2 KHANG TANGTHU NIHNATE 9:1 - Tedim Bible

¹ Tu-in Sheba kumpinu in Solomon’ minthanna a zak ciangin thudotna haksate tawh a ze-et dingin Jerusalem-ah hong pai a, nungzui honpi le a namtui nate le kham tampi le suangmanphate a pua kalaohte hong keng hi. Solomon kiangah amah hong tun ciangin a lungsim a om khempeuh ama tungah gen hi.

Tedim Bible Revision 2017

¹ Tu-in Sheba kumpinu in Solomonʼ minthanna a zak ciangin thudotna haksate tawh a ze-et dingin Jerusalem ah hong pai a, nungzui honpi le a namtui nate le kham tampi le suang manphate a pua kalaohte hong keng hi. Solomon kiangah amah hong tun ciangin a lungsim a om khempeuh ama tungah gen hi.

2 KHANG TANGTHU NIHNATE 9:1 Referans Kwoze

Mattiu 12:42

Leitaw lam gam kumpinu in Solomon’ pilna thu a ngai dingin leitung phelkhat kantanin hong pai ahih manin thukhen ni ciangin amah in note mawhsakna thu hong gen ding hi. Note kiangah kong genin-ah: Tu mahmahin hih lai-ah Solomon sangin a lianzaw khat a om hi.

Luka 11:31

Thukhen Ni ciangin leitaw lam gam pana hong pai Kumpinu hong dingin tuhun mite mawhsakna thu hong gen ding hi. Bang hang hiam cih leh Solomon’ pilna thu a za dingin leimong khat panin amah hong pai a, ahi zongin Solomon sangin a lianzaw khat hih lai-ah om hi.

2 KHANG TANGTHU NIHNATE 9:9

Tua ciangin amah in kumpipa tungah kham talen zakhat le sawmnih, le a namtui nate tampi tak, le suangmanphate a pia hi. Sheba kumpinu in Kumpi Solomon tungah a piak tua banga a namtui nate zahin a hoih om ngei lo hi.

Piancilna 10:7

Kush’ tapate: Seba, Havilah, Sabtah, Raamah, le Sabteka ahi hi. Raamah’ tapate: Sheba le Dedan ahi hi.

Mattiu 13:35

Hih bangin thugentehna a zatna pen kamsang Isaiah in, “Thugentehna zangin thu ka gen ding a, leitung piancil a kipan a kithei lo thute ka gen ding hi,” ci-in a genkholhsakna thu a tun nading ahi hi.

Mattiu 13:11

Jesuh in, “Vantung ki-ukna tawh kisai thusim note tungah hong kihilh a, ahi zongin amaute tungah kihilh lo hi.

Mattiu 12:34

Gul bangin ngian a zang note aw, migilo na hih uh ciangin bangci-in thuhoih genthei mah ding na hi uh hiam? Bang hang hiam cih leh lungsim sunga thu om pen kam in a genkhia hi bek hi.

Mattiu 2:11

Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a vanpuakte uh suahkhia uh a, kham, saledi paknamtui, le myrrh paknamtuite, letsongin a pia uh hi.

Isaiah 60:6

Midian mite le Efah mite’ kalaoh note, kalaoh honpite in nang hong tuam ding uh a, Sheba gam sunga om khempeuh hong pai ding uh hi. Amaute in kham le paknamtui hong paipih ding uh a, Topa phatna a taangko ding uh hi.

Paunak 1:6

paunakte le thugentehnate hoihtakin thei-in, mipilte’ kampau leh a thugente uh a theih nading ahi hi.

Late 142:2

Ama mai-ah ka lungkim lohna ka sung a, ama mai-ah ka haksatna teng ka gen hi.

Late 78:2

Note tungah thugentehna zangin ka kam ka-in thu ka hong gen ding hi. I pu i pate in hong gensa, eite in i zaksa le i theihsa, tanglai-a thuthukte ka hong genkhia ding hi.

Late 72:15

Amah a khansau hen la, Sheba gam a khamte ama tungah kipia tahen. Ama a dingin thu kingetsak tawntung hen la, sunthapai-in ama a dingin thupha kingetsak tahen.

Late 72:10

Tarshish kumpite le tuikulh neu-a kumpite in ama tungah siah pia uh hen la, Sheba le Seba kumpite in letsong puak ta uh hen.

Late 49:4

Paunak thu theihhak khat ka ngaihsun ding a, laiza lasakna tawh a khiatna ka gentel ding hi.

2 KHANG TANGTHU NIHNATE 1:12

pilna le theihna nangma tungah hong kipia hi. Nang’ ma-a kumpite kuamah in a neih ngei loh, nang’ khit-ate kuamah in zong tua bang a neih loh ding hauhnate, neihnate, le pahtawina zong, nangma tungah kong pia thuah ding hi,” a ci hi.

2 KHANG TANGTHU NIHNATE 1:1

David’ tapa Solomon in ama kumpi gam kho takin lenkip hi; bang hang hiam cih leh Topa ama Pasian in ompih a, a lian mahmahin amah a bawl hi.

1 KUMPI MASATE 4:31

Bang hang hiam cih leh midang khempeuh sangin amah pilzaw a, Ezrah mi Ethan, le Mahol’ tapa Heman, Kalkol, le Darda sangin pilzaw lai a, a kiima minam khempeuh lakah ama minthanna kizel hi.

1 SAMUEL MASA 1:15

Ahih hangin Hannah in dawngin, “Hilo hi, ka topa aw; kei pen nakpitakin a lungkham numei ka hi hi. Leenggahzu ahi a, khamtheihzu ahi zongin ka ne kei a, Topa’ mai-ah ka lungsim a sungkhia ka hi hi.

Piancilna 25:3

Jokshan pen Sheba le Dedan’ pa ahi hi. Dedan’ tate: Asshurim, Lethusim, le Leummim ahi hi.

Piancilna 10:28

Obal, Abimael, Sheba,

2 KHANG TANGTHU NIHNATE 9:2

Tua ciangin Solomon in ama dotna khempeuh dawng hi. Solomon in ama tungah a gentel theih loh haksa lua a sak bangmah om lo hi.