2 KUMPI NIHNATE 3:4 - Tedim Bible

⁴ Moab kumpipa Mesha pen tuu khawi pa ahi hi. Amah in Israel kumpipa tungah kum simin tuuno tul zakhat, le tuutal tul zakhat’ mul a piak ding ahi hi.

Tedim Bible Revision 2017

⁴ Moab kumpipa Mesha pen tuu khawi pa ahi hi. Amah in Israel kumpipa tungah kum simin tuuno tul za khat le tuutal tul za khatʼ mul a piak ding ahi hi.

2 KUMPI NIHNATE 3:4 Referans Kwoze

2 SAMUEL NIHNA 8:2

Tua ciangin amah in Moab mite zo a, amaute khauzang khat tawh tehin, leilakah amaute lumsak hi. Amah in thah dingin gual nih le khah dingin gual khat dim a teh hi. Tua ciangin Moab mite David’ khutnuai mite suakin siah a puak uh hi.

Late 60:8

Moab gam ka kisilna kuang hi a, ka neihsa hi cih lahna limin Edom gam tungah ka khedap ka lawn a, Filistia gam tungah gualzawhna tawh ka awng hi,” a ci hi.

JOB (Job) 42:12

Tua tham loin Topa in Job’ nuntakna a masa lam sangin a nunung lamah thupha limpiak zaw hi. Job in tuu tul sawm le tulli, kalaoh tulguk, bawngtal kap tulkhat, le la a pi tulkhat a nei hi.

JOB (Job) 1:3

Amah in tuu tulsagih, kalaoh tulthum, bawngtal kap zanga, lapi zanga le nasem tampi tak a nei hi. Tua ahih manin nisuahna gam sungah Job a haupen khat ahi hi.

2 KHANG TANGTHU NIHNATE 26:10

Tua ciangin amah in gamlakah tausangte lam a, Shefelah le zanglei-ah ganhon tampi nei ahih manin tuikhuk tampi to a, lei nasep uuk ahih manin mualtung le lei hoihna gamte-ah lokhote le leenggui puahte a nei hi.

1 KHANG TANGTHU MASATE 18:2

Tua ciangin amah in Moab mite zo a, Moab mite David’ nasem suakin siah hong puak uh hi.

Piancilna 13:2

Abram in ganhing, ngun, le kham hau mahmah hi.

2 SAMUEL NIHNA 8:6

Tua ciangin David in Damaskas gam Aram-ah khuacingte a koih hi. Syria mite David’ nasem suak uh a, siah a puak uh hi. Topa in David a paina peuhpeuhah gualzawhna a pia hi.