2 KUMPI NIHNATE 2:2 - Tedim Bible

² Elijah in Elisha kiangah, “Hih lai-ah khawl in, kong thum hi; bang hang hiam cih leh Topa in Bethel ciang dong kei hong sawl hi,” a ci hi. Ahih hangin Elisha in, “Topa nungta a, nangmahmah na nuntak mah bangin, nang kong nusia ngei kei ding hi,” a ci hi. Tua ahih ciangin amaute Bethel dongah paisuak uh hi.

Tedim Bible Revision 2017

² Elijah in Elisha kiangah, “Hih lai ah khawl in, kong thum hi; bang hang hiam cih leh Topa in Bethel ciang dong kei hong sawl hi,” a ci hi. Ahih hangin Elisha in, “Topa nungta a, nang mahmah na nuntak mah bangin, nang kong nusia ngei kei ding hi,” a ci hi. Tua ahih ciangin amaute Bethel dongah paisuak uh hi.

2 KUMPI NIHNATE 2:2 Referans Kwoze

2 KUMPI NIHNATE 2:6

Tua ciangin Elijah in ama kiangah, “Hih lai-ah khawl in, kong thum hi; bang hang hiam cih leh Topa in Jordan-ah kei hong sawl hi,” a ci hi. Ahih hangin amah in, “Topa nungta a, nangmahmah na nuntak mah bangin, nang kong nusia ngei kei ding hi,” a ci hi. Tua ahih ciangin amaute a nihun pai lai uh hi.

2 KUMPI NIHNATE 4:30

Tua ciangin naupang’ nu in, “Topa nungta a, nangmahmah na nuntak mah bangin, nang kong nusia kei ding hi,” a ci hi. Tua ahih ciangin amah dingin tua nu a zui hi.

2 KUMPI NIHNATE 2:4

Tua ciangin Elijah in Elisha kiangah, “Elisha aw, hih lai-ah khawl in, kong thum hi; bang hang hiam cih leh Topa in Jerikho-ah kei hong sawl hi,” a ci hi. Ahih hangin amah in, “Topa nungta a, nangmahmah na nuntak mah bangin, nang kong nusia ngei kei ding hi,” a ci hi. Tua ahih ciangin Jerikho-ah amaute tung uh hi.

1 SAMUEL MASA 1:26

Tua nu in, “Aw ka topa! Nangmah, a nungta na hih mah bangin ka topa aw, keimah in Topa’ tungah thu ngenin nangma omna hih lai munah a ding nu ka hi hi.

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak-uhleh gam khempeuh in thupha ka piak ding hong ngen ding uh a, kei’ sungah amaute a lungdam ding uh hi,” a ci hi.

1 KUMPI MASATE 12:33

A kha giatna a ni sawm le nga ni, ama deih kha sungin Bethel-a ama bawlsa biakna tau-ah amah paito hi. Amah in Israel mite a dingin pawi khat kipsak a, paknamtui hal dingin biakna tau-ah a paito hi.

1 SAMUEL MASA 25:26

Tua ahih ciangin tu-in, ka topa aw, Topa nungta-in, nang zong na nuntak mah bangin, mi na thahloh nading le nangma khut tawh thukkikna na hihloh nadingin Topa in nang hong kho ahih manin, tu-in na galte le nangma tungah siat nading a zongte khempeuh Nabal bang tahen.

Piancilna 28:19

Amah in tua mun Bethel ci hi. Ahih hangin a masa-in tua khua min pen Luz ahi hi.

1 JOHAN MASA 2:19

Khrih’ gal ahi hih mite pen ei’ pawl hi ngei napi-in hong taisan uh hi. Ei’ pawl taktak hileh eite tawh omkhawm paisuak ding uh ahih manin, tu-in amaute paikhia uh ahih ciangin ei’ pawl taktak ahihlohna uh hong kilang hi.

1 KUMPI MASATE 12:29

Amah in Bethel-ah khat koihin, Dan-ah adang khat a koih hi.

1 SAMUEL MASA 17:55

Filistia-pa do-in David a kuankhiatna Saul in a muh ciangin galkap mangpa Abner kiangah, “Abner aw, hih tangvalpa kua’ tapa ahi hiam?” a ci hi. Abner in, “Kumpipa aw, ka thei kei hi,” a ci hi.

1 KUMPI MASATE 12:28

Tua ahih ciangin kumpipa in thu kikupna khat bawl a, tua ciangin kham bawngno nih bawl hi. Tua ciangin amah in mite kiangah, “Jerusalem-ah sauvei khop na pai khinta uh hi. Israel mite aw, Egypt leitang panin note hong paikhiatpih na pasian-te uh en un,” a ci hi.

2 KUMPI NIHNATE 2:23

Amah tua lai panin Bethel-ah paito hi. Lampi-ah a paitoh laitakin khuapi panin naupangneu pawlkhat hong paikhia-in amah zahko uh a, “Paito in, nang lukolh pa” a ci uh hi.