2 KHANG TANGTHU NIHNATE 8:14 - Tedim Bible

¹⁴ A pa David’ biakna ngeina kip tawh kizui-in, nasep nadingin siampite a pawlpawlin a kikhennate, le nisim nasepna-ah a kisam bangin siampite’ mai-ah Levi mite phatna lasak panmunte le kongpi tampite-a’ dingin kongcingte amau’ pawl kikhenna ciatah amah in seh hi; bang hang hiam cih leh tua bangin Pasian’ mipa David in thu pia hi.

Tedim Bible Revision 2017

¹⁴ A pa Davidʼ biakna ngeina kip tawh kizui-in, nasep nadingin siampite a pawlpawlin a kikhennate le nisim nasepna ah a kisam bangin siampiteʼ mai ah Levi mite phatna la sak panmunte le kongpi tampite-aʼ dingin kongcingte amauʼ pawl kikhenna ciatah amah in seh hi; bang hang hiam cih leh tua bangin Pasianʼ mipa David in thupia hi.

2 KHANG TANGTHU NIHNATE 8:14 Referans Kwoze

1 KHANG TANGTHU MASATE 9:17

Kulhkongpi cingte: Shallum, Akkub, Talmon, le Ahiman hi a, Shallum pen amau’ makai pa ahi hi.

Nehemiah 12:36

le ama behte Shemaiah, Azarel, Gilalai, Maai, Nethanel, Judah, le Hanani-te, Pasian’ mi David’ lasakna nate tawh pai uh a, tuate lakah laithei pa Ezra masa hi.

Nehemiah 12:24

Tua ciangin Levi mi ukpite: Hashabiah, Sherebiah, Jeshua, Binnui, le Kadmiel hi uh a, Pasian’ mi David’ thupiakna bangin a banbanin phatna la a sa ding le lungdamna a ko dingin a sanggamte uh tawh na a sem ding uh ahi hi.

Ezra 6:18

Tua ciangin Moses laibu sungah a kigelh bangin Jerusalem-a Pasian’ nasep nadingin siampite amau’ panmun ngei-ah pangsak uh a, Levi mite amau’ nasepna ngei-ah a semsakkik uh hi.

Sawltak 13:36

David in ama hun lai-in Pasian’ deihna bangin na sem a, a sih ciangin a pu a pate gei mahah kisialin muatna a thuak hi.

Sawltak 13:22

Pasian in kumpi dingin Saul a zat nawn loh ciangin amaute’ kumpi dingin David a semsak hi. Pasian in David’ thu genin, ‘Ka sawl khempeuh a sem ding, ka deih bang mi khat, Jessi’ tapa David ka mukhin hi,’ a cihsa thu ahi hi.

Luka 1:8

Nikhat, ama pawlte’ sep hun ding a tun ciangin Zekhariah in Pasian’ mai-ah siampi nasep a sem hi.

Luka 1:5

Judea gam a hong uksawn kumpi Herod hun laitakin siampi Abijah’ pawlte’ sung panin Zekhariah minnei siampi khat a om hi. A zi’ min Elizabeth hi a, amah zong Aaron’ suan ahih manin siampi nam mah ahi hi.

2 KHANG TANGTHU NIHNATE 35:10

Nasepna ding a kithawi khit uh ciangin, siampite amau’ munah ding uh a, kumpipa’ thupiakna bangin Levi mite amau’ khen sungah om uh hi.

2 KHANG TANGTHU NIHNATE 31:2

Tua ciangin Hezekiah in siampite le Levi mite amau’ nasep ciat tawh kizui-in a khen a khenin seh a, siampite le Levi mite in meihal biaknate le thunuama biaknate pia-in, Topa’ biakinn sung phual tuamtuamte-ah na semin lungdamkohna le phatna a bawl ding uh ahi hi.

2 KHANG TANGTHU NIHNATE 23:4

Note in hih bangin na hih ding uh hi: Sabbath ni-in nasep a peng no siampite le Levi mite sung panin seh thum ah seh khat kulhkongpi cingte na hi ding uh a,

2 KHANG TANGTHU NIHNATE 5:11

Siangtho mun panin siampite hong pusuakin (bang hang hiam cih leh amau’ pawlte cihtuam om loin tua lai-a om siampite khempeuh amau mahmah kisiansuah uh hi.

