2 KHANG TANGTHU NIHNATE 9:16 - Tedim Bible

¹⁶ Tua ciangin amah in a kiseek kham lum zathum bawl hi; lum khat ciangin kham shekel zathum bei hi. Tua ciangin kumpipa in Lebanon Tulak Inn sungah tuate koih hi.

Tedim Bible Revision 2017

¹⁶ Tua ciangin amah in a kiseek kham lum za thum bawl hi; lum khat ciangin kham shekel za thum bei hi. Tua ciangin kumpipa in Lebanon Tulak Inn sungah tuate koih hi.

2 KHANG TANGTHU NIHNATE 9:16 Referans Kwoze

1 KUMPI MASATE 7:2

Amah in Lebanon Tulak Inn a kici khat a lam hi. A sauna pi zalesawmnga hi a, a zaina pi sawmsagih le nga hi-in, a sanna pi sawmli le nga hi a, taamtak khuampi gual thum tungah taamtak innkam kikhungin tua tungah a kilam ahi hi.

1 KUMPI MASATE 14:26

Amah in Topa’ biakinn-a van manphate le kumpipa’ inn-a van manphate lakhia hi. Amah in na khempeuh lakhia hi. Amah in Solomon’ bawlsa kham lumte khempeuh zong la hi.

2 KHANG TANGTHU NIHNATE 9:15

Kumpi Solomon in kham a kiseek lumpi zanih bawl hi; lum khat ciangin a kiseek kham shekel zaguk bei hi.

2 KHANG TANGTHU NIHNATE 9:17

Kumpipa in saiha kibawl kumpi tokhom a lian khat zong bawl a, kham citak tawh zut hi.

2 KHANG TANGTHU NIHNATE 12:9

Tua ahih ciangin Jerusalem a simin Egypt kumpipa Shishak hong kuanto hi. Amah in Topa’ biakinn-a vanmanphate le kumpipa’ inn-a vanmanphate a kipan na khempeuh a lakhia hi. Amah in Solomon’ bawlsa kham lumte zong lakhia hi.