2 KUMPI NIHNATE 1:2 - Tedim Bible

² Samaria-a a inndei tungnung innliim panin Ahaziah kia-in a liam hi. Tua ahih ciangin amah in kamtaite sawlin amaute kiangah, “Pai un, hih natna panin ka damkikzo ding hiam cih thu Ekron pasian, Baalzebub kiangah va dong un,” a ci hi.

Tedim Bible Revision 2017

² Samaria-a a inn dei tungnung innliim panin Ahaziah kia-in a liam hi. Tua ahih ciangin amah in kamtaite sawlin amaute kiangah, “Pai un, hih natna panin ka damkik zo ding hiam cih thu Ekron pasian, Baal-zebub kiangah va dong un,” a ci hi.

2 KUMPI NIHNATE 1:2 Referans Kwoze

2 KUMPI NIHNATE 1:16

tua ciangin ama kiangah, “Topa in hih bangin ci hi: ‘Nangmah in Ekron pasian, Baalzebub kiangah thu a dong dingin kamtaite na sawl khin hi. Thudot nading Israel sungah Pasian om nawn lo ahi hiam? Tua ahih ciangin tu-a na liamna panin nang na damkikzo nawn kei ding a, na si taktak ding hi,’ ci hi,” a ci hi.

Marka 3:22

Jerusalem khua pan a hong pai Thukham hilh siate pawlkhat in, “Hih pa sungah Beelzebul lut hi. Dawimangpa in ama tungah dawi hawlkhiat theih nading vangliatna pia hi,” a ci uh hi.

Mattiu 10:25

Tua ahih manin sang naupangte pen a siapa uh tawh a kibat uhleh a lungkim ding uh hi a, silate pen a tote uh tawh a kibat uhleh a lungkim ding uh ahi hi. Innteek lutang pa pen Beelzebul hong ci uh ahihleh a innkuanpih mite tua sangin min siazaw tawh hong kozaw lai ding uh hi lo ahi hiam?

Isaiah 37:19

amaute’ pasian-te pen meikhuk sungah paihsak khin hi. Bang hang hiam cih leh tuate pen pasian hi loin mite’ khut tawh a kibawl sing le suangte ahi uh hi. Tua ahih ciangin tuate kisusia hi.

Luka 11:15

Ahi zongin mi pawlkhat in, “Dawimangpa Beelzebul in dawi hawlkhiat theih nading vangliatna ama tungah a pia ahi hi,” a ci uh hi.

Isaiah 37:12

Ka pu ka pate un a suksiat minamte, Gozan minam, Haran minam, Rezef minamte, le Telassar khua-a om Eden mite pen amau’ pasian-te in honkhiazo ahi hiam?

2 KUMPI NIHNATE 1:6

Tua ciangin amaute in ama kiangah, “Kote a dawn dingin mi khat hong pai-in kote kiangah, ‘Note hong sawl kumpipa kiangah paikik unla, Topa in hih bangin ci hi: Ekron pasian, Baalzebub kiangah thu a dong dingin mi na sawl nadingin Israel sungah Pasian om nawn lo ahi hiam? Tua ahih ciangin tu-a na liamna panin na damkikzo nawn kei ding a, na si taktak ding hi,’ hong ci hi,” a ci uh hi.

2 KUMPI NIHNATE 1:3

Ahih hangin Topa’ vantungmi in Tishbe mi Elijah kiangah, “Ding in, Samaria kumpipa’ kamtaite a dawn dingin paito-in amaute kiangah, ‘Ekron pasian, Baalzebub kiangah thu a dong dingin na pai nadingun Israel sungah Pasian om nawn lo ahi hiam?’ ci in.

1 KUMPI MASATE 11:33

Bang hang hiam cih leh amah in kei hong nusia a, Sidon mite’ nusian Ashtoreth, Moab pasian Khemosh, le Ammon mite’ pasian Milkom bia-in, a pa David bangin keima muhna-ah a manin gamtatna le ka thukhamte le ka ngeina kipte zui loin ka thu hong nial hi.

Sawltak 20:9

Tawlet gei-ah Eutikhas a kici tangval khat tu a, Paul in a thugen zomzom ahih manin tua tangvalpa a ihmut suakin lusu a, a sawtna ciangin ihmusip kha-in inn dawl thumna panin leilakah a kiasuk hi. Amaute in a va phot uh ciangin amah na si khinta hi.

Solomon la 2:9

Ka ngaihno sanang tawh kibang a, sakhitalno tawh zong a kibang hi. Ka inn pualam uhah ding a, tawlet-ah hong dak zialin kawmvang panin hong en giau hi.

JOB (Job) 31:3

A man loin a gamtate tungah siatna le gimna a tungsak hi.

1 KUMPI MASATE 22:34

Ahih hangin mi khat in a thal mawk lot a, a galhiam awmdal thep kikalah lutin Israel kumpipa kha hi. Tua ahih ciangin amah in a leeng hawlpa kiangah, “Kei liam ka hih manin hong kihei inla, gal sung panin hong puakhia in,” a ci hi.

1 KUMPI MASATE 14:3

Anlum sawm, moh pawlkhat, khuaizu thawl khat keng inla ama kiangah va pai in. Naupang tungah a piang ding thu amah in nang kiangah hong gen ding hi,” a ci hi.

1 SAMUEL MASA 5:10

Tua ahih ciangin amaute in Pasian’ Thuciamna Singkuang Ekron-ah puak uh hi. Ahih hangin Pasian’ Thuciamna Singkuang Ekron a tun ciangin Ekron mite kiko uh a, “Kote le ka mite uh a that dingin amaute in Israel-te’ Pasian’ Thuciamna Singkuang ko kiangah hong paipih uh hi,” a ci uh hi.

Thukhente 11:24

Na pasian Khemosh in na neih dinga hong piakte kem peuh in. Kote ahihleh Topa ka Pasian un kote’ mai-ah a suankhiatte ka tang ding uh hi.

Thukhente 5:28

“Tawlet panin Sisera’ nu khuadak a, a kikalh simsiam kawm panin Sisera’ nu khuadak hi: ‘Bang hangin a leeng hong ciah ding hih tanvei sawt ahi hiam? A leeng khegingte bang hangin hici zekai ahi hiam?’ a ci hi.

Isaiah 2:6

Amaute pen nisuahna lam gam a om khongkhaite le Filistia mite bangin aisante tawh kidim uh a, gamdang mite’ ngeina zui uh ahih manin Jakob suanlekhak, na mite nang na nial hi.

Joshua 15:11

Ekron leilu lam mual liangko-ah a gamgi paikhia a, tua ciangin Shikkeron-ah gamgi kawi kualin, Baalah Mual-ah paisuak a, Jabneel-ah lengkhia-in tuipi-ah a gamgi tawp hi.

1 KUMPI MASATE 22:40

Tua bangin Ahab si a, ama tangin a tapa Ahaziah in uk hi.

2 KUMPI NIHNATE 17:16

Amaute in Topa a Pasian uh thupiakte khempeuh nusia-in amau a dingin a kisung bawngno lim nih bawl uh hi. Amaute in Asherah milim khat bawl uh a, vantung a om nate khempeuh bia-in Baal milim na sem uh hi.

Isaiah 19:3

Egypt mite’ lungsim hawmsuak ding a, amau’ geelnate ka siasak ding hi. Amaute in milimte, vankah theite le aisan theite tungah thu dong ding uh hi.