1 KHANG TANGTHU MASATE 28:19

Nasep ding khempeuh geelsa bangin sep dingin hih thu tawh kizui-in Topa’ genna bangin lai-in gelhna tawh amah in hihte khempeuh a siangin a hih hi.

1 KHANG TANGTHU MASATE 23:1

Tu-in David teekin kum tampi pha a, amah in Israel tungah kumpi-in a tapa Solomon a koih hi.

1 KHANG TANGTHU MASATE 16:42

Heman le Jeduthun inla aw dingin peengkulte le daltuahte nei uh a, biakna lasak nadingin lasakna nate nei uh hi. Jeduthun’ tapate kulhkongpi cing dingin kiseh hi.

1 KUMPI MASATE 13:1

Tua laitakin Topa’ sawlna tawh Judah panin Pasian’ mi khat Bethel-ah hong pai hi. Paknamtui hal dingin biakna tau gei-ah Jeroboam na ding hi.

2 SAMUEL NIHNA 23:2

“Topa’ kha in kei tungtawnin thu hong gen a, ka kam sungah ama thugente om hi.

Thu-hilhkikna 33:1

Hih pen, Pasian’ mi Moses in ama sih ma-in Israel mite thupha a piakna ahi hi.

1 KHANG TANGTHU MASATE 16:37

Tua ahih ciangin David in nisima a kisam bangin Thuciamna Singkuang mai-ah na a sem tawntung dingin Asaf le a Levi mipihte Topa’ Thuciamna Singkuang mai-ah nusia a,

1 KHANG TANGTHU MASATE 24:1

Aaron’ suante a kisehkhennate hih bang ahi hi. Aaron’ tapate: Nadab, Abihu, Eleazar, le Ithamar ahi uh hi.

1 KHANG TANGTHU MASATE 25:1

David le nasepna ah a ukpite in zong laiza lasaknate, harp lasaknate, le daltuahte tawh Pasian thu a gen dingin Asaf, Heman, le Jeduthun-te’ tapate pawlkhat nasepna-a dingin koihtuam uh hi. Na a semte le amau’ nasepte:

1 KHANG TANGTHU MASATE 26:1

Kongcingte a kisehkhenna hih bang ahi hi: Korah behte, Asaf’ innkuan sung panin Kore’ tapa Meshelemiah ahi hi.

2 KHANG TANGTHU NIHNATE 8:15

Thu khat peuhpeuh le vanmanpha koihnate tawh kisai-in kumpipa in siampite le Levi mite a thupiakna bang teekteekin amaute in a sem uh hi.

2 KHANG TANGTHU NIHNATE 29:25

Tua ciangin amah in David le kumpipa’ thumu pa Gad le kamsang Nathan’ thupiakna bangin Topa’ biakinn sungah daltuahte, harp lasaknate, le laiza lasaknate tawh Levi mite a koih hi; bang hang hiam cih leh tua thupiakna pen kamsangte’ tungtawnin Topa’ kiang pan a hong pai ahi hi.

2 KHANG TANGTHU NIHNATE 35:4

Note a khenkhenin na beh uh tawh kizui-in kithawi unla, Israel kumpipa David’ lamlahna le a tapa Solomon’ lamlahna zui un.

1 KHANG TANGTHU MASATE 9:24

Kongpi cingte pen a pang li, nisuahna, nitumna, leilu, le leitaw lamah om uh hi.

1 KHANG TANGTHU MASATE 24:3

Eleazar’ suan Zadok, le Ithamar’ suan Ahimelek’ huhna tawh David in amau’ nasepna-ah a kiseh bangin Aaron’ suante a koih hi.

2 KHANG TANGTHU NIHNATE 23:19

Lam khat peuhpeuhah a nin mi khat peuhpeuh hong lut loh nadingin Topa’ biakinn kulhkongpite-ah amah in kulhkongpi cingte a koih hi.

2 KHANG TANGTHU NIHNATE 35:15

David’ thupiak bangin Asaf’ behte ahi lasate, le Asaf, le Heman, le kumpipa’ thumu pa Jeduthun-te amau’ munah om uh hi. Kulhkongpi cingte a kulhkongpi ciatah om uh a, amau’ sanggam Levi mite in amau a dingin sa bawlsak uh ahih manin amau’ nasepna pan amaute a paikhiat ding uh kisam lo hi.

Nehemiah 12:25

Mattaniah, Bakbukiah, Obadiah, Meshullam, Talmon le Akkub-te pen vankoihna kongpite a cing kongcingte ahi uh hi.