2 PETER NIHNA 1:1 - Tedim Bible

¹ Jesuh Khrih nasem le sawltak ahi keimah Simon Peter in: Eite’ Pasian le Honpa ahi Jesuh Khrih a thumanna hangin kote’ upna zah mahin upna manpha a nei mite tungah lai ka hong khak hi.

Tedim Bible Revision 2017

¹ Jesu Khris nasem le sawltak ahi keimah Simon Peter in: Eiteʼ Pasian le Honpa ahi Jesu Khris a thumanna hangin koteʼ upna zah mahin upna manpha a nei mite tungah lai ka hong khak hi.

2 PETER NIHNA 1:1 Referans Kwoze

Titu 1:4

Thu upna-ah ka ta taktak ahi Titus tungah lai ka hong khak hi. Pa Pasian le eite hong Hon Khrih Jesuh in nangma tungah hehpihna le nopsakna thupha hong tungsak tahen.

2 KORIN NIHNA 4:13

Lai Siangtho in, “Um ka hih manin ka gen hi,” a cih mah bangin kote in zong um ka hih uh manin a gen ka hi uh hi.

Johan 12:26

Ka nasemte keima omna-ah a omtheih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

ROM (Romans) 1:12

Tua bang ka cih ciangin kei’ upna in note hong thakhauh sakin, note’ upna in zong kei hong thakhauh sakin, phattuamna i ngah tuak theih nading ka deihna ahi hi.

2 PETER NIHNA 1:4

Amah in piak dingin a hong ciam a manpha mahmah nate hih bangzia-in hong pia a, hih ama hong piak nate hangin leitungah a om siatna a piangsak thei duhluatna le deihluatnate panin na suakta uh a, Pasian’ pianziate na nei uh hi.

1 PETER MASA 1:1

Jesuh Khrih sawltak keimah Peter in Pontas gam, Galatia gam, Kappadosia gam, Asia gam, le Bithynia gamah kithehthangin peemta-in a om mite kiangah lai ka hong khak hi.

Efesa 4:11

Amah in mite tungah siamna a tuamtuam hong pia a, pawlkhatte sawltak nasep a sem ding, pawlkhatte kamsang nasep a sem ding, pawlkhatte thuhilh kawikawi nasep a sem ding, pawlkhatte pawlpi kem nasep a sem ding, le pawlkhatte laihilh nasep a sem dingin a hong seh hi.

ROM (Romans) 1:1

Pasian kiang panin a hong pai Lungdamna Thu a hilh dingin Pasian’ teelna tawh sawltak ahi, Jesuh Khrih’ sila keimah Paul in lai ka hong khak hi.

Luka 1:47

hong Hon Pasian’ hangin ka nuam mahmah hi.

1 PETER MASA 5:1

Keima pumpi mahmah zong pawlpi upa hi-in, Khrih thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:

2 TIMOTI NIHNA 1:5

Na pi Lois le na nu Eunis in a neih upna bangte pawl mah, lungsim takpi tawh na upna thu ka phawk a, tu-in zong nang sungah tua bang upna om hi, ci-in ka ngaihsun hi.

Filippi 3:9

Khrih tawh kiptakin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in, Jesuh Khrih upna hangin Pasian in a hong piak diksakna ka ngah a, tua pen upna siksanin a hong kipia ahi hi.

Sawltak 15:14

Pasian in Gentail mite lak panin ama mi dingin mi pawlkhat a lakna tawh Gentail mite a kin ahih lamtak a hong lahna thu, Simon’ genna i za zo hi.

Mattiu 10:2

Tua sawltak sawm le nihte’ min in: A masa-in Simon (Peter zong a kici pa) le a naupa Andru, Zebedi’ tapa James le a naupa Johan,

1 PETER MASA 2:7

Tua ahih manin no a um mite a dingin amah pen a manpha suang hi a, ahi zongin amah a um lote a dingin, “Innlamte in a nilkhiat suang, innkiu suang bulpi a suak khinta hi,”

1 PETER MASA 1:7

Hih bang thuaknate in a um takpi mah na hihna uh hong kilangsak hi. A siathei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manphazaw note’ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuakzawh uhleh Khrih hong kilat Ni ciangin phatna, minthanna, le pahtawina na ngah ding uh hi.

Titu 1:1

Pasian’ sila, le Jesuh Khrih’ sawltak ahi keimah Paul in, Thuzuau a gen ngei lo Pasian in tangtawng pekin thu hong ciamin, a hunhoih a tun ciangin thuhilhna tawh a hong kilatsak nuntak tawntungna thu lametna tawh, Pasian’ teel mite’ upna le thuman thutak a theihna uhah biakna thu tawh kituakin a khan semsem nading thu a hilh dingin eite hong Hon Pasian’ thupiakna tawh nasep hong kipia ahih manin,

Filippi 1:29

Bang hang hiam cih leh Khrih’ na sep nading hunpha zong note tungah a hong kipia hi a, Khrih upna tawh ama na a sem hi bek loin, thuakna tawh zong a sem ding na hi uh hi.

Efesa 4:5

Topa khat bek, upna khat bek, tuiphumna khat bek mah a zangkhawm ihi hi.

Efesa 3:5

A beisa hunah tua thusim pen kuama tungah kigen lo a, ahi zongin Pasian in tu-in a siangtho a sawltakte le a kamsangte tungah Kha Siangtho a hilhsak hi.

Galati 2:8

Bang hang hiam cih leh Jew mite lakah sawltak nasep a sem dingin Peter a koih mah bangin Gentail mite lakah sawltak nasep a sem dingin Pasian in kei a hong koih hi.

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

1 KORIN MASA 15:9

Bang hang hiam cih leh kei pen Pasian’ pawlpi a bawlsia mipa ka hih manin sawltak cih dingin zong a kilawm lo zah dongin sawltakte lakah a neupen ka hi hi.

1 KORIN MASA 9:1

Kei pen sawltak ka hi a, mihingte’ khutnuai-a nasem ka hi kei hi. I Topa Jesuh tawh a kimu mi ka hi a, Topa a dingin na ka sepna hangin note pen thu um a suak na hi uh hi.

1 KORIN MASA 1:30

Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh i kipawl theihna, Pasian’ mi siangtho suakin, hotkhiatna i ngah theihna ahi hi.

ROM (Romans) 1:17

Lai Siangtho sungah, “Pasian a upna hangin amah tawh pawlkhat ahi mite nungta ding hi,” ci-in a kigelh mah bangin Pasian in amah tawh a kipawl theih nadingin mite a bawlna zia, lungdamna thu in hong kilangsak hi. Tua pen, a patna panin a tawp dongin upna hang bek tawh ahihna thu hong laktel hi.

Johan 20:21

Tua ciangin Jesuh in amaute kiangah, “Note in nopna ngah ta un. Pa in kei a hong sawl bangin note zong ka hong sawl hi,” ci-in a vaikhak leuleu hi.

Johan 1:42

Tua ciangin Jesuh kiangah a u Simon a paipih hi. Jesuh in amah enin, “Nang pen Johan’ tapa Simon na hi hi. Tu a kipanin Sifas hong kici ding hi,” a ci hi. Sifas pen Peter tawh a kibang hi a, suangtum a cihna ahi hi.

Luka 11:49

Tua thu hangin Pasian’ Pilna a kici laibu sungah, ‘Amaute kiangah kamsangte le sawltakte ka sawl ding a, amaute in tua mite pawlkhat bawlsia-in na that ding uh hi,’ ci-in kigelh hi.

Mattiu 4:18

Galilee Tuili gei-ah Jesuh a pai laitakin ngabeng Peter a kici Simon le a nau Andru, ngen tawh nga khuhin a om a mu hi.

Jeremiah 33:16

Tua ni ciangin Judah mite kihonkhia ding a, Israel mite lungmuang takin a teng ding uh hi. Amah a kisap nadingin a min ‘Topa, Eite’ Diktanna,’ ci-in a kiphuak ding hi.

Isaiah 12:2

En in, Pasian pen kei a hong honkhia pa ahi hi. Amah ka muang ding a, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong honkhia pa ahi hi,” a cih hun uh hong tung ding hi.

Filippi 1:1

Jesuh Khrih’ sila keimah Paul le Timoti in Filippi khua-a om Khrih tawh a kipawl Pasian’ mite, siate, le upate khempeuh tungah lai ka hong khak uh hi.

Jeim 1:1

Pasian le Topa Jesuh Khrih sila keimah James in Leitung mun khempeuhah kithehthangin a om minam sawm le nihte tungah hopihna lai ka hong gelh hi.

Juda 1:1

Jesuh Khrih’ sila ka hih banah James’ nau keimah Jude in: Pasian’ sapna hangin Jesuh Khrih kepna sungah Pasian itna tawh a om mite tungah lai ka hong khak hi.