2 PETER NIHNA 1:12 - Tedim Bible

¹² Tua ahih manin note in hih thute thei khinin, na theihsa uh thumanah kiptakin na omkhin uh ahi zongin a hong phawksakkikkik ka hi hi.

Tedim Bible Revision 2017

¹² Tua ahih manin note in hih thute thei khinin, na theih sa uh thuman ah kip takin na om khin uh ahi zongin a hong phawksak kikkik ka hi hi.

2 PETER NIHNA 1:12 Referans Kwoze

1 JOHAN MASA 2:21

Tua ahih manin note kiangah lai ka hong gelhna pen note in a man na theih lohna hang uh hi loin, note in a man thei-in, zuauthu pen thuman panin hong piang ngei lo hi, ci-in zong na theihna uh hangin a hong gelh ka hizaw hi.

Filippi 3:1

A tawpna-ah, sanggamte aw, Topa in note tungah lungdamna hong tungsak tahen. Ka hong gelhsa thute ka hong gelhkik ding cimtakhuai ka sa kei a, note a dingin lungmuanhuai zaw lai hi.

Kolose 2:7

Note tungah a hong kihilhsa bangin ama sungah zungthuk kha unla, ama deihna bangin nungta-in, na upna uhah khauh semsemin, lungdam takin om un.

Juda 1:5

Note in na theihsa uh ahi ta zongin ka hong phawksak nop thu in: Topa in Egypt gam panin Israel mite honkhia khin napi-in amah a um lo mite a nung ciangin susiagawp hi.

2 JOHAN NIHNA 1:2

Thuman thei ihih manin a tawntungin tua thu-ah i kip ding hi.

2 PETER NIHNA 1:13

Ka nuntak laiteng hih thute ka hong phawksakkikkik ding thuhoih khat hi, ci-in ka ngaihsun hi.

Juda 1:17

Ahi zongin ka itte aw, i Topa Jesuh Khrih’ sawltakte in note tungah hong gensa thute na phawk un.

Juda 1:3

Ka itte aw, eite in i ngahkhawm hotkhiatna thu, note kiangah gelh nuam mahmahin ka om laitakin Pasian in ama mite tungah a tawntungin a kimang dingin khatvei bek a hong piak upna thu-ah note in na nawksuak nadingun hanthotna gelh ding a kisapna thu ka phawk hi.

2 PETER NIHNA 3:17

Tua ahih ciangin ka itte aw, hih thute theikhol unla, ngeina man zui lo mite’ khemna zuikha-in na bulkip panun na pukkhak loh nadingun na kidawm un.

2 PETER NIHNA 3:1

Ka itte aw, hih ka hong laigelh a nihveina hi a, lungsim siangtak tawh thu na ngaihsut phatkik theih nadingun a nihvei mahin ka hong phawksakkik hi.

2 PETER NIHNA 1:15

Tua ahih manin ka sih khit ciangin hih thute na phawkkik kik theih nadingun ka hihtheih zahin ka hanciam ding hi.

1 PETER MASA 5:12

Thu upna sungah mi citakin ka ngaihsut Silas’ huhna tawh hih lai tomno gelhin amah ka hong puasak hi. Hih thute pen Pasian’ hong hehpihna taktak hi, ci-in teci pangin note ka hong hanthawn hi. Tua ahih manin hih thute-ah kipin om un.

1 PETER MASA 5:10

Tawlkhat na thuak khit uh ciangin, Khrih tawh na kipawlna hangun tawntung minthanna a ngah dingin note a hong sam, hehpihna kicingin a nei Pasian in note a cingtaakin hong bawl ding a, kipna, thahatna, bulkip kician hong pia ding hi.

Hebru 13:9

Thuhilhna lamdang a tuamtuamte zui-in lam man panin pialkha kei un. A zui mite tungah bangmah phattuamna a piangsak thei lo annek tuidawn tawh kisai ngeina zuihna in thahatna hong pia thei lo a, Pasian’ hehpihna bek in i lungsim hong thahatsak thei hi.

Hebru 10:32

A beisa hun a note tungah thupiangte phawkkik un. Pasian’ khuavak sungah na om khit uh ciangin haksatna tampi thuak napi-in tuate na lel kei uh hi.

2 TIMOTI NIHNA 1:6

Tua ahih manin nang tungah ka khut nga-in thu ka hong ngetsak lai-in nangma tungah Pasian in hong piak siamna na sosuah nadingin ka hong phawksak hi.

1 TIMOTI MASA 4:6

Nang in na zuihsa upna thu le thuhilhna man na zuih kawmin hih ka hong thugente, i sanggamte kiangah na gen nakleh Khrih Jesuh’ nasem a hoih khat na hi ding hi.

Sawltak 16:5

Tua ahih manin pawlpi mite a upna uhah kip semsemin, a nini-in mi a kibehlaplap hi.

Kolose 1:5

Thu dang na zakma un, lungdamna thuman taktak na zak uh ciangin lametna na nei uh hi. Note a dingin vantungah a hong kikoihsak tua lametna hangin note in muanna le itna a nei na hi uh hi.