2 KHANG TANGTHU NIHNATE 7:21 - Tedim Bible

²¹ “Tua ciangin a minthangsa hih biakinn a nawkkha khempeuh in lamdangsa-in, ‘Bang hangin hih bangin Topa in hih gam le hih biakinn bawl ahi hiam?’ ci ding uh hi.

Tedim Bible Revision 2017

²¹ “Tua ciangin a minthang sa hih biakinn a nawk kha khempeuh in lamdang sa-in, ‘Bang hangin hih bangin Topa in hih gam le hih biakinn bawl ahi hiam?’ ci ding uh hi.

2 KHANG TANGTHU NIHNATE 7:21 Referans Kwoze

Jeremiah 19:8

Hih khuapi a mulkimhuai le a simmawhhuai ka suaksak ding a, a kantan mi khempeuh in khuapi siatna hangin lamdangsa-in zahpihin a phitsan ding uh hi.

Jeremiah 50:13

Topa’ hehna hangin kuamah teng lo ding a, gamlakpi a suak ding hi. Babylon khua a kantan mi khempeuh in lamdangsa-in khuapi siatna hangin zahko-in a phitsan ding uh hi.

Jeremiah 49:17

“Edom gam pen a mulkimhuai gam suak ding a, a kantan mi khempeuh in a siatgawpna hangin lamdangsa-in a mulkim ding uh hi.

Jeremiah 22:28

Jehoiakhin, kuama deih loh a kipaimang beel kitam tawh kibang ta ahi hiam? Bang hangin amah le a tate kilawnkhia a, a theih loh uh gamah kipaimang ahi hiam?

Jeremiah 13:22

Bang hangin hih thute kei tungah hong tung ahi hiam, ci-in na ngaihsut leh na mawhna a liatluatna hang ahi hi. Tua thu hangin na nik hong kihawkgawp a, a hong kibuan gawp ahi hi.

Jeremiah 5:19

Na mipihte un, ‘Bang hangin Topa i Pasian in hih bangin ei’ tungah hong bawl ahi hiam?’ a cih uh ciangin nangmah in, ‘Topa nusia-in na gam sung uhah gamdang pasian-te’ na na sep uh bangin, note’ gam ahi lo gam dangah, gamdang mite’ na na sem ding uh hi,’ na ci ding hi,” hong ci hi.

2 KHANG TANGTHU NIHNATE 29:8

Tua ahih ciangin Judah le Jerusalem tungah Topa’ hehna hong tung a, note’ mit mahmah tawh na muh uh mah bangin amah in amaute a cikzethuai, lamdangsakna, le a dipkuathuai-in a bawl hi.

Jeremiah 22:5

Ahih hangin note in hih thute na zuih kei uhleh keimah Topa in kong genin-ah, hih inn gamlak a suaksak dingin ka kiciam hi.