian uh’ thupiaknate cingtakin na zuih nak-uhleh tu-a ka gen bangin a hong piang ding ahi hi.

2 PETER NIHNA 1:11

Tua hileh eite’ Topa le Honpa Jesuh Khrih Uk tawntungna sungah nuamtakin na lut thei ding uh hi.

Joshua 7:3

Amaute Joshua kiangah hong ciahkikin ama kiangah, “Mi khempeuh kuantosak kei inla, mi tulnih ahi a, tulthum ahi zongin kuantosakin Ai khua simsak in. Amaute mi tawmno khat ahih manin tua lai-ah mi khempeuh gimtosak kei in,” a ci uh hi.