2 KUMPI NIHNATE 4:4 - Tedim Bible

⁴ Tua ciangin sungtumin, nang le na tapate kong kikhaknelh unla, hih beelte khempeuh sungah sung in. Beel khat a dim simin tuamkoih pahpah in,” a ci hi.

Tedim Bible Revision 2017

⁴ Tua ciangin sung tumin, nang le na tapate kong kikhaknelh unla, hih beelte khempeuh sungah sung in. Beel khat a dim simin tuam koih pahpah in,” a ci hi.

2 KUMPI NIHNATE 4:4 Referans Kwoze

Mattiu 6:6

Ahi zongin thu na nget uh ciangin na innsung uhah tumin kong khak unla, na muh theih loh uh na Pa uh kiangah na ngen un. Tua hileh kuama muh lohin na gamtatna uh a hong mu na Pa un note’ tungah thaman hong pia ding hi.

Efesa 3:20

Eite a dingin na a hong sepsak, eite’ ngetzah val, le i ngaihsut zawh loh zah dongin a vangliatna tawh tampi tak a hong hihsak thei

Sawltak 9:40

Peter in innsung panin amaute khempeuh a pusuahsak khit ciangin khukdinin thu a ngen hi. Tua ciangin misi nu lamah kihei a, “Tabitha aw, tho in,” a cih ciangin a mit hong hak a, Peter a muh ciangin a tuto hi.

Johan 6:11

Jesuh in anlum la-in Pasian tungah lungdamna a kohkhit ciangin mihon a tute lakah a hawm hi. Tua mah bangin ngasa zong hih a, mi khempeuh in a duh zahzah uh a ne ciat uh hi.

Marka 5:40

Amaute in Jesuh zahpih bawlin nuihsan uh ahih manin Jesuh in amaute khempeuh pusuaksak a, numeino’ pa le a nu, le a nungzui thumte tawh, numeino’ lupna inndei-ah a pai uh hi.

Isaiah 26:20

Ka mite aw, hong pai-in na innsung uhah tum unla, na kongte uh khak un. Hehna a dam matengin tawlkhat sung bu un.

2 KUMPI NIHNATE 4:3

Tua ciangin amah in, “A pua-ah paikhia inla, beel hawm a tawm lua lo, na vengte khempeuh’ beel va kawm in.

2 KUMPI NIHNATE 4:5

Tua ahih ciangin ama kiang panin tua numei paikhia-in amah le a tapate kong kikhaknelh uh hi. Amah in a sun’ laitakin a tapate in ama kiangah a beelte paipih uh hi.