2 KHANG TANGTHU NIHNATE 9:21 - Tedim Bible

²¹ Bang hang hiam cih leh Kumpi Hiram’ nasemte tawh kumpipa’ teembawte, Tarshish-ah pai hi. Tarshish teembawte kum thum simin khatvei hong tungin kham, ngun, saiha, zawngmaw, le utong hong puak zel hi.

Tedim Bible Revision 2017

²¹ Bang hang hiam cih leh Kumpi Hiramʼ nasemte tawh kumpipaʼ teembawte, Tarshish ah pai hi. Tarshish teembawte kum thum simin khatvei hong tungin kham, ngun, saiha, zawngmaw le utong hong puak zel hi.

2 KHANG TANGTHU NIHNATE 9:21 Referans Kwoze

JOB (Job) 39:13

“Vasa-kalaohte in a kha uh bangzah takin nawh zap thei ahi hiam! Ahi zongin gun vapi bangin vasa-kalaoh leng thei lo hi.

1 KUMPI MASATE 22:48

Jehoshafat in kham zongin Ofir-ah a pai dingin Tarshish teembawte bawl hi. Ahih hangin Eziongeber-ah teembawte sia ahih manin amaute pai lo uh hi.

1 KUMPI MASATE 10:22

Bang hang hiam cih leh kumpipa in Hiram’ teembaw honte tawh Tarshish teembaw honkhat tuipi-ah a pai nei hi. Tarshish teembaw honte kum thumin khatvei hong pai-in kham, ngun, saiha, zawngmaw, le utongte hong puak zel hi.

2 KHANG TANGTHU NIHNATE 9:20

Kumpi Solomon’ dawnna haite khempeuh kham hi a, Lebanon Tulak Inn sunga umlebeelte khempeuh zong kham citak ahi hi. Solomon’ hun lai-in ngun bangmahin kingaihsun lo hi.

Late 72:10

Tarshish kumpite le tuikulh neu-a kumpite in ama tungah siah pia uh hen la, Sheba le Seba kumpite in letsong puak ta uh hen.

2 KHANG TANGTHU NIHNATE 8:18

Tua ciangin Kumpi Hiram in teembawte le tuipi a thei a nasemte tawh ama nasemte sawl a, Solomon’ nasemte tawh Ofir-ah paikhawmin tua lai panin kham talen zali le sawmnga pua-in Kumpi Solomon kiang a tunpih uh hi.

Jeremiah 10:9

Tarshish khua panin ngun seksa va la uh a, Ufaz khua panin kham va la uh hi. Khutsiamte le kham seekte in milimin bawl uh a, siamgat siamte’ gat ahi, puan engdup le puan sandup tawh a zem uh hi.

Ezekiel 27:12

“Tarshish gammite tawh sumlei sumzuakna-ah na kizom uh a, na van tampite hong lei-in ngun, sik, dal, le haknawte hong pia uh hi.

Ezekiel 27:15

Rods gammite in zong nang tawh sumzuakna-ah kizopna nei uh a, tuipi gei-a om gam khempeuhte in na van hong leina-in saiha le ningsing hong pia uh hi.

Jonah 1:3

Ahih hangin Topa’ kiang pan Jonah taikhia-in Tarshish khua lamah a taisim dingin a kithawi zawsop hi. Joppa khua-ah paisuk a, Tarshish khua a zuan ding teembaw khat a mu hi. A sap man ding pia-in a tungah kah a, Topa’ kiang pan a taikhia dingin teembaw hawlte tawh Tarshish khua-ah a pai hi.