2 KUMPI NIHNATE 1:10 - Tedim Bible

¹⁰ Ahih hangin Elijah in mihing sawmnga a ukpa dawngin, “Kei pen Pasian’ mi khat ka hih leh, vantung panin meikuang hong paisuk hen la, nang le na mihing sawmngate hong kangtum hen,” a ci hi. Tua ciangin vantung panin meikuang hong paisukin amah le a mihing sawmngate a kangtum hi.

Tedim Bible Revision 2017

¹⁰ Ahih hangin Elijah in mihing sawm nga a ukpa dawngin, “Kei pen Pasianʼ mi khat ka hih leh, vantung panin meikuang hong pai suk henla, nang le na mihing sawm ngate hong kaang tum hen,” a ci hi. Tua ciangin vantung panin meikuang hong pai sukin amah le a mihing sawm ngate a kaang tum hi.

2 KUMPI NIHNATE 1:10 Referans Kwoze

Luka 9:54

A nungzuite sung pan James le Johan in hih thu a theih uh ciangin Jesuh kiangah, “Topa aw, vantung panin meikuang ngenin amaute kangtumsak le ung nong awi hiam?” a ci uh hi.

Daniel 3:25

“Tua ahihleh bang hangin meikuang sungah mihing li a kawi paipai mu ka hi hiam? Amaute lah kihencip lo a, liam zong liam tuak beek lo uh hi. A lina pen pa hoh pasian-te khat tawh a kibang hi,” ci-in a dong hi.

Hebru 12:29

Bang hang hiam cih leh eite’ Pasian pen a kangtum thei meikuang tawh a kibang ahi hi.

Daniel 3:22

Bang hang hiam cih leh kumpipa’ thupiakna kinawh lua mahmah a, mei phualpi lah sa lua mahmah ahih manin a khulte nangawn meikuang in hullum hi.

Mangmuhna 11:5

Mi khatpeuh in amaute suksiat ding hanciam leh amaute’ kam panin meikuang pusuakin a galte a kangtum hi. Amaute suksiat ding a hanciam peuhpeuh tua bangin kisusia hi.

Late 106:18

Amaute’ sungah mei hong piangkhia a, meikuang in migilote a kangtum hi.

JOB (Job) 1:16

Amah in a thugen a khit ma-in kamtai dang khat hong tungin, “Vantung panin keek hong kia a, tuute le tuucingte kha-in kangtum uh hi. Hih thu nang kiangah a hong ko thei dingin kei bek kong suakta hi,” a ci hi.

Sawltak 12:19

Peter a zon nadingun Herod in thu pia a, ahi zongin mu zo lo uh hi. Tua ahih manin thongcingte thu kisit a, thah dingin thu a khen nadingun thu a pia hi. Tua ciangin Judea gam panin Sisaria khua-ah Herod paisuk a, tua lai-ah tawlkhat sung a om hi.

Mattiu 21:41

Amaute in, “Tua migilote thatgawp ding a, a hun hunin leenggah a pia ding lo khawhlawh dangte khosak ding hi,” a ci uh hi.

Daniel 6:24

Tua ciangin kumpipa in Daniel a hekteng khempeuh a zi a ta ciat uh tawh humpinelkai kikhumna sungah khiat dingin thu a pia hi. Amaute humpinelkai kikhumna taw a tun ma-un humpinelkaite in bakkhat suahin a guh a tangin a balzan gawp uh hi.

Late 105:15

“Ka sathau nilhte sukha kei un; ka kamsangte tungah siatna bawl kei un,” ci hi.

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

1 KUMPI MASATE 22:28

Tua ciangin Mikaiah in, “Lungnuam takin nong ciahkik leh Topa in kei’ tungtawnin thu hong gen lo ahi hi,” a ci hi. Tua ciangin amah in, “A kuamah peuh in hih ka thugen za un,” cithuah lai hi.

Gamlak-vakna 16:35

Tua ciangin Topa’ kiang panin mei hong paikhia a, paknamtui a pia mi zanih le sawmngate kangtum hi.

Gamlak-vakna 11:1

Mihonte in amau’ tuahsiatna hangin Topa’ zakin a phun uh hi. Topa in tua thu a zak ciangin heh mahmah a, amaute’ lakah Topa’ mei kuangin, giahphual nawl kimkhat kangtum hi.

2 KUMPI NIHNATE 1:11

Tua ciangin kumpipa in ama kiangah mihing sawmnga a uk adang khat a mihing sawmnga mah tawh sawlkik hi. Tua ciangin amah paito-in ama kiangah, “Pasian’ mipa aw, kumpipa’ thupiakna hih bang ahi hi: ‘Manlang takin hong paisuk in,’ cihna ahi hi,” a ci hi.

Siampi Laibu 10:2

Topa’ omna mun panin mei hong paikhia-in amaute kang a, Topa’ mai-ah a si uh hi